ਸ਼ਿਵਲਿੰਗ ਦੇ ਪੁਜਾਰੀਆਂ ਨੂੰ ਲੋਕ ਮੂੰਹ ਨਾ ਲਾਉਂਣ:ਜਥੇਦਾਰ ਨੰਦਗੜ੍ਹ

ਬਠਿੰਡਾ:-ਸਿੱਖ ਧਰਮ ਵਿੱਚ ਪਾਖੰਡਵਾਦ ਅਤੇ ਕਰਮਕਾਂਡਾ ਨੂੰ ਭਾਰੂ ਕਰਨ ਵਾਲੇ ਬਾਦਲਕਿਆਂ ਦੇ ਚੇਲਿਆਂ, ਜਿਹੜੇ ਸ਼ਰੇਆਮ ਸ਼ਿਵਲਿੰਗ ਦੀ ਪੂਜਾ ਕਰਦੇ ਹਨ, ਉਨਾ ਨੂੰ ਦਿੱਲੀ ਦੇ ਸਿੱਖ ਵੋਟਰ ਮੂੰਹ ਨਾ ਲਾਉਂਣ,ਗੁਰਦਵਾਰਿਆਂ ਦੇ ਪ੍ਰਬੰਧਕ ਬਣਾਉਂਣਾ ਤਾਂ ਦੂਰ ਦੀ ਗੱਲ ਹੈ।ਇਹ ਸਲਾਹ ਸ੍ਰੀ ਦਮਦਮਾ ਸਾਹਿਬ ਦੇ ਸਾਬਕਾ ਜਥੇਦਾਰ ਗਿਆਨੀ ਬਲਵੰਤ ਸਿੰਘ ਨੰਦਗੜ੍ਹ ਨੇ ਦਿੱਲੀ ਗੁਰਦਵਾਰਾ ਚੋਣਾਂ ਦੇ ਸਬੰਧ ਵਿੱਚ ਦਿੱਤੀ।ਉਨਾ ਦਿੱਲੀ ਗੁਰਦਵਾਰਾ ਪ੍ਰਬੰਦਕ ਕਮੇਟੀ ਦੇ ਸਕੱਤਰ ਮਨਜਿੰਦਰ ਸਿਰਸਾ ਤੇ ਹਮਲਾ ਕਰਦਿਆਂ ਕਿਹਾ ਕਿ ਇਸ ਨੇ ਕਮੇਟੀ ਦਾ ਅਹੁਦੇਦਾਰ ਹੁੰਦਿਆ ਸ਼ਿਵਲਿੰਗ ਦੀ ਪੂਜਾ ਕਰਕੇ ਸਿੱਖ ਸਿਧਾਂਤਾ ਨੂੰ ਭਾਰੀ ਸੱਟ ਮਾਰੀ ਹੈ।ਉਨਾ ਕਿਹਾ ਕਿ ਦਿੱਲੀ ਦੇ ਸਿੱਖ ਉਨਾ ਲੋਕਾ ਨੂੰ ਵੋਟ ਦੇਣ ਜੋ ਪੰਥਕ ਸਿਧਾਂਤਾ ਅਤੇ ਮਰਯਾਦਾ ਦੀ ਰਾਖੀ ਕਰਣ ਦੇ ਸਮਰੱਥ ਹੋਣ।