ਪੇਈਚਿੰਗ — ਚੀਨ ਦੀ ਪੀਪਲਸ ਲਿਬਰੇਸ਼ਨ ਆਰਮੀ (ਪੀ. ਐੱਲ. ਏ) ਨੇ ਸ਼ਿਨਜਿਆਂਗ ਦੇ ਪੱਛਮੀ ਇਲਾਕੇ ‘ਚ ਇਕ ਵੱਡਾ ਸੈਨਿਕ ਅਭਿਆਸ ਸ਼ੁਰੂ ਕੀਤਾ ਹੈ। ਇਹ ਇਲਾਕਾ ਭਾਰਤ ਭਾਰਤ ਅਤੇ ਪਾਕਿਸਤਾਨ ਸਮੇਤ ਕਈ ਦੂਸਰੇ ਦੇਸ਼ਾਂ ਦੀ ਸਰਹੱਦ ਨਾਲ ਜੁੜਿਆ ਹੋਇਆ ਹੈ। ਪੀ. ਐੱਲ. ਏ ਦੀ ਪੱਛਮੀ ਕਮਾਨ ਵਲੋਂ ਕੀਤੇ ਜਾ ਰਹੇ ਇਸ ਸੈਨਿਕ ਅਭਿਆਸ ‘ਚ ਚੀਨ ਦੇ 10,000 ਤੋਂ ਜ਼ਿਆਦਾ ਸੈਨਿਕ ਹਿੱਸਾ ਲੈ ਰਹੇ ਹਨ।
ਚੀਨ ਦੀ ਸਰਕਾਰੀ ਅਖਬਾਰ ਪੀਪਲਸ ਡੇਲੀ ਅਨੁਸਾਰ, ਇਸ ਅਭਿਆਸ ‘ਚ ਖੁਦ ਨੂੰ ਲੁਕੋਣਾ, ਖੁਫੀਆ ਜਾਣਕਾਰੀ ਇਕੱਠਾ ਕਰਨਾ, ਦੁਸ਼ਮਣ ਬਾਰੇ ਜਾਣਕਾਰੀ ਜੁਟਾਉਣਾ ਅਤੇ ਕਾਊਂਟਰ ਅਟੈਕ ਕਰਨ ਦੇ ਗੁਰ ਅਜ਼ਮਾਏ ਜਾ ਰਹੇ ਹਨ। ਹਾਲਾਂਕਿ ਅਖਬਾਰ ‘ਚ ਇਸ ਸੈਨਿਕ ਅਭਿਆਸ ਦੀ ਨਿਸ਼ਚਿਤ ਜਗ੍ਹਾ ਨਹੀਂ ਦੱਸੀ ਗਈ ਹੈ, ਪਰ ਜ਼ਾਹਿਰ ਹੈ ਕਿ ਇਸ ਦੇ ਫੋਕਸ ਭਾਰਤ ‘ਤੇ ਹੀ ਹੈ ਕਿਉਂਕਿ ਇਸ ਇਲਾਕੇ ‘ਚ ਚੀਨ ਦਾ ਸਰਹੱਦ ਵਿਵਾਦ ਸਿਰਫ ਭਾਰਤ ਨਾਲ ਹੀ ਹੈ।