ਹਿੰਦੂ ਵਿਰੋਧੀ ਹੋਣ ਦੇ ਦੋਸ਼ਾਂ ਤੋਂ ਬਾਅਦ ਵਾਸ਼ਿੰਗਟਨ ਦੇ ਮੰਦਰ ‘ਚ ਗਾਇਕ ਦਾ ਸਮਾਗਮ ਰੱਦ

ਵਾਸ਼ਿੰਗਟਨ, (ਏਜੰਸੀਆਂ)-ਕਰਨਾਟਕ ਸ਼ੈਲੀ ਦੇ ਉਘੇ ਗਾਇਕ ਟੀ. ਐਮ. ਕ੍ਰਿਸ਼ਨਾ ਨੂੰ ਵਾਸ਼ਿੰਗਟਨ ਦੇ ਇਕ ਮੰਦਰ ‘ਚ ਹੋਣ ਵਾਲੇ ਸਮਾਗਮ ਨੂੰ ਰੱਦ ਕਰਨਾ ਪਿਆ। ਕ੍ਰਿਸ਼ਨਾ ‘ਤੇ ‘ਹਿੰਦੂ ਵਿਰੋਧੀ’ ਹੋਣ ਦੇ ਦੋਸ਼ ਲਗਦੇ ਰਹੇ ਹਨ। ਕਿ੍ਸ਼ਨਾ ਸੰਗੀਤ ਦੇ ਨਾਲ ਮੁੱਖ ਤੌਰ ‘ਤੇ ਆਪਣੀ ਸਲਾਹ ਰੱਖਣ ਲਈ ਮੰਨੇ ਜਾਂਦੇ ਹਨ। ਅਮਰੀਕਾ ‘ਚ 9 ਸਤੰਬਰ ਨੂੰ ਸਥਾਨਕ ਮੰਦਰ ‘ਚ ਉਨ੍ਹਾਂ ਦਾ ਗਾਉਣ ਦਾ ਪ੍ਰੋਗਰਾਮ ਸੀ। ਹਾਲਾਂਕਿ ਕੁਝ ਲੋਕਾਂ ਨੇ ਇਸ ਦਾ ਜੰਮ ਕੇ ਵਿਰੋਧ ਕੀਤਾ।ਜਿਸ ਤੋਂ ਬਾਅਦ ਪ੍ਰੋਗਰਾਮ ਦਾ ਸਥਾਨ ਬਦਲਣਾ ਪਿਆ। ਕ੍ਰਿਸ਼ਨਾ ਦੇ ਆਲੋਚਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਕਰਨਾਟਕ ਸੰਗੀਤ ਦੇ ਸਵਰੂਪ ਨੂੰ ਵਿਗਾੜ ਦਿੱਤਾ ਅਤੇ ਇਸ ‘ਚ ਇਸਾਈ ਪ੍ਰਭਾਵ ਵਾਲੇ ਤੱਤਾਂ ਨੂੰ ਸ਼ਾਮਿਲ ਕੀਤਾ ਹੈ।