ਮਨਸੁਖ ਵੀ ਸਰਕਾਰ ਵਿੱਚੋਂ ਨਿਕਲਦੇ ਸਾਰ ਭਾਜਪਾ ਉੱਤੇ ਵਰ੍ਹ ਪਿਆ:ਭਾਜਪਾ ਵਿੱਚ ਸੱਚ ਬੋਲਣਾ ਗੁਨਾਹ ਹੈ
ਅਹਿਮਦਾਬਾਦ,- ਕੇਂਦਰੀ ਮੰਤਰੀ ਮੰਡਲ ਤੋਂ ਹਟਦੇ ਸਾਰ ਆਦੀ ਵਾਸੀ ਨੇਤਾ ਮਨਸੁਖ ਵਸਾਵਾ ਨੇ ਭਾਜਪਾ ਉੱਤੇ ਹਮਲਾ ਬੋਲ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਭਾਜਪਾ ਆਪਣੇ ਚੋਣ ਵਾਅਦੇ ਪੂਰੇ ਨਹੀਂ ਕਰ ਸਕੀ। ਨਾਰਾਜ਼ ਹੋਇਆ ਵਸਾਵਾ ਹੁਣ ਵੀ ਭੀਲੀਸਤਾਨ ਟਾਈਗਰ ਸੈਨਾ ਨਾਲ ਜੁੜ ਦੀ ਤਿਆਰੀ ਵਿੱਚ ਹੈ।
ਮੋਦੀ ਸਰਕਾਰ ਵਿੱਚ ਰਾਜ ਮੰਤਰੀ ਰਹੇ ਮਨਸੁਖ ਵਸਾਵਾ ਨੇ ਕਿਹਾ ਕਿ ਮੰਤਰਾਲੇ ਵਿੱਚ ਉਨ੍ਹਾਂ ਦੀ ਕੋਈ ਨਹੀਂ ਸੁਣਦਾ ਸੀ। ਉਥੇ ਉਨ੍ਹਾਂ ਦੇ ਵਿਰੋਧ ਦਾ ਮਾਹੌਲ ਸੀ। ਵਸਾਵਾ ਨੇ ਕਿਹਾ ਹੈ ਕਿ ਭਾਜਪਾ ਵਿੱਚ ਸੱਚ ਬੋਲਣਾ ਗੁਨਾਹ ਹੈ। ਆਦੀ ਵਾਸੀਆਂ ਦੀਆਂ ਸਮੱਸਿਆਵਾਂ ਬਾਰੇ ਉਨ੍ਹਾਂ ਮੁੱਖ ਮੰਤਰੀ ਆਨੰਦੀਬੇਨ ਪਟੇਲ ਨੂੰ ਪੱਤਰ ਲਿਖਿਆ ਅਤੇ ਆਹਮੋ-ਸਾਹਮਣੇ ਜਾਣਕਾਰੀ ਦਿੱਤੀ, ਜਿਸ ਦੇ ਚਲਦੇ ਉਨ੍ਹਾਂ ਨੂੰ ਮੰਤਰੀ ਮੰਡਲ ਤੋਂ ਕੱਢਿਆ ਗਿਆ। ਗੁਜਰਾਤ ਦੇ ਆਦੀ ਵਾਸੀ ਇਲਾਕਿਆਂ ਦੇ ਸਕੂਲਾਂ ਵਿੱਚ ਅਧਿਆਪਕ ਅਤੇ ਡਾਕਟਰ ਨਹੀਂ ਹਨ। ਕਿਸਾਨਾਂ ਨੂੰ ਨਰਮਦਾ ਦਾ ਲੋੜੀਂਦਾ ਪਾਣੀ ਅਤੇ ਬਿਜਲੀ ਨਹੀਂ ਮਿਲ ਰਹੀ। ਮਨਸੁਖ ਨੇ ਦਾਹੋਦ, ਪੰਚ ਮਹਿਲ, ਖਗੜੀਆ ਇਲਾਕੇ ਵਿੱਚ ਦਬਦਬਾ ਰੱਖਦੀ ਭੀਲੀਸਤਾਨ ਟਾਈਗਰ ਸੈਨਾ ਨਾਲ ਜੁੜਨ ਦਾ ਸੰਕੇਤ ਦਿੱਤਾ ਹੈ। ਟਾਈਗਰ ਸੈਨਾ ਦਾ ਸੰਚਾਲਨ ਝਖਗੜੀਆ ਤੋਂ ਜਨਤਾ ਦਲ ਯੂ ਦੇ ਵਿਧਾਇਕ ਛੋਟੂ ਭਾਈ ਵਸਾਵਾ ਕਰ ਰਹੇ ਹਨ। ਜਨਤਾ ਦਲ ਯੂ ਦੇ ਵਿਧਾਇਕ ਛੋਟੂ ਭਾਈ ਵਸਾਵਾ ਦੇ ਤਿੰਨ ਪੁੱਤਰਾਂ ਨੂੰ ਅਦਾਲਤ ਨੇ ਤਿੰਨ-ਤਿੰਨ ਸਾਲ ਸਜ਼ਾ ਸੁਣਾਈ ਹੈ। ਖਗੜੀਆ ਤਸੀਲ ਦੇ ਕਾਂਗਰਸ ਦੇ ਉਸ ਵੇਲੇ ਦੇ ਪ੍ਰਮੁੱਖ ਬਾਲੂਭਾਈ ਵਸਾਵਾ ਉੱਤੇ ਜਾਨਲੇਵਾ ਹਮਲਾ ਕਰਨ ਦੇ ਦੋਸ਼ੀ ਕਿਸ਼ੋਰ ਵਸਾਵਾ, ਮਹੇਸ਼ ਦਿਲੀਪ ਵਸਾਵਾ ਸਮੇਤ ਅੱਠ ਜਣਿਆਂ ਨੂੰ ਅੰਕਲੇਸ਼ਵਰ ਸੈਸ਼ਨ ਅਦਾਲਤ ਨੇ ਇਹ ਸਜ਼ਾ ਸੁਣਾਈ ਹੈ।
