ਸ਼ਾਹਿਦ ਨੂੰ ਪਸੰਦ ਆਈ ‘ਸੁਪਰ 30′ ਦੀ ਸਕ੍ਰਿਪਟ

‘ਕਵੀਨ’ ਫੇਮ ਨਿਰਦੇਸ਼ਕ ਵਿਕਾਸ ਬਹਿਲ ਨੇ ਇੱਕ ਸਾਲ ਪਹਿਲਾਂ ‘ਸੁਪਰ 30′ ਨਾਂਅ ਨਾਲ ਕੋਚਿੰਗ ਚਲਾਉਣ ਵਾਲੇ ਆਨੰਦ ਕੁਮਾਰ ‘ਤੇ ਫਿਲਮ ਬਣਾਉਣ ਦਾ ਐਲਾਨ ਕੀਤਾ ਸੀ। ਆਨੰਦ ਗਰੀਬ ਬੱਚਿਆਂ ਨੂੰ ਆਈ ਆਈ ਟੀ ਦੀ ਫ੍ਰੀ ਟਿਊਸ਼ਨ ਦਿੰਦੇ ਹਨ। ਉਨ੍ਹਾਂ ਦੀ ਇਸ ਇੱਛਾ ਦਾ ਨਤੀਜਾ ਸੌ ਫੀਸਦੀ ਰਹਿੰਦਾ ਹੈ। ਇਸ ਤੋਂ ਪ੍ਰਭਾਵਤ ਹੋ ਕੇ ਵਿਕਾਸ ਬਹਿਲ ਨੇ ਉਨ੍ਹਾਂ ਤੇ ਫਿਲਮ ਬਣਾਉਣਾ ਚਾਹੁੰਦੇ ਹਨ। ਇਸ ਦੇ ਲਈ ਉਨ੍ਹਾਂ ਜੋ ਸਕ੍ਰਿਪਟ ਤਿਆਰ ਕੀਤੀ, ਉਹ ਸ਼ਾਹਿਦ ਕਪੂਰ ਨੂੰ ਬੇਹੱਦ ਪਸੰਦ ਆਈ ਹੈ। ਉਨ੍ਹਾਂ ਨਾਲ ਆਨੰਦ ਕੁਮਾਰ ਦੇ ਲੀਡ ਰੋਲ ਦੇ ਲਈ ਅਪ੍ਰੋਚ ਕੀਤਾ ਗਿਆ ਹੈ।
ਸਕ੍ਰਿਪਟ ਵਿੱਚ ਸ਼ਾਹਿਦ ਦੀ ਦਿਲਚਸਪੀ ਦੇਖ ਕੇ ਉਨ੍ਹਾਂ ਨੂੰ ਲੀਡ ਰੋਲ ਦੇ ਲਈ ਤੈਅ ਮੰਨਿਆ ਜਾ ਰਿਹਾ ਹੈ। ਹਾਲਾਂਕਿ, ਇਸ ਬਾਰੇ ਅਜੇ ਕੁਝ ਪਕੱਾ ਕਹਿਣਾ ਜਲਦਬਾਜ਼ੀ ਹੋਵੇਗੀ। ਗੌਰਤਲਬ ਹੈ ਕਿ ਸ਼ਾਹਿਦ ਪਹਿਲਾਂ ਡਾਇਰੈਕਟਰ ਵਿਕਾਸ ਬਹਿਲ ਦੇ ਨਾਲ ਫਿਲਮ ‘ਸ਼ਾਨਦਾਰ’ ਕਰ ਚੁੱਕੇ ਹਨ। ਜੇ ਸ਼ਾਹਿਦ ਵਿਕਾਸ ਦੀ ਅਗਲੀ ਫਿਲਮ ਵਿੱਚ ਨਜ਼ਰ ਆਉਂਦੇ ਹਨ ਤਾਂ ਸ਼ੂਟਿੰਗ ਭੰਸਾਲੀ ਦੀ ‘ਪਦਮਾਵਤੀ’ ਦੇ ਬਾਅਦ ਹੀ ਸੰਭਵ ਹੋਵੇਗੀ।