ਚੰਡੀਗੜ੍ਹ: ਨਾਭਾ ਜੇਲ੍ਹ ਤੋਂ 6 ਖਤਰਨਾਕ ਕੈਦੀਆਂ ਦੇ ਫਰਾਰ ਹੋਣ ਮਗਰੋਂ 6 ਸੂਬਿਆਂ ‘ਚ ਹਾਈ ਅਲਰਟ ਜਾਰੀ ਕਰ ਲਗਾਤਾਰ ਭਾਲ ਜਾਰੀ ਹੈ। ਇਸ ਦੌਰਾਨ ਖਾਲਿਸਤਾਨ ਲਿਬਰੇਸ਼ਨ ਫੋਰਸ ਦੇ ਮੁਖੀ ਹਰਮਿੰਦਰ ਸਿੰਘ ਮਿੰਟੂ ਤੇ ਜੇਲ੍ਹ ਤੋਂ ਭਜਾਉਣ ਵਾਲੇ ਇੱਕ ਮੁਲਜ਼ਮ ਪਰਮਿੰਦਰ ਪਿੰਦਾ ਨੂੰ ਤਾਂ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਪਰ ਬਾਕੀ 5 ਖਤਰਨਾਕ ਮੁਲਜ਼ਮਾਂ ਤੇ ਉਨ੍ਹਾਂ ਦੀ ਮਦਦ ਕਰਨ ਵਾਲਿਆਂ ਦੀ ਭਾਲ ‘ਚ ਪੁਲਿਸ ਚੱਪੇ ਚੱਪੇ ਦੀ ਖਾਕ ਛਾਣ ਰਹੀ ਹੈ। ਪਰ ਇਸ ਦੌਰਾਨ ਹੀ ਇਹਨਾਂ ਖਤਰਨਾਕ ਗੈਂਗਸਟਰਾਂ ਨੇ ਉਲਟਾ ਸਰਕਾਰ ਨੂੰ ਚਣੌਤੀ ਦੇ ਦਿੱਤੀ ਹੈ। ਇਹਨਾਂ ਗੈਂਗਸਟਰਾਂ ਨੇ ਸੋਸ਼ਲ ਮੀਡੀਆ ‘ਤੇ ਬਾਦਲ ਸਰਕਾਰ ਨੂੰ ਸ਼ਰੇਆਮ ਧਮਕੀ ਦਿੰਦਿਆਂ ਕਿਹਾ ਹੈ ਕਿ ਜੇਕਰ ਉਨ੍ਹਾਂ ਦਾ ਐਨਕਾਊਂਟਰ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਚੰਗਾ ਨਹੀਂ ਹੋਵੇਗਾ।
ਗੈਂਗਸਟਰਾਂ ਵੱਲੋਂ ਬਣਾਏ ‘ਸ਼ੇਰਾ ਖੁੱਬਣ ਗਰੁੱਪ’ ਨਾਮੀ ਪੇਜ ‘ਤੇ ਇੱਕ ਸਟੇਟਸ ਪਾ ਲਿਖਿਆ ਗਿਆ, “ਲਾਹਣਤ ਆ ਇਸ ਗੰਦੀ ਸਰਕਾਰ ਤੇ। ਕੀ ਕਸੂਰ ਸੀ ਇਸ ਕੁੜੀ ਦਾ। ਹੁਣ ਬਾਦਲ ਇਹ ਜਵਾਬ ਦੇਵੇ ਵੀ ਕੀ ਉਹਨਾ ‘ਤੇ 302 ਦਾ ਪਰਚਾ ਹੋਇਆ ? ਹੁਣ ਪੁਲੀਸ ਕਿਹੜਾ ਅੱਤਵਾਦੀਆਂ ਨਾਲੋ ਘੱਟ ਏ। ਦੱਸੋ ਕੀ ਕੀਤਾ ਪੁਲਿਸ ਵਾਲਿਆ ਦਾ ? ਹੁਣ ਕੱਲ੍ਹ ਨੂੰ ਤੁਸੀ ਕਿਸੇ ਹੋਰ ਵੀਰ ਭਰਾ ਜਾਂ ਧੀ ਭੈਣ ਤੇ ਗੋਲੀਆ ਚਲਾ ਦਵੋਗੇ, ਵੀ ਇਹ ਗੈਂਗਸਟਾਰ ਆ। ਗੈਗਸਟਰਾ ਤੇ ਥੋਡੇ ‘ਚ ਕੀ ਫਰਕ ਰਿਹ ਗਿਆ ਪਹਿਲਾ ਇਹ ਦੱਸੋ। 84 ਵਾਲੇ ਕੰਮ ਸ਼ੁਰੂ ਕਰਤੇ ਇਹਨਾਂ ਨੇ। ਪਰ ਇਸ ਵਾਰੀ ਇਹਨਾਂ ਨੂੰ ਜਵਾਬ ਠੋਕ ਕੇ ਦੇਵਾਂਗੇ। ਬੱਸ ਵਾਹਿਗੁਰੂ ਵੀਰਾ ਨੂੰ ਚੜਦੀ ਕਲਾ ‘ਚ ਰੱਖੇ।”
