ਨਿਊਯਾਰਕ: ਅਮਰੀਕਾ ਵਿੱਚ ਇੱਕ ਭਾਰਤੀ ਨੂੰ ਇਨਸਾਈਡਰ ਟ੍ਰੇਡਿੰਗ ਦੇ ਇਲਜ਼ਾਮ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਉਕਤ ਵਿਅਕਤੀ ਖਿਲਾਫ ਇਨਸਾਈਡਰ ਟ੍ਰੇਡਿੰਗ (ਭੇਤ ਲੀਕ ਕਾਰੋਬਾਰ) ਤੇ ਇੱਕ ਪ੍ਰਾਈਵੇਟ ਫਰਮ ਵੱਲੋਂ ਕੰਪਨੀ ਦੇ ਐਕੁਆਇਰ ਨਾਲ ਜੁੜੀਆਂ ਗੁਪਤ ਸੂਚਨਾਵਾਂ ਲੀਕ ਕਰਕੇ ਹਜ਼ਾਰਾਂ ਡਾਲਰ ਕਮਾਉਣ ਦੇ ਇਲਜ਼ਾਮ ਲੱਗੇ ਹਨ। ਦੋਸ਼ ਸਾਬਤ ਹੋਣ ‘ਤੇ ਭਾਰਤੀ ਨੂੰ 20 ਸਾਲ ਦੀ ਸਜ਼ਾ ਤੇ 5 ਲੱਖ ਡਾਲਰ (32 ਕਰੋੜ ਰੁਪਏ) ਦਾ ਜੁਰਮਾਨਾ ਦੇਣਾ ਪੈ ਸਕਦਾ ਹੈ।
ਹਾਸਲ ਜਾਣਕਾਰੀ ਮੁਤਾਬਕ ਅਵਨੀਸ਼ ਕ੍ਰਿਸ਼ਨਾਮੂਰਤੀ (41) ਨਾਂ ਦਾ ਮੁਲਜ਼ਮ ਮਾਨਹੈਟਨ ਦੇ ਇੱਕ ਇਨਵੈਸਟਮੈਂਟ ਬੈਂਕ ਵਿੱਚ ਕੰਮ ਕਰਦਾ ਸੀ। ਮਾਨਹੈਟਨ ਦੇ ਐਕਟਿੰਗ ਅਟਾਰਨੀ ਜੂਨ ਕਿਮ ਨੇ ਕਿਹਾ ਕਿ ਕ੍ਰਿਸ਼ਨਾਮੂਰਤੀ ਨੇ ਭੇਤ ਲੀਕ ਕਾਰੋਬਾਰ ਦੀ ਯੋਜਨਾ ਤਹਿਤ ਕਰੀਬ 48 ਹਜ਼ਾਰ ਅਮਰੀਕੀ ਡਾਲਰ ਗੈਰਕਾਨੂੰਨੀ ਕਮਾਏ ਹਨ।ਅਵਨੀਸ਼ ਨਿਊਜਰਸੀ ਦਾ ਰਹਿਣ ਵਾਲਾ ਹੈ ਤੇ 2015 ਵਿੱਚ ਮਾਨਹੈਟਨ ਦੇ ਇੱਕ ਇਨਵੈਸਟਮੈਂਟ ਬੈਂਕ ਵਿੱਚ ਉਪ-ਪ੍ਰਧਾਨ ਤੇ ਰਿਸਕ ਮੈਨੇਜਮੈਂਟ ਮਾਹਿਰ ਦੇ ਤੌਰ ‘ਤੇ ਕੰਮ ਕਰਦਾ ਸੀ।
