ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਉਤਸਵ ਤੇ ਛਪੇਗਾ ਵਿਸ਼ੇਸ਼ ਅੰਕ
ਵੈਨਕੂਵਰ (ਜਰਨੈਲ ਸਿੰਘ) – ਇੰਡੀਅਨਜ਼ ਐਬਰੋਡ ਐਂਡ ਪੰਜਾਬ ਇੰਮਪੈਕਟ (ਸਮੁੰਦਰੋਂ ਪਾਰ ਦਾ ਪੰਜਾਬੀ ਸੰਸਾਰ) ਦਾ ਸਪੈਸ਼ਲ ਕੈਨੇਡਾ ਐਡੀਸ਼ਨ 2018 ਸਫਲਤਾ ਨਾਲ 20 ਮਾਰਚ ਨੂੰ ਪਾਠਕਾਂ ਦੇ ਸਨਮੁੱਖ ਕੀਤਾ ਗਿਆ ਹੈ, ਹੁਣ ਵਿਸ਼ਵ ਪ੍ਰਸਿੱਧੀ ਪ੍ਰਾਪਤ *ਅੰਤਰਰਾਸ਼ਟਰੀ ਪੱਤਰਕਾਰ ਨਰਪਾਲ ਸਿੰਘ ਸ਼ੇਰਗਿੱਲ ਕੈਨੇਡਾ ਵਿਚ ਹਨ। ਉਹ ਕੈਨੇਡਾ ਦੇ ਗੁਰਦੁਆਰਿਆਂ, ਇਤਿਹਾਸਕ ਥਾਵਾਂ, ਪ੍ਰਵਾਸੀ ਉਦਯੋਗਪਤੀਆਂ, ਪ੍ਰਵਾਸੀ ਕਾਰੋਬਾਰੀਆਂ, ਸਿਆਸਤਦਾਨਾਂ, ਕਲਾਕਾਰਾਂ, ਮੀਡੀਆ-ਕਰਮੀਆਂ, ਪੰਜਾਬੀ ਡਾਕਟਰਾਂ, ਵਕੀਲਾਂ ਅਤੇ ਸਾਇੰਸਦਾਨਾਂ ਨਾਲ ਤਾਲਮੇਲ ਕਰਕੇ ਸਿੱਖਾਂ ਦੇ ਪਹਿਲੇ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਦਿਹਾੜੇ ਉਤੇ ਵਿਸ਼ੇਸ਼ ਅੰਕ 2019 ਪ੍ਰਕਾਸ਼ਿਤ ਕਰਨਗੇ। ਇੰਡੀਅਨ ਐਬਰੋਡ ਐਂਡ ਪੰਜਾਬ ਇੰਮਪੈਕਟ ਦੇ ਗੁਰੂ ਨਾਨਕ ਦੇਵ ਜੀ ਸਬੰਧੀ ਅੰਕ ਦੇ ਏ-ਫੋਰ ਸਾਈਜ਼ ਦੇ 550 ਰੰਗਦਾਰ ਸਫੇ ਹੋਣਗੇ, ਜਿਸ ਵਿੱਚ ਗੁਰੂ ਨਾਨਕ ਦੇਵ ਜੀ ਦੀ ਚਹੁੰ ਕੂੰਟਾਂ ਦੀਆਂ ਸੰਸਾਰ ਫੇਰੀਆਂ, ਗੁਰਬਾਣੀ, ਗੁਰਮਤ ਸਾਹਿੱਤ ਸਬੰਧੀ ਵਿਸ਼ੇਸ਼ ਲੇਖਾਂ ਤੋਂ ਬਿਨ੍ਹਾਂ ਸੰਸਾਰ ਭਰ ਦੇ ਗੁਰਦੁਆਰਿਆਂ, ਵਿਦਿਅਕ ਸੰਸਥਾਵਾਂ ਦੇ ਫੋਨ, ਈ-ਮੇਲਜ਼ ਆਦਿ ਸੂਚਨਾਵਾਂ ਤੋਂ ਬਿਨ੍ਹਾਂ ਵਪਾਰਕ ਪੰਨੇ ਵੀ ਹੋਣਗੇ, ਜਿਸ ਵਿੱਚ ਚਾਹਵਾਨ ਆਪਣੇ ਇਸ਼ਤਿਹਾਰ ਦੇ ਕੇ ਗੁਰੂ ਨਾਨਕ ਸਾਹਿਬ ਜੀ ਦੇ ਪ੍ਰਕਾਸ਼ ਉਤਸਵ ‘ਤੇ ਛਪ ਰਹੀ ਇਸ 21ਵੀਂ ਸਾਲਾਨਾ ਵਿਲੱਖਣ ਪੁਸਤਕ ‘ਚ ਵਿਸ਼ੇਸ਼ ਥਾਂ ਪ੍ਰਾਪਤ ਕਰ ਸਕਦੇ ਹਨ।
