ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਗਲੋਬਲ ਰੇਟਿੰਗ ਏਜੰਸੀ S&P ਨੇ ਅੱਜ ਭਾਰਤ ਦੀ ਅਰਥਵਿਵਸਥਾ ਨੂੰ ਲੈ ਕੇ ਵੱਡੀ ਤੇ ਚੰਗੀ ਖਬਰ ਦਿੱਤੀ ਹੈ।
S&P ਗਲੋਬਲ ਰੇਟਿੰਗਜ਼ ਨੇ ਕਿਹਾ ਕਿ ਭਾਰਤ 2030 ਤੱਕ ਦੁਨੀਆ ਦੀ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣ ਜਾਵੇਗਾ। ਰੇਟਿੰਗ ਏਜੰਸੀ ਨੇ ਕਿਹਾ ਕਿ ਵਿੱਤੀ ਸਾਲ 2026-27 ‘ਚ ਦੇਸ਼ ਦੀ ਜੀਡੀਪੀ ਵਾਧਾ ਦਰ 7 ਫੀਸਦੀ ਤੱਕ ਪਹੁੰਚਣ ਦੀ ਉਮੀਦ ਹੈ।
S&P ਨੇ ਕਿਹਾ ਅਗਲੇ ਵਿੱਤੀ ਸਾਲ (2024-25) ਵਿੱਚ ਵਿਕਾਸ ਦਰ 6.4 ਫੀਸਦੀ ਰਹੇਗੀ ਉਸ ਤੋਂ ਬਾਅਦ ਅਗਲੇ ਵਿੱਤੀ ਸਾਲ ਵਿੱਚ ਇਹ 6.9 ਫੀਸਦੀ ਅਤੇ 2026-27 ਵਿੱਚ 7 ਫੀਸਦੀ ਹੋ ਜਾਵੇਗੀ। ਭਾਰਤ 2030 ਤੱਕ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣਨ ਲਈ ਤਿਆਰ ਹੈ, ਅਤੇ ਅਸੀਂ ਉਮੀਦ ਕਰਦੇ ਹਾਂ ਕਿ ਇਹ ਅਗਲੇ ਤਿੰਨ ਸਾਲਾਂ ਵਿੱਚ ਸਭ ਤੋਂ ਤੇਜ਼ੀ ਨਾਲ ਵਧ ਰਹੀ ਮੁੱਖ ਅਰਥਵਿਵਸਥਾ ਹੋਵੇਗੀ।
ਵਰਤਮਾਨ ’ਚ ਕੀ ਹੈ ਭਾਰਤ ਦੀ?
ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਮੇਂ ਭਾਰਤ ਦੁਨੀਆ ਦੀ ਪੰਜਵੀਂ ਸਭ ਤੋਂ ਵੱਡੀ ਅਰਥਵਿਵਸਥਾ ਹੈ। ਅਮਰੀਕਾ, ਚੀਨ, ਜਰਮਨੀ ਅਤੇ ਜਾਪਾਨ ਤੋਂ ਬਾਅਦ ਭਾਰਤ ਦਾ ਨੰਬਰ ਆਉਂਦਾ ਹੈ।
S&P ਦੇ ਅਨੁਸਾਰ ਭਾਰਤ ਨੂੰ ਅਗਲਾ ਪ੍ਰਮੁੱਖ ਗਲੋਬਲ ਮੈਨੂਫੈਕਚਰਿੰਗ ਹੱਬ ਬਣਨ ਲਈ ਇੱਕ ਮਜ਼ਬੂਤਲੌਜਿਸਟਿਕਸ ਬੁਨਿਆਦੀ ਢਾਂਚਾ ਵਿਕਸਤ ਕਰਨ ਅਤੇ ਸੇਵਾ-ਪ੍ਰਭਾਵੀ ਅਰਥਵਿਵਸਥਾ ਬਣਨ ਦੀ ਲੋੜ ਹੋਵੇਗੀ।
S&P ਨੇ ਕਿਹਾ ਕਿ ਭਾਰਤ ਆਪਣੇ ਤੇਜ਼ੀ ਨਾਲ ਵਧ ਰਹੇ ਘਰੇਲੂ ਡਿਜੀਟਲ ਬਾਜ਼ਾਰ ਦੇ ਕਾਰਨ ਅਗਲੇ ਦਹਾਕੇ ਵਿੱਚ ਖਾਸ ਤੌਰ ‘ਤੇ ਵਿੱਤੀ ਅਤੇ ਖਪਤਕਾਰ ਤਕਨਾਲੋਜੀ ਵਿੱਚ ਉੱਚ-ਵਿਕਾਸ ਵਾਲੇ ਸਟਾਰਟਅੱਪ ਦੇ ਵਿਸਥਾਰ ਨੂੰ ਵਧਾ ਸਕਦਾ ਹੈ। S&P ਨੇ ਅੱਗੇ ਕਿਹਾ ਕਿ ਆਟੋਮੋਟਿਵ ਸੈਕਟਰ ਵਿੱਚ, ਭਾਰਤ ਵਿਕਾਸ, ਬੁਨਿਆਦੀ ਢਾਂਚੇ, ਨਿਵੇਸ਼ ਅਤੇ ਨਵੀਨਤਾ ਲਈ ਤਿਆਰ ਹੈ।
