Skip to content
Friday, November 20, 2026 2°C · Mainly clear · Surrey, BC
ਪੰਜਾਬ ਗਾਰਡੀਅਨ
The Punjab Guardian
Surrey, British Columbia · Est. 2016 · Weekly
Sections ਮੁੱਖ ਪੰਨਾHome ਤਾਜ਼ਾ ਖ਼ਬਰਾਂਪੰਜਾਬਕੈਨੇਡਾਅਮਰੀਕਾਭਾਰਤਦੁਨੀਆਖੇਡਾਂਮਨੋਰੰਜਨਕਾਰੋਬਾਰਧਰਮਸ਼ਰਧਾਂਜਲੀਸਿਹਤ
ਭਾਰਤ India

ਬਾਬਰੀ ਮਸਜਿਦ ਢਾਹੁਣ, ਗੋਧਰਾ ਕਤਲੇਆਮ ਕਾਰਨ ਨੌਜਵਾਨਾਂ ਦਾ ਝੁਕਾਅ ਅਲਕਾਇਦਾ ਵੱਲ : ਪੁਲਿਸ

By Admin Published 2 min read

ਨਵੀਂ ਦਿੱਲੀ,: ਦਿੱਲੀ ਪੁਲੀਸ ਨੇ ਅਦਾਲਤ ਵਿਚ ਕਿਹਾ ਹੈ ਕਿ ਸਾਲ 1992 ਵਿਚ ਬਾਬਰੀ ਮਸਜਿਦ ਢਾਹੁਣ ਅਤੇ ਸਾਲ 2002 ਦੇ ਗੋਧਰਾ ਦੰਗਿਆਂ ਕਾਰਨ ਭਾਰਤੀ ਨੌਜਵਾਨਾਂ ਦਾ ਝੁਕਾਅ ਅਲਕਾਇਦਾ ਵੱਲ ਹੋਇਆ ਅਤੇ ਇਹ ਨੌਜਵਾਨ ਅਤਿਵਾਦੀ ਸੰਗਠਨ ਅਲਕਾਇਦਾ ਦਾ ਭਾਰਤੀ ਉਪ ਮਹਾਂਦੀਪ ਵਿਚ ਅਧਾਰ (ਏ.ਕਿਊ.ਆਈ.ਐਸ.) ਬਣਾਉਣ ਲਈ ਵਚਨਬੱਧ ਹਨ। ਦਿੱਲੀ ਪੁਲੀਸ ਦੇ ਵਿਸ਼ੇਸ਼ ਸੈੱਲ ਨੇ 17 ਮੁਲਜ਼ਮਾਂ ਵਿਰੁਧ ਦਾਖ਼ਲ ਅਪਣੇ ਦੋਸ਼ਪੱਤਰ ਵਿਚ ਕਿਹਾ ਹੈ ਕਿ ਜਿਹਾਦ ਲਈ ਕੁਝ ਨੌਜਵਾਨ ਪਾਕਿਸਤਾਨ ਗਏ ਅਤੇ ਜਮਾਤ-ਉਦ-ਦਾਅਵਾ ਹਾਫ਼ਿਜ਼ ਸਈਅਦ, ਲਸ਼ਕਰ-ਏ-ਤੋਇਬਾ ਪ੍ਰਮੁੱਖ ਜਕੀ-ਉਰ-ਰਹਿਮਾਨ ਲਖਵੀ ਅਤੇ ਹੋਰ ਅਤਿਵਾਦੀਆਂ ਨੂੰ ਮਿਲੇ। ਦੋਸ਼ ਪੱਤਰ ਵਿਚ ਕਿਹਾ ਗਿਆ ਹੈ ਕਿ ਵੱਖ-ਵੱਖ ਮਸਜਿਦਾਂ ਵਿਚ ਜੇਹਾਦੀ ਭਾਸ਼ਨ ਦੇਣ ਤੋਂ ਬਾਅਦ ਉਹ (ਗ੍ਰਿਫ਼ਤਾਰ ਮੁਲਜ਼ਮ ਸਈਅਦ ਅੰਜਾਰ ਸ਼ਾਹ) ਮੁਹੰਮਦ, ਉਮਰ (ਫ਼ਰਾਰ) ਨੂੰ ਮਿਲਿਆ ਅਤੇ ਉਨ੍ਹਾਂ ਨਾਲ ਭਾਰਤ ਵਿਚ ਮੁਸਲਮਾਨਾਂ ‘ਤੇ ਕਥਿਤ ਜ਼ੁਰਮ, ਖ਼ਾਸ ਕਰ ਕੇ ਗੋਧਰਾ ਅਤੇ ਬਾਬਰੀ ਮਸਜਿਦ ਮੁੱਦਿਆਂ ‘ਤੇ ਚਰਚਾ ਕੀਤੀ।

ਵਧੀਕ ਸੈਸ਼ਨ ਜੱਜ ਰੀਤੇਸ਼ ਸਿੰਘ ਸਾਹਮਣੇ ਦਾਖ਼ਲ ਦੋਸ਼ਪੱਤਰ ਵਿਚ ਕਿਹਾ ਗਿਆ ਹੈ, ”ਉਮਰ ਉਸ ਦੇ ਜੇਹਾਦੀ ਵਿਚਾਰਾਂ ਅਤੇ ਭਾਸ਼ਨਾਂ ਤੋਂ ਬਹੁਤ ਪ੍ਰਭਾਵਤ ਹੋਇਆ ਅਤੇ ਖ਼ੁਦ ਨੂੰ ਜੇਹਾਦ ਲਈ ਸਮਰਪਤ ਕਰ ਦਿਤਾ। ਉਸ ਨੇ ਪਾਕਿਸਤਾਨ ਤੋਂ ਹਥਿਆਰਾਂ ਅਤੇ ਗੋਲਾ ਬਰੂਦ ਦੀ ਸਿਖਲਾਈ ਲੈਣ ਦੀ ਇਛਾ ਪ੍ਰਗਟਾਈ। ਦੋਸ਼ਪੱਤਰ ਅਨੁਸਾਰ ਉਮਰ ਪਾਕਿਸਤਾਨ ਤੋਂ ਅਪਣੀਆਂ ਗਤੀਵਿਧੀਆਂ ਚਲਾਉਂਦਾ ਹੈ। ਪੁਲੀਸ ਨੇ ਕਿਹਾ ਕਿ ਦੋਸ਼ੀ ਅਬਦੁਲ ਰਹਿਮਾਨ ਨੇ ਪਾਕਿਸਤਾਨੀ ਵੱਖਵਾਦੀਆਂ ਸਲੀਮ ਮੰਸੂਰ ਅਤੇ ਸਜ਼ਾਦ ਨੂੰ ਭਾਰਤ ਵਿਚ ਸੁਰੱਖਿਅਤ ਪਨਾਹ ਦਿਤੀ। ਸਲੀਮ, ਮੰਸੂਰ ਅਤੇ ਸਜ਼ਾਦ ਜੈਸ਼-ਏ-ਮੁਹੰਮਦ ਦੇ ਮੈਂਬਰ ਸਨ। ਦੋਸ਼ ਪੱਤਰ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਇਹ ਤਿੰਨੋਂ ਪਾਕਿਸਤਾਨੀ ਵੱਖਵਾਦੀ ਬਾਬਰੀ ਮਸਜਿਦ ਢਾਹੁਣ ਦਾ ਬਦਲਾ ਲੈਣ ਲਈ ਭਾਰਤ ਆਏ ਸਨ ਅਤੇ ਉਨ੍ਹਾਂ ਦੀ ਯੋਜਨਾ ਅਯੋਧਿਆ ਵਿਚ ਰਾਮ ਮੰਦਰ ‘ਤੇ ਹਮਲਾ ਕਰਨ ਦੀ ਸੀ। ਦੋਸ਼ ਪੱਤਰ ਵਿਚ ਪੁਲਿਸ ਨੇ 17 ਮੁਲਜ਼ਮਾਂ ਦੇ ਨਾਮ ਦਿਤੇ ਹਨ ਜਿਨ੍ਹਾਂ ਵਿਚੋਂ 12 ਫ਼ਰਾਰ ਹਨ। ਇਹ ਦੋਸ਼ ਪੱਤਰ ਕਥਿਤ ਸਾਜ਼ਸ਼ ਰਚਨ, ਭਾਰਤੀ ਨੌਜਵਾਨਾਂ ਦੀ ਭਰਤੀ ਕਰਨ ਅਤੇ ਏ.ਕਿਊ.ਆਈ.ਐਸ. ਦਾ ਇਥੇ ਅਧਾਰ ਸਥਾਪਤ ਕਰਨ ਦੇ ਦੋਸ਼ ਬਾਰੇ ਵਿਚ ਹੈ।

ਅਪਣੀ ਅੰਤਿਮ ਰੀਪੋਰਟ ਵਿਚ ਏਜੰਸੀ ਨੇ ਪੰਜ ਗ੍ਰਿਫ਼ਤਾਰ ਦੋਸ਼ੀਆਂ ਮੁਹੰਮਦ ਆਸਿਫ਼, ਜਫ਼ਰ ਮਸੂਦ, ਮੁਹੰਮਦ ਅਬਦੁਲ ਰਹਿਮਾਨ, ਸਈਅਦ ਅੰਜਾਰ ਸ਼ਾਹ ਅਤੇ ਅਬਦੁਲ ਸਾਮੀ ‘ਤੇ ਗੈਰ ਕਾਨੂੰਨੀ ਗਤੀਵਿਧੀਆਂ (ਰੋਕੂ) ਕਾਨੂੰਨ ਦੀਆਂ ਤਜਵੀਜ਼ਾਂ ਤਹਿਤ ਕਥਿਤ ਅਪਰਾਧ ਲਈ ਦੋਸ਼ ਲਾਏ ਹਨ।

Admin Punjab Guardian · Surrey
ਸੰਬੰਧਿਤ ਖ਼ਬਰਾਂ Related ਭਾਰਤ India →

ਅਮਰੀਕਾ ਤੋਂ ਰਾਹੁਲ ਗਾਂਧੀ ਦਾ ਭਾਰਤੀ ਲੋਕਤੰਤਰ ‘ਤੇ ਬਿਆਨ: ਚੋਣ ਪ੍ਰਣਾਲੀ ਵਿੱਚ ਖਾਮੀਆਂ ਦੇ ਦਾਅਵੇ ‘ਤੇ ਨਵੀਂ ਸਿਆਸੀ ਚਰਚਾ ਅਮਰੀਕਾ ਦੇ ਸ਼ਿਕਾਗੋ ਯੂਨੀਵਰਸਿਟੀ ਵਿੱਚ ਰਾਹੁਲ ਗਾਂਧੀ ਨੇ ਭਾਰਤੀ ਲੋਕਤੰਤਰ ਨੂੰ ਪਵਿੱਤਰ ਦੱਸਦਿਆਂ ਚੋਣ ਪ੍ਰਣਾਲੀ ਵਿੱਚ ਗੰਭੀਰ ਖਾਮੀਆਂ ਦੇ ਦੋਸ਼ ਲਾਏ ਹਨ। ਉਨ੍ਹਾਂ ਆਖਿਆ ਕਿ ਕਾਂਗਰਸ ਚੋਣਾਂ ਦਾ ਬਾਈਕਾਟ ਨਹੀਂ ਕਰੇਗੀ, ਸਗੋਂ ਚੋਣ ਮੈਦਾਨ ਵਿੱਚ ਰਹਿੰਦਿਆਂ ਕਥਿਤ ਖਾਮੀਆਂ ਨੂੰ ਲੋਕਾਂ ਸਾਹਮਣੇ ਲਿਆਉਂਦੀ ਰਹੇਗੀ।

November 19, 2026
Share on WhatsApp