ਏਜੰਸੀ, ਬਗਲਕੋਟ। Parliament Security Breach Case । ਦਿੱਲੀ ਪੁਲਿਸ ਨੇ ਕਰਨਾਟਕ ਦੇ ਇਕ ਨੌਜਵਾਨ ਸਾਈਕ੍ਰਿਸ਼ਨ ਜਗਲੀ ਨੂੰ ਸੰਸਦ ‘ਚ ਸੁਰੱਖਿਆ ਉਲੰਘਣਾ ਦੇ ਮਾਮਲੇ ‘ਚ ਹਿਰਾਸਤ ‘ਚ ਲਿਆ ਹੈ। ਨੌਜਵਾਨ ਤਕਨੀਕੀ ਮਾਹਿਰ ਤੇ ਸੇਵਾਮੁਕਤ ਡਿਪਟੀ ਐਸਪੀ ਦਾ ਪੁੱਤਰ ਹੈ। ਨੌਜਵਾਨ ਨੂੰ ਜ਼ਿਲ੍ਹਾ ਹੈੱਡਕੁਆਰਟਰ ਕਸਬਾ ਬਾਗਲਕੋਟ ਵਿੱਚ ਵਿੱਦਿਆਗਿਰੀ ਸਥਿਤ ਉਸ ਦੇ ਘਰ ਤੋਂ ਹਿਰਾਸਤ ਵਿੱਚ ਲਿਆ ਗਿਆ ਹੈ।
ਬੈਂਗਲੁਰੂ ਵਿੱਚ ਇੱਕ MNC ਕੰਪਨੀ ਵਿੱਚ ਕੰਮ ਕਰਨ ਵਾਲਾ ਜਗਲੀ ਮੈਸੂਰ ਨਿਵਾਸੀ ਮਨੋਰੰਜਨ ਡੀ ਦਾ ਦੋਸਤ ਹੈ। ਮਨੋਰੰਜਨ ਪਿਛਲੇ ਹਫ਼ਤੇ ਲੋਕ ਸਭਾ ਦੇ ਚੈਂਬਰ ਵਿੱਚ ਧਾਵਾ ਬੋਲਣ ਵਾਲਿਆਂ ਵਿੱਚੋਂ ਇੱਕ ਸੀ। ਸੂਤਰਾਂ ਨੇ ਦੱਸਿਆ ਕਿ ਜਗਲੀ ਕਾਲਜ ਦੇ ਦਿਨਾਂ ਦੌਰਾਨ ਮਨੋਰੰਜਨ ਦਾ ਰੂਮਮੇਟ ਵੀ ਸੀ।
ਸਾਈਕ੍ਰਿਸ਼ਨ ਜਗਲੀ ਦੀ ਭੈਣ ਸਪਾਂਡਾ ਨੇ ਦੱਸਿਆ ਕਿ ਦਿੱਲੀ ਪੁਲਿਸ ਦੀ ਟੀਮ ਆਈ ਅਤੇ ਉਸ ਦੇ ਭਰਾ ਨੂੰ ਲੈ ਗਈ। ਉਨ੍ਹਾਂ ਕਿਹਾ ਕਿ ਇਹ ਸੱਚ ਹੈ ਕਿ ਦਿੱਲੀ ਪੁਲਿਸ ਆਈ ਸੀ ਤੇ ਮੇਰੇ ਭਰਾ ਤੋਂ ਪੁੱਛਗਿੱਛ ਕੀਤੀ ਗਈ ਸੀ। ਅਸੀਂ ਜਾਂਚ ਵਿੱਚ ਪੂਰਾ ਸਹਿਯੋਗ ਦਿੱਤਾ ਹੈ। ਸਪਾਂਡਾ ਨੇ ਕਿਹਾ ਕਿ ਉਸਦੇ ਭਰਾ ਨੇ “ਕੁਝ ਵੀ ਗਲਤ” ਨਹੀਂ ਕੀਤਾ ਹੈ। ਉਸ ਨੇ ਦੱਸਿਆ ਕਿ ਮਨੋਰੰਜਨ ਅਤੇ ਸਾਈਕ੍ਰਿਸ਼ਨ ਜਗਲੀ ਦੋਵੇਂ ਰੂਮਮੇਟ ਸਨ।
