ਐਬਟਸਫੋਰਡ :-(ਬਰਾੜ-ਭਗਤਾ ਭਾਈ ਕਾ) ਏਥੋਂ ਦੇ ਰੋਟਰੀ ਸਟੇਡੀਅਮ ‘ਚ ਲੋਕ ਵਿਰਸਾ ਕਲਚਰਲ ਐਸੋਸੀਏਸ਼ਨ ਵੱਲੋਂ ਦੇਸ਼ ਭਗਤਾਂ, ਗ਼ਦਰੀ ਯੋਧਿਆਂ ਅਤੇ ਕਾਮਾਗਾਟਾਮਾਰੂ ਦੇ ਸ਼ਹੀਦਾਂ ਦੀ ਯਾਦ ਵਿੱਚ ਬਾਬਾ ਬਲਵੰਤ ਸਿੰਘ ਖੁਰਦਪੁਰ ਨੂੰ ਸਮਰਪਿਤ 23ਵੇਂ ਲੋਕ ਵਿਰਸਾ ਮੇਲੇ ‘ਚ ਸਰੀ ਤੋਂ ਚਲਦੇ ਰੇਡੀਓ ਮੀਡੀਆ ਵੇਵਜ਼ ਕਮਨੀਕੇਸ਼ਨ ਦੀ ਸੀ ਈ ਓ ਆਸ਼ਿਆਨਾ ਖਾਨ ਦਾ ਮੇਲੇ ‘ਚ ਪਹੁੰਚਣ ‘ਤੇ ਸਨਮਾਨ ਚਿੰਨ੍ਹ ਨਾਲ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਸਮੇਂ ਉਨ੍ਹਾਂ ਦੇ ਨਾਲ ਰੇਡੀਓ ਸੰਚਾਲਕ ਡਾæ ਗੁਰਵਿੰਦਰ ਸਿੰਘ ਧਾਲੀਵਾਲ ਅਤੇ ਬੀਬੀ ਕੁਲਜੀਤ ਕੌਰ ਵੀ ਸ਼ਾਮਲ ਸਨ। ਆਸ਼ਿਆਨਾ ਖਾਨ ਨੇ ਮੇਲੇ ਦੌਰਾਨ ਬੋਲਦਿਆਂ ਮੇਲੇ ਦੀ ਸਮੁੱਚੀ ਪ੍ਰਬੰਧਕੀ ਟੀਮ ਨੂੰ ਵਧਾਈ ਦਿੱਤੀ ਅਤੇ ਸ਼ਹੀਦਾਂ ਦੀ ਯਾਦ ਮਨਾਉਣ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਸੰਬੰਧੀ ਸ਼ਲਾਂਘਾਯੋਗ ਕਦਮ ਦੱਸਿਆ।ਮੇਲੇ ਦੇ ਮੁੱਖ ਪ੍ਰਬੰਧਕ ਸ਼ਾਂਤੀ ਸਰੂਪ ਨੇ ਰੇਡੀਓ ਦੇ ਇੰਦਰਜੀਤ ਸਿੰਘ ਵਿੱਕੀ ਔਲਖ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਕਮਾਨ ਹੇਠ ਚਲਦਾ ਰੇਡੀਓ ਮੀਡੀਆ ਵੇਵਜ਼ ਏ ਐਮ 1600 ਬੈਂਡ ਇੱਕ ਨਿਰਪੱਖ ਆਵਾਜ਼ ਹੈ ਜਿਹੜੀ ਕਿ ਸਮੇਂ ਸਮੇਂ ਮੁਤਾਬਿਕ ਸਮਾਜ ਨੂੰ ਹਰ ਖੇਤਰ ‘ਚ ਜਾਣਕਾਰੀ ਦੇਣ ‘ਚ ਮੋਹਰੀ ਹੈ।
ਇਸ ਸਮੇਂ ਡਾæ ਗੁਰਵਿੰਦਰ ਸਿੰਘ ਧਾਲੀਵਾਲ ਨੇ ਮੇਲਾ ਪ੍ਰਬੰਧਕਾਂ ਦਾ ਧੰਨਵਾਦ ਕਰਦਿਆਂ ਬਾਬਾ ਬਲਵੰਤ ਸਿੰਘ ਖੁਰਦਪੁਰ ਨੂੰ ਸ਼ਰਧਾਂਜਲੀ ਭੇਂਟ ਕਰਨ ਉਪਰੰਤ ਕਿਹਾ ਕਿ ਲੋਕ ਵਿਰਸਾ ਕਲਚਰਲ ਐਸੋਸੀਏਸ਼ਨ ਦਾ ਇਹ ਸ਼ਲਾਂਘਾਯੋਗ ਕਦਮ ਹੈ ਕਿ ਇਹ ਸੰਸਥਾ ਸਾਲ ਦੇ ਸਾਲ ਸ਼ਹੀਦਾਂ ਦੀ ਯਾਦ ਨੂੰ ਮਨਾਉਣ ਲਈ ਸਦਾ ਹੀ ਤੱਤਪਰ ਰਹਿੰਦੀ ਹੈ। ਉਨ੍ਹਾਂ ਨੇ ਮੇਲੇ ਵਿੱਚ ਪਹੁੰਚੀ ਸਮੂਹ ਦਰਸ਼ਕਾਂ ਦਾ ਵੀ ਧੰਨਵਾਦ ਕੀਤਾ ਜਿੰਨ੍ਹਾਂ ਨੇ ਇਸ ਮੇਲੇ ‘ਚ ਪਹੁੰਚ ਕੇ ਸ਼ਹੀਦਾ ਦੀ ਯਾਦ ਨੂੰ ਸਿੰਜਦਾ ਕੀਤਾ।
