ਹਾਲੀਵੁੱਡ ਦੀ ਟੈਲੇਂਟ ਏਜੰਸੀ ਨਾਲ ਸੋਨਮ ਕਪੂਰ ਨੇ ਮਿਲਾਇਆ ਹੱਥ

ਮੁੰਬਈ,: ਅਜਿਹਾ ਲੱਗਦਾ ਹੈ ਕਿ ਅਭਿਨੇਤਰੀ ਸੋਨਮ ਕਪੂਰ ਪ੍ਰਿਯੰਕਾ ਚੋਪੜਾ ਅਤੇ ਦੀਪਿਕਾ ਪਾਦੂਕੋਣ ਵਰਗੀਆਂ ਅਪਣੀ ਸਾਥੀ ਅਭਿਨੇਤਰੀਆਂ ਤੋਂ ਬਾਅਦ ਹੁਣ ‘ਹਾਲੀਵੁੱਡ ਦੀ ਰਾਹ’ ਚੱਲਣ ਦੀ ਤਿਆਰੀ ਵਿਚ ਹੈ ਕਿਉਂਕਿ ‘ਨੀਰਜਾ’ ਦੀ ਅਭਿਨੇਤਰੀ ਨੇ ਅਮਰੀਕਾ ਦੀ ਯੂਨਾਈਟੇਡ ਟੈਲੇਂਟ ਏਜੰਸੀ ਯੂ.ਟੀ.ਏ ਨਾਲ ਹੱਥ ਮਿਲਾਇਆ।

ਸੋਨਮ ਕਪੂਰ ਕਈ ਵਾਰ ਹਾਲੀਵੁੱਡ ਵਿਚ ਕੰਮ ਕਰਨ ਦੀ ਅਪਣੀ ਇੱਛਾ ਜ਼ਾਹਰ ਕਰ ਚੁਕੀ ਹੈ ਅਤੇ ਅਪਣੀ ਇਸ ਨਵੀਂ ਸਾਂਝੇਦਾਰੀ ਦੇ ਬਾਰੇ ਵਿਚ ਉਨ੍ਹਾਂ ਨੇ ਟਵੀਟ ਕਰ ਕੇ ਜਾਣਕਾਰੀ ਦਿਤੀ। ਸੋਨਮ ਕਪੂਰ ਨੇ ਟਵੀਟ ਕੀਤਾ,”ਯੂਨਾਈਟੇਡ ਟੈਲੇਂਟ ਏਜੰਸੀ ਨਾਲ ਸਮਝੌਤੇ ‘ਤੇ ਹਸਤਾਖਰ ਕਰ ਕੇ ਬਹੁਤ-ਬਹੁਤ ਖ਼ੁਸ਼ ਹਾਂ। ਮੈਂ ਜਾਣਦੀ ਹਾਂ ਕਿ ਇਹ ਸਾਂਝੇਦਾਰੀ ਇਤਿਹਾਸਕ ਹੋਣ ਜਾ ਰਹੀ ਹੈ।” ਯੂ.ਟੀ.ਏ. ਦਾ ਨਾਮ ਮਾਰੀਆ ਕੈਰੀ, ਜਾਨੀ ਟੇਪ, ਐਂਜਲੀਨਾ ਜੋਲੀ, ਬੇਨੇਡਿਕਟ ਕੁਮਬਰਬੈਚ, ਸੁਸਨ ਸਾਰਾਨਡਨ, ਹੈਰਿਸਨ ਫ਼ੋਰਡ, ਮਾਈਕਲ ਡਗਲਸ ਅੰਤਰਰਾਸ਼ਟਰੀ ਕਲਾਕਾਰਾਂ ਨਾਲ ਜੁੜਿਆ ਹੈ।