ਪੀਟੀਆਈ, ਰਤਲਾਮ : ਮੱਧ ਪ੍ਰਦੇਸ਼ ਦੇ ਰਤਲਾਮ ਜ਼ਿਲ੍ਹੇ ਵਿੱਚ ਇੱਕ 33 ਸਾਲਾ ਔਰਤ ਨੂੰ ਉਸ ਦੇ ਜੇਠ ਨੇ ਦਿਨ ਦਿਹਾੜੇ ਅੱਗ ਲਾ ਦਿੱਤੀ। ਐਤਵਾਰ ਨੂੰ ਹੋਈ ਘਟਨਾ ਦੀ ਜਾਣਕਾਰੀ ਦਿੰਦੇ ਹੋਏ ਪੁਲਿਸ ਨੇ ਦੱਸਿਆ ਕਿ ਸ਼ਨੀਵਾਰ ਨੂੰ ਰਤਲਾਮ ਜ਼ਿਲੇ ਦੇ ਪਿੰਡ ਧੋਧਰ ‘ਚ ਹੋਏ ਕਤਲ ਮਾਮਲੇ ‘ਚ ਦੋਸ਼ੀ ਸੁਰੇਸ਼ (40) ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
ਪੁਲਿਸ ਸੁਪਰਡੈਂਟ (ਐੱਸਪੀ) ਰਾਹੁਲ ਕੁਮਾਰ ਲੋਢਾ ਨੇ ਦੱਸਿਆ ਕਿ ਸੁਰੇਸ਼ ਨੇ ਕਥਿਤ ਤੌਰ ‘ਤੇ ਆਪਣੀ ਭਰਜਾਈ ਨਿਰਮਲਾ ‘ਤੇ ਰਾਡ ਨਾਲ ਹਮਲਾ ਕੀਤਾ ਅਤੇ ਅੱਗ ਲਗਾਉਣ ਤੋਂ ਪਹਿਲਾਂ ਉਸ ‘ਤੇ ਪੈਟਰੋਲ ਪਾ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਪੀੜਤ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਉਸ ਨੇ ਦੱਸਿਆ ਕਿ ਨਿਰਮਲਾ ਸੁਰੇਸ਼ ਦੇ ਛੋਟੇ ਭਰਾ ਪ੍ਰਕਾਸ਼ ਦੀ ਪਤਨੀ ਸੀ ਜਿਸ ਨੇ ਪਿੱਛੇ ਜਿਹੇ ਖੁਦਕੁਸ਼ੀ ਕਰ ਲਈ ਸੀ।
ਅਰੋਪੀ ਨੇ ਲਾਇਆ ਦੋਸ਼
ਅਧਿਕਾਰੀ ਨੇ ਦੱਸਿਆ ਕਿ ਦੋਸ਼ੀ ਨੇ ਆਪਣੇ ਭਰਾ ਦੀ ਮੌਤ ਲਈ ਨਿਰਮਲਾ ਨੂੰ ਜ਼ਿੰਮੇਵਾਰ ਠਹਿਰਾਇਆ ਸੀ। ਉਸ ਨੇ ਦੱਸਿਆ ਕਿ ਪੀੜਤਾ ਆਪਣੇ ਦੋ ਬੱਚਿਆਂ ਨਾਲ ਧੋਧਰ ਵਿਖੇ ਰਹਿ ਰਹੀ ਸੀ।
