ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਸੁਪਰਸਟਾਰ ਸਲਮਾਨ ਖਾਨ ਤੇ ਕੈਟਰੀਨਾ ਕੈਫ ਮਸ਼ਹੂਰ ਐਕਸ਼ਨ ਫਰੈਂਚਾਇਜ਼ੀ ਫਿਲਮ ‘ਟਾਈਗਰ’ ਦੇ ਤੀਜੇ ਭਾਗ ‘ਚ ਨਜ਼ਰ ਆਉਣ ਵਾਲੇ ਹਨ। ਇਸ ਫਿਲਮ ‘ਚ ਐਕਸ਼ਨ ਤੇ ‘ਟਾਈਗਰ’ ਤੇ ‘ਜ਼ੋਇਆ’ ਦਾ ਪਿਆਰਾ ਜਿਹਾ ਪਰਿਵਾਰ ਦੇਖਣ ਨੂੰ ਮਿਲੇਗਾ। ਫਿਲਮ ਦਾ ਟ੍ਰੇਲਰ ਦੇਖਣ ਤੋਂ ਬਾਅਦ ਫੈਨਜ਼ ‘ਚ ਇਸ ਦੀ ਰਿਲੀਜ਼ ਨੂੰ ਲੈ ਕੇ ਉਤਸ਼ਾਹ ਵਧ ਗਿਆ ਹੈ। ਫਿਲਮ ਦੇ ਸਿਨੇਮਾਘਰਾਂ ‘ਚ ਆਉਣ ਦਾ ਸਮਾਂ ਹੈ। ਇਸ ਦੌਰਾਨ ਮੇਕਰਸ ਨੇ ਅਰਿਜੀਤ ਸਿੰਘ ਦੀ ਆਵਾਜ਼ ਵਿੱਚ ਫਿਲਮ ਦਾ ਪਹਿਲਾ ਗੀਤ ਰਿਲੀਜ਼ ਕੀਤਾ ਹੈ।
ਵੱਖਰੇ ਅੰਦਾਜ਼ ’ਚ ਦਿਖੇ ‘ਟਾਈਗਰ’ ਤੇ ‘ਜ਼ੋਇਆ’
ਕੁਝ ਦਿਨ ਪਹਿਲੇ ‘ਲੇਕੇ ਪ੍ਰਭੂ ਕਾ ਨਾਮ’ ਦਾ ਟੀਜ਼ਰ ਜਾਰੀ ਕੀਤਾ ਗਿਆ ਸੀ ਜਿਸ ’ਚ ਅਰਿਜੀਤ ਸਿੰਘ ਦੀ ਆਵਾਜ਼ ’ਚ ਟਾਈਗਰ 3 ਦਾ ਇਹ ਡਾਂਸ ਚਾਰਟਬਸਟਰ ਗੀਤ ਸੁਣ ਕੇ ਫੈਨਜ਼ ਨੇ ਤਾਰੀਫ਼ ਕੀਤੀ ਸੀ। ਹੁਣ ਮੇਕਰਸ ਨੇ ਪੂਰਾ ਗੀਤ ਰਿਲੀਜ਼ ਕਰ ਦਿੱਤਾ ਹੈ। ਸਲਮਾਨ ਖਾਨ ਇਕ ਵਾਰ ਫਿਰ ‘ਟਾਈਗਰ’ ਵਾਲੇ ਅਵਤਾਰ ’ਚ ਵਾਪਸ ਆ ਗਏ ਹਨ ਜਿਸ ‘ਚ ਉਸ ਨੂੰ ਦੇਖ ਕੇ ਫੈਨਜ਼ ਦਾ ਉਤਸ਼ਾਹ ਸਿਖਰਾਂ ‘ਤੇ ਹੈ। ਇਸ ਮਿਊਜ਼ਿਕ ਵੀਡੀਓ ‘ਚ ਕੈਟਰੀਨਾ ਕੈਫ ਨਾਲ ਉਨ੍ਹਾਂ ਦਾ ਕੂਲ ਅੰਦਾਜ਼ ਨਜ਼ਰ ਆ ਰਿਹਾ ਹੈ।
ਗੀਤ ਨੂੰ ਫੈਨਜ਼ ਨੇ ਕੀਤਾ ਕਾਫੀ ਪਸੰਦ
ਟਾਈਗਰ 3 ਦਾ ਇਹ ਪਹਿਲਾ ਗੀਤ ਸਵੈਗ ਨਾਲ ਭਰਪੂਰ ਹੈ। ਅਰਿਜੀਤ ਸਿੰਘ ਦੀ ਆਵਾਜ਼ ‘ਚ ਦਮਦਾਰ ਕੈਮਿਸਟਰੀ ਨਾਲ ਇਸ ਗੀਤ ‘ਚ ਸਲਮਾਨ-ਕੈਟਰੀਨਾ ਦੇ ਡਾਂਸ ਨੇ ਫੈਨਜ਼ ਦਾ ਦਿਲ ਜਿੱਤ ਲਿਆ ਹੈ। ਇਕ ਯੂਜ਼ਰ ਨੇ ਕਿਹਾ, ‘ਤੁਸੀਂ ਬਾਲੀਵੁੱਡ ਨੂੰ ਨਜ਼ਰਅੰਦਾਜ਼ ਕਰ ਸਕਦੇ ਹੋ, ਪਰ ਅਰਿਜੀਤ ਸਿੰਘ ਦੀ ਜਾਦੂਈ ਆਵਾਜ਼ ਨੂੰ ਨਹੀਂ।’ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਲੰਮੇ ਸਮੇਂ ਬਾਅਦ ਅਰਥ ਭਰਪੂਰ ਗੀਤ ਰਿਲੀਜ਼ ਹੋਇਆ। ਇਹ ਗੀਤ ਅਰਿਜੀਤ ਸਿੰਘ ਦੀ ਆਵਾਜ਼ ‘ਚ ਇਕ ਮਾਸਟਰਪੀਸ ਹੈ।
9 ਸਾਲ ਬਾਅਦ ਅਰਿਜੀਤ ਨੇ ਸਲਮਾਨ ਲਈ ਗਾਇਆ ਗੀਤ
ਟਾਈਗਰ 3 ਦਾ ਇਹ ਗੀਤ ਕਿਸੇ ਹੋਰ ਮਾਇਨੇ ‘ਚ ਖਾਸ ਹੋਵੇ ਜਾਂ ਨਾ ਹੋਵੇ ਪਰ ਇਕ ਗੱਲ ਤਾਂ ਇਹ ਹੈ ਕਿ ਇਹ ਗੀਤ ਵਾਰ-ਵਾਰ ਸੁਣਿਆ ਜਾ ਰਿਹਾ ਹੈ। ਸਲਮਾਨ-ਕੈਟਰੀਨਾ ਦੀ ਕੈਮਿਸਟਰੀ ਤੋਂ ਇਲਾਵਾ ਇਸ ਗੀਤ ਨੂੰ ਅਰਿਜੀਤ ਸਿੰਘ ਨੇ ਆਵਾਜ਼ ਦਿੱਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਲਮਾਨ ਨੇ ਅਰਿਜੀਤ ਸਿੰਘ ਨੂੰ ਆਪਣੀ ਕਿਸੇ ਵੀ ਫਿਲਮ ਵਿੱਚ ਗਾਉਣ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਦੋਵਾਂ ਵਿਚਾਲੇ ਝਗੜਾ ਇਕ ਐਵਾਰਡ ਫੰਕਸ਼ਨ ਦੌਰਾਨ ਸ਼ੁਰੂ ਹੋਇਆ ਜਿੱਥੇ ਸਲਮਾਨ ਨੂੰ ਅਰਿਜੀਤ ਦਾ ਮਜ਼ਾਕ ਪਸੰਦ ਨਹੀਂ ਆਇਆ।
ਅਰਿਜੀਤ ਨੂੰ ਪਲੇਬੈਕ ਸਿੰਗਰ ਦਾ ਐਵਾਰਡ ਮਿਲਿਆ ਸੀ। ਸਲਮਾਨ ਇਸ ਸ਼ੋਅ ਨੂੰ ਹੋਸਟ ਕਰ ਰਹੇ ਸਨ। ਜਦੋਂ ਉਸ ਨੇ ਅਰਿਜੀਤ ਨੂੰ ਐਵਾਰਡ ਦੇਣ ਲਈ ਬੁਲਾਇਆ ਤਾਂ ਉਸ ਨੂੰ ਦੇਖਦੇ ਹੀ ਉਸ ਨੇ ਪੁੱਛਿਆ, ‘ਤੁਸੀਂ ਸੌਂ ਰਹੇ ਹੋ?’ ਇਸ ਦੇ ਜਵਾਬ ਵਿੱਚ ਅਰਿਜੀਤ ਨੇ ਕਿਹਾ ਕਿ ਤੁਸੀਂ ਲੋਕਾਂ ਨੇ ਮੇਰੀ ਨੀਂਦ ਉਡਾ ਦਿੱਤੀ ਹੈ। ਇਹ ਸੁਣ ਕੇ ਸਲਮਾਨ ਗੁੱਸੇ ‘ਚ ਆ ਗਏ ਤੇ ਉਨ੍ਹਾਂ ਨੇ ਜਵਾਬ ਦਿੱਤਾ, ‘ਜੇਕਰ ਤੁਸੀਂ ਅਜਿਹਾ ਗੀਤ ਗਾਓਗੇ ਤਾਂ ਤੁਹਾਨੂੰ ਨੀਂਦ ਆ ਜਾਵੇਗੀ।’ ਇਸ ਤੋਂ ਬਾਅਦ ਦੋਹਾਂ ਵਿਚਾਲੇ ਝਗੜੇ ਦੀਆਂ ਖਬਰਾਂ ਆਉਣ ਲੱਗੀਆਂ। ਹਾਲਾਂਕਿ ਇਕ ਹੋਰ ਐਵਾਰਡ ਫੰਕਸ਼ਨ ਦੌਰਾਨ ਅਰਿਜੀਤ ਨੇ ਸਲਮਾਨ ਤੋਂ ਮਾਫੀ ਮੰਗੀ ਸੀ। ਪਰ ਉਸ ਘਟਨਾ ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਜਦੋਂ ਅਰਿਜੀਤ ਨੇ ਸਲਮਾਨ ਦੀ ਫਿਲਮ ‘ਚ ਕੋਈ ਗੀਤ ਗਾਇਆ ਹੈ।
ਦੀਵਾਲੀ ‘ਤੇ ਰਿਲੀਜ਼ ਹੋਣ ਵਾਲੀ ਫਿਲਮ
‘ਟਾਈਗਰ 3’ ਇਸ ਤਿਉਹਾਰੀ ਸੀਜ਼ਨ ਦੀਵਾਲੀ ‘ਤੇ ਰਿਲੀਜ਼ ਹੋ ਰਹੀ ਹੈ। ਇਹ ਫਿਲਮ 12 ਨਵੰਬਰ ਨੂੰ ਸਿਨੇਮਾਘਰਾਂ ‘ਚ ਦਸਤਕ ਦੇਵੇਗੀ। ਫਿਲਮ ‘ਚ ਸ਼ਾਹਰੁਖ ਖਾਨ ਪਠਾਨ ਦੇ ਰੂਪ ‘ਚ ਕੈਮਿਓ ਕਰਦੇ ਨਜ਼ਰ ਆਉਣਗੇ। ਇਸ ਨਾਲ ਹੀ ਇਮਰਾਨ ਹਾਸ਼ਮੀ ਵਿਲੇਨ ਦੇ ਰੂਪ ‘ਚ ਲੋਕਾਂ ਦਾ ਮਨੋਰੰਜਨ ਕਰਨਗੇ।
