ਮੁੰਬਈ: ਸ਼ਾਹਰੁਖ ਖਾਨ ਤੇ ਅਕਸ਼ੇ ਕੁਮਾਰ 2016 ਵਿੱਚ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੇ ਦੁਨੀਆ ਦੇ 100 ਸੈਲੇਬ੍ਰਿਟੀ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਏ ਹਨ। ਸ਼ਾਹਰੁਖ 3 ਕਰੋੜ 30 ਲੱਖ ਡਾਲਰ(ਕਰੀਬ 221 ਕਰੋੜ ਰੁਪਏ) ਦੀ ਕਮਾਈ ਨਾਲ ਲਿਸਟ ਵਿੱਚ 86ਵੀਂ ਥਾਂ ‘ਤੇ ਹਨ। ਜਦਕਿ ਅਕਸ਼ੇ ਕੁਮਾਰ 3 ਕਰੋੜ 15 ਲੱਖ ਡਾਲਰ (ਕਰੀਬ 211 ਕਰੋੜ) ਦੀ ਕਮਾਈ ਕਰਕੇ ਇਸ ਸੂਚੀ ਵਿੱਚ 94ਵੇਂ ਨੰਬਰ ‘ਤੇ ਹਨ।
ਫੋਰਬਸ ਦੀ ਇਸ ਲਿਸਟ ਵਿੱਚ ਟਾਪ ‘ਤੇ ਅਮਰੀਕੀ ਸਿੰਗਰ ਟੇਲਰ ਸਵਿਫਟ ਹੈ। 2016 ਵਿੱਚ ਕੁੱਲ ਕਮਾਈ 17 ਕਰੋੜ ਡਾਲਰ (1 ਹਜਾਰ 140 ਕਰੋੜ ਰੁਪਏ) ਰਹੀ ਹੈ। ਫੋਰਬਸ ਨੇ ਕਿਹਾ, ਸ਼ਾਹਰੁਖ ਲਗਾਤਾਰ ਹਿੱਟ ਫਿਲਮਾਂ ਜ਼ਰੀਏ ਬਾਲੀਵੁੱਡ ਬਾਕਸ ਆਫਿਸ ‘ਤੇ ਰਾਜ ਕਰ ਰਹੇ ਹਨ। ਇਸ ਨਾਲ ਉਹ ਕਰੋੜਾਂ ਰੁਪਏ ਕਮਾ ਰਹੇ ਹਨ। ਇਹ ਅਦਾਕਾਰ ਫਿਲਮ ਹੀ ਨਹੀਂ ਸਗੋਂ ਕਈ ਇਸ਼ਤਿਹਾਰ ਏਜੰਸੀਆਂ ਤੋਂ ਵੀ ਕਾਫੀ ਕਮਾਈ ਕਰ ਰਹੇ ਹਨ।
ਫੋਰਬ ਦੇ ਮੁਤਾਬਕ, 48 ਸਾਲਾਂ ਅਕਸ਼ੇ ਕੁਮਾਰ ਸਾਲ 2015 ਵਿੱਚ 76ਵੇਂ ਨੰਬਰ ਤੋਂ ਖਿਸਕ ਕੇ 94ਵੇਂ ਨੰਬਰ ‘ਤੇ ਪਹੁੰਚ ਗਏ ਹਨ। ਉਹ ਹਾਲੇ ਵੀ ਬਾਲੀਵੁਡ ਦੇ ਸਭ ਤੋਂ ਮਸ਼ਰੂਫ ਅਦਾਕਾਰਾਂ ਵਿੱਚੋਂ ਇੱਕ ਹਨ। ਉਨ੍ਹਾਂ ਨੇ ਤਿੰਨ ਹਿੱਟ ਫਿਲਮਾਂ ਦੇ ਨਾਲ ਚੰਗੀ ਕਮਾਈ ਕੀਤੀ ਹੈ। ਅਕਸ਼ੇ ਨੇ ਮੋਟਰਸਾਈਕਲ ਤੇ ਗੋਲਡ ਲੋਨ ਦੇ ਇਸ਼ਤਿਹਾਰਾਂ ਤੋਂ ਵੀ ਕਮਾਈ ਕੀਤੀ ਹੈ। ਇੰਗਲੈਡ-ਆਇਰਲੈਂਡ ਦੇ ਮੁੰਡਿਆਂ ਦਾ ਬੈਂਡ ਵਨ ਡਾਇਰੈਕਸ਼ਨ 11 ਕਰੋੜ ਡਾਲਰ ਦੀ ਮਾਈ ਨਾਲ ਲਿਸਟ ਵਿੱਚ ਦੂਜੇ ਨੰਬਰ ‘ਤੇ ਹੈ।