ਬਿਜ਼ਨਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਗਾਹਕਾਂ ਨੂੰ ਸਹੂਲਤ ਪ੍ਰਦਾਨ ਕਰਨ ਲਈ ਕਾਰਡ ਨੈਟਵਰਕ ਲਈ ਪੋਰਟ ਸੇਵਾ ਸ਼ੁਰੂ ਕੀਤੀ ਹੈ। ਹੁਣ ਗਾਹਕ ਆਪਣੀ ਪਸੰਦ ਦਾ ਕਾਰਡ ਨੈੱਟਵਰਕ ਚੁਣ ਸਕਦੇ ਹਨ। ਇਹ ਨਿਯਮ ਗਾਹਕਾਂ ਨੂੰ ਸਹੂਲਤ ਦੇਣ ਦੇ ਮਕਸਦ ਨਾਲ ਲਾਗੂ ਕੀਤਾ ਗਿਆ ਹੈ। ਇਸ ਸਹੂਲਤ ਤੋਂ ਬਾਅਦ ਗਾਹਕ ਆਪਣੇ ਆਪ ਕਾਰਡ ਨੈੱਟਵਰਕ ਦੀ ਚੋਣ ਕਰ ਸਕਦੇ ਹਨ। ਜੇਕਰ ਕਿਸੇ ਗਾਹਕ ਕੋਲ ਕ੍ਰੈਡਿਟ ਜਾਂ ਡੈਬਿਟ ਕਾਰਡ ਹੈ ਤਾਂ ਉਹ ਬੈਂਕ ਜਾ ਕੇ ਆਪਣੇ ਕਾਰਡ ਦਾ ਨੈੱਟਵਰਕ ਬਦਲ ਸਕਦਾ ਹੈ।
ਕਾਰਡ ਨੈੱਟਵਰਕ ਪੋਰਟੇਬਿਲਟੀ ਕੀ ਹੈ?
ਤੁਹਾਡੇ ਕੋਲ ਜੋ ਵੀ ਕ੍ਰੈਡਿਟ ਕਾਰਡ ਜਾਂ ਡੈਬਿਟ ਕਾਰਡ ਹੈ, ਉਸ ‘ਤੇ ਕਾਰਡ ਨੈੱਟਵਰਕ ਲਿਖਿਆ ਹੁੰਦਾ ਹੈ। ਇਹ ਕਾਰਡ ਨੈੱਟਵਰਕ ਟ੍ਰਾਂਜ਼ੈਕਸ਼ਨ ਕਰਨ ‘ਚ ਮਦਦ ਕਰਦਾ ਹੈ। ਬੈਂਕਾਂ ਨੇ ਇਨ੍ਹਾਂ ਕਾਰਡ ਨੈੱਟਵਰਕਸ ਨਾਲ ਟਾਈ-ਅੱਪ ਕੀਤਾ ਹੋਇਆ ਹੈ। Visa, MasterCard, RuPay, American Express ਤੇ Diner’s Club ਤੋਂ ਤੁਹਾਡੇ ਕਾਰਡ ‘ਤੇ ਜੋ ਲਿਖਿਆ ਹੈ, ਉਹ ਤੁਹਾਡੇ ਕਾਰਡ ਦਾ ਨੈੱਟਵਰਕ ਹੈ। ਹੁਣ ਜੇਕਰ ਤੁਹਾਨੂੰ ਵੀਜ਼ਾ ਦੀ ਸਰਵਿਸ ਪਸੰਦ ਨਹੀਂ ਹੈ ਤਾਂ ਤੁਸੀਂ ਆਸਾਨੀ ਨਾਲ ਮਾਸਟਰਕਾਰਡ ‘ਚ ਪੋਰਟ ਕਰ ਸਕਦੇ ਹੋ।
RBI ਨੇ ਕਿਉਂ ਸ਼ੁਰੂ ਕੀਤੀ ਸਰਵਿਸ?
ਕੇਂਦਰੀ ਬੈਂਕ ਨੇ ਗਾਹਕਾਂ ਨੂੰ ਆਪਣੀ ਪਸੰਦ ਦਾ ਨੈੱਟਵਰਕ ਚੁਣਨ ਲਈ ਇਹ ਸਹੂਲਤ ਦਿੱਤੀ ਹੈ। ਇਸ ‘ਚ ਗਾਹਕ ਆਪਣੀ ਪਸੰਦ ਦਾ ਨੈੱਟਵਰਕ ਚੁਣ ਸਕਦੇ ਹਨ। ਇਸ ਦਾ ਕਾਰਨ ਇਹ ਹੈ ਕਿ ਬਹੁਤ ਸਾਰੇ ਗਾਹਕ ਵੀਜ਼ਾ ਦੀ ਸਹੂਲਤ ਨੂੰ ਪਸੰਦ ਨਹੀਂ ਕਰਦੇ ਤੇ ਕਈ ਗਾਹਕ ਮਾਸਟਰ ਕਾਰਡ ਦੀ ਸੇਵਾ ਨੂੰ ਪਸੰਦ ਨਹੀਂ ਕਰਦੇ। ਇਸ ਸਹੂਲਤ ਤੋਂ ਬਾਅਦ ਗਾਹਕ ਆਪਣੀ ਪਸੰਦ ਦਾ ਨੈੱਟਵਰਕ ਚੁਣ ਸਕਦੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਹਰ ਕਾਰਡ ਨੈੱਟਵਰਕ ਗਾਹਕ ਨੂੰ ਕਈ ਤਰ੍ਹਾਂ ਦੀਆਂ ਸਹੂਲਤਾ ਦਿੰਦਾ ਹੈ। ਉਦਾਹਰਨ ਲਈ, ਕਈ ਕਾਰਡਾਂ ‘ਤੇ ਤੁਹਾਨੂੰ ਏਅਰਪੋਰਟ ਲੌਂਜ ਦਾ ਲਾਭ ਮਿਲਦਾ ਹੈ। ਅਜਿਹੀ ਸਥਿਤੀ ‘ਚ ਇਸ ਸੇਵਾ ਨਾਲ ਗਾਹਕ ਆਪਣੀ ਸਹੂਲਤ ਅਨੁਸਾਰ ਕਾਰਡ ਨੈਟਵਰਕ ਦੀ ਚੋਣ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਬੈਂਕ ਨੂੰ ਡੈਬਿਟ ਜਾਂ ਕ੍ਰੈਡਿਟ ਕਾਰਡ ਜਾਰੀ ਕਰਦੇ ਸਮੇਂ ਕਾਰਡ ਨੈੱਟਵਰਕ ਬਾਰੇ ਵੀ ਪੁੱਛਣਾ ਹੋਵੇਗਾ।
ਕਿਵੇਂ ਕਰ ਸਕਦੇ ਹੋ ਕਾਰਡ ਨੈੱਟਵਰਕ ਨੂੰ ਪੋਰਟ
ਕੋਈ ਵੀ ਗਾਹਕ ਜਦੋਂ ਨਵਾਂ ਕਾਰਡ ਖਰੀਦਦਾ ਹੈ ਤਾਂ ਉਹ ਆਪਣੀ ਪਸੰਦ ਦਾ ਕਾਰਡ ਨੈੱਟਵਰਕ ਚੁਣ ਸਕਦਾ ਹੈ। ਇਸ ਤੋਂ ਇਲਾਵਾ ਜੇਕਰ ਕਿਸੇ ਵਿਅਕਤੀ ਕੋਲ ਡੈਬਿਟ ਕਾਰਡ ਜਾਂ ਕ੍ਰੈਡਿਟ ਕਾਰਡ ਹੈ ਤਾਂ ਉਹ ਕਾਰਡ ਰੀਨਿਊ ਕਰਦੇ ਸਮੇਂ ਆਪਣੇ ਕਾਰਡ ਨੈੱਟਵਰਕ ਨੂੰ ਬਦਲ ਸਕਦਾ ਹੈ। ਜੇਕਰ ਤੁਸੀਂ ਵੀ ਆਪਣੇ ਕਾਰਡ ਨੈੱਟਵਰਕ ਨੂੰ ਬਦਲਣ ਬਾਰੇ ਸੋਚ ਰਹੇ ਹੋ ਤਾਂ ਇੱਕ ਵਾਰ ਆਪਣੇ ਕਾਰਡ ਦੀ ਮਿਆਦ ਪੁੱਗਣ ਦੀ ਤਰੀਕ ਦੀ ਜਾਂਚ ਕਰੋ।
