ਮੋਦੀ ਰਾਜ ‘ਚ ਹੋਇਆ 45 ਹਜ਼ਾਰ ਕਰੋੜ ਰੁਪਏ ਦਾ ਦੂਰਸੰਚਾਰ ਘਪਲਾ: ਕਾਂਗਰਸ

ਨਵੀਂ ਦਿੱਲੀ, ਕਾਂਗਰਸ ਨੇ 45000 ਕਰੋੜ ਰੁਪਏ ਦੇ ਘਪਲੇ ਦਾ ਦੋਸ਼ ਲਾਉਂਦਿਆਂ ਕਿਹਾ ਕਿ ਮੋਦੀ ਸਰਕਾਰ ‘ਚੁੱਪ-ਚੁਪੀਤੇ ਅਜਿਹੇ ਕਦਮ’ ਚੁੱਕ ਰਹੀ ਸੀ ਜਿਸ ਨਾਲ ਛੇ ਮਸ਼ਹੂਰ ਟੈਲੀਕਾਮ ਕੰਪਨੀਆਂ ਨੂੰ ਲਾਭ ਹੋਇਆ, ਜਿਨ੍ਹਾਂ ਦੀ ਸਰਕਾਰੀ ਖਜ਼ਾਨੇ ‘ਚ ਦੇਣਦਾਰੀ ਬਾਕੀ ਸੀ।ਪਾਰਟੀ ਦੇ ਮੁੱਖ ਬੁਲਾਰੇ ਰਣਦੀਪ ਸੂਰਜੇਵਾਲਾ ਨੇ ਪਾਰਟੀ ਦੇ ਬੁਲਾਰੇ ਸ਼ਕਤੀਸਿਨ ਗੋਹਿਲ ਅਤੇ ਆਰ.ਪੀ.ਐਨ. ਸਿੰਘ ਨਾਲ ਕੀਤੀ ਸਾਂਝੀ ਪ੍ਰੈੱਸ ਕਾਨਫ਼ਰੰਸ ‘ਚ ਦੋਸ਼ ਲਾਇਆ ਕਿ ਲਗਭਗ 45000 ਕਰੋੜ ਰੁਪਏ ਦੇ ਟੈਲੀਕਾਮ ਘਪਲੇ ‘ਤੇ ਸਰਕਾਰ ਪਰਦਾ ਪਾਉਣ ਦੀ ਕੋਸ਼ਿਸ਼ ਕਰ ਰਹੀ ਸੀ।ਉਨ੍ਹਾਂ ਦੋਸ਼ ਲਾਇਆ ਕਿ ਸਰਕਾਰ ਚੁੱਪ=ਚੁਪੀਤੇ ਅਜਿਹੇ ਕਦਮ ਚੁੱਕ ਰਹੀ ਹੈ ਜਿਸ ਨਾਲ ਛੇ ਪ੍ਰਮੁੱਖ ਟੈਲੀਕਾਮ ਕੰਪਨੀਆਂ ਨੂੰ ਅਜਿਹੀ ਅਦਾਇਗੀ ਨਾ ਕਰਨ ‘ਚ ਮਦਦ ਕੀਤੀ ਗਈ ਜੋ ਕਿ ਉਨ੍ਹਾਂ ਸਰਕਾਰ ਨੂੰ ਚੁਕਤਾ ਕਰਨੀ ਸੀ।