ਯੂ. ਪੀ. ‘ਚ ਮੂਲੀ ਚੋਰੀ ਦੇ ਦੋਸ਼ ‘ਚ ਦਲਿਤ ਦੀ ਹੱਤਿਆ

ਮੁਜ਼ੱਫ਼ਰਨਗਰ, (ਏਜੰਸੀ)-ਉੱਤਰ ਪ੍ਰਦੇਸ਼ ਦੇ ਮੁਜ਼ੱਫ਼ਰਨਗਰ ‘ਚ ਸਰਪੰਚ ਤੇ 3 ਹੋਰ ਲੋਕਾਂ ਨੇ ਇਕ ਮੂਲੀ ਚੋਰੀ ਦੇ ਦੋਸ਼ ‘ਚ 30 ਸਾਲਾਂ ਇਕ ਦਲਿਤ ਵਿਅਕਤੀ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਸਰਕਲ ਅਧਿਕਾਰੀ ਭੂਸ਼ਣ ਵਰਮਾ ਨੇ ਦੱਸਿਆ ਕਿ ਘਟਨਾ ਐਤਵਾਰ ਦੀ ਹੈ ਜਦੋਂ ਪਿੰਡ ਦੇ ਪ੍ਰਧਾਨ ਅਨਿਲ, ਉਨ੍ਹਾਂ ਦੇ ਬੇਟੇ ਨਿਸ਼ਾਂਤ ਤੇ ਭਤੀਜੇ ਸਰੌਤਮ ਸਮੇਤ ਚਾਰ ਲੋਕ ਇਕ ਕਾਰ ‘ਚ ਬੈਠ ਕੇ ਸੁਨੀਲ ਕੁਮਾਰ ਦੇ ਘਰ ਪਹੁੰਚੇ ਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਸਰਕਲ ਅਧਿਕਾਰੀ ਨੇ ਦੱਸਿਆ ਕਿ ਦੋਸ਼ੀਆਂ ਨੇ ਪਰਿਵਾਰ ਦੇ ਮੈਂਬਰਾਂ ‘ਤੇ ਸਰਪੰਚ ਦੇ ਖੇਤਾਂ ‘ਚੋਂ ਇਕ ਮੂਲੀ ਚੋਰੀ ਕਰਨ ਦਾ ਦੋਸ਼ ਲਗਾਇਆ ਤੇ ਜਦੋਂ ਸੁਨੀਲ ਕੁਮਾਰ ਨੇ ਇਸ ਦਾ ਵਿਰੋਧ ਕੀਤਾ ਤਾਂ ਉਨ੍ਹਾਂ ਨੇ ਉਸ ‘ਤੇ ਗੋਲੀ ਚਲਾ ਦਿੱਤੀ। ਜਿਸ ‘ਚ ਦੀ ਉਸ ਦੀ ਮੌਤ ਹੋ ਗਈ। ਪੁਲਿਸ ਨੇ ਚਾਰਾਂ ਫਰਾਰ ਦੋਸ਼ੀਆਂ ਿਖ਼ਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।