ਯੂਥ ਦਲ ਦੀ ਹਨੇਰੀ ਅੱਗੇ ਨਹੀਂ ਟਿੱਕ ਸਕਿਆ ‘ਆਪ’ ਦਾ ਕੂੜ ਪ੍ਰਚਾਰ-ਯੂਥ ਅਕਾਲੀ ਦਲ ਕੈਨੇਡਾ

ਕੈਲਗਰੀ (ਜਸਜੀਤ ਸਿੰਘ ਧਾਮੀ)-ਅੰਮਿ੍ਤਸਰ ‘ਚ ਮਾਨਹਾਨੀ ਦੇ ਕੇਸ ਦੀ ਪੇਸ਼ੀ ਭੁਗਤਣ ਆਏ ਆਮ ਆਦਮੀ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਨੂੰ ਯੂਥ ਅਕਾਲੀ ਦਲ ਦੇ ਭਾਰੀ ਰੋਸ ਦਾ ਸਾਹਮਣਾ ਕਰਨਾ ਪਿਆ। ਮਾਝੇ ਦੇ ਜਰਨੈਲ ਵਜੋਂ ਜਾਣੇ ਜਾਂਦੇ ਯੂਥ ਅਕਾਲੀ ਦਲ ਦੇ ਥੰਮ ਬਿਕਰਮ ਸਿੰਘ ਮਜੀਠੀਆ ਖਿਲਾਫ਼ ਤਿਆਰ ਆਪ ਵੱਲੋਂ ਪਿਛਲੇ ਦਿਨਾਂ ਤੋਂ ਫੋਨ ਕਾਲਾਂ ਅਤੇ ਸੋਸ਼ਲ ਮੀਡੀਆ ਰਾਹੀਂ ਇਕੱਠ ਕਰਨ ਦਾ ਸਾਰਾ ਪਲਾਨ ਯੂਥ ਅਕਾਲੀ ਦਲ ਦੇ ਬੇਮਿਸਾਲ ਇਕੱਠ ਮੂਹਰੇ ਫੇਲ੍ਹ ਸਾਬਿਤ ਹੋਇਆ। ਇਹ ਪ੍ਰਗਟਾਵਾ ਯੂਥ ਅਕਾਲੀ ਦਲ ਕੈਨੇਡਾ ਈਸਟ ਅਤੇ ਵੈਸਟ ਜ਼ੋਨ ਇਕਾਈ ਅਤੇ ਮੁੱਖ ਬੁਲਾਰੇ ਮਨਜਿੰਦਰ ਸਿੰਘ ਰਾਣਾ ਵੱਲੋਂ ਕੀਤਾ ਗਿਆ। ਯੂਥ ਵਿੰਗ ਵੱਲੋਂ ਸਰਬਜੋਤ ਸਾਬੀ, ਮਨਪ੍ਰੀਤ ਇਆਲੀ, ਵਿਰਸਾ ਸਿੰਘ ਵਲਟੋਹਾ, ਗੌਰਵਦੀਪ ਸਿੰਘ ਵਲਟੋਹਾ, ਜੋਧ ਸਮਰਾ, ਅੰਮਿ੍ਤਪਾਲ ਸਿੰਘ ਡੱਲੀ, ਚਰਨਜੀਤ ਧਾਲੀਵਾਲ ਦਾ ਖਾਸ ਧੰਨਵਾਦ ਕੀਤਾ ਜਿਨ੍ਹਾਂ ਨੇ ਯੂਥ ਨੂੰ ਲਾਮਬੰਦ ਕਰਕੇ ਬੇਮਿਸਾਲ ਇਕੱਠ ਕੀਤਾ।