ਚੇਨਈ ‘ਚ ਆਮਦਨ ਕਰ ਵਿਭਾਗ ਦੇ ਛਾਪੇ : 90 ਕਰੋੜ ਨਕਦੀ, ਸੌ ਕਿਲੋ ਸੋਨਾ ਜ਼ਬਤ

ਚੇਨਈ,: ਆਮਦਨ ਕਰ ਵਿਭਾਗ ਨੇ ਵੀਰਵਾਰ ਨੂੰ ਇੱਥੇ ਸੁਨਿਆਰਿਆਂ ਦੇ ਘਰ ਛਾਪੇ ਮਾਰੇ। ਇਸ ਦੌਰਾਨ 90 ਕਰੋੜ ਨਕਦੀ ਤੇ 100 ਕਿਲੋ ਸੋਨਾ ਜ਼ਬਤ ਕੀਤਾ ਗਿਆ। ਸੂਤਰਾਂ ਦੇ ਮੁਤਾਬਕ ਆਮਦਨ ਵਿਭਾਗ ਨੇ ਚੇਨਈ ਵਿੱਚ ਸੁਨਿਆਰਿਆਂ ਦੇ ਅੱਠ ਟਿਕਾਣਿਆਂ ‘ਤੇ ਛਾਪੇ ਮਾਰੇ। ਜਾਣਕਾਰੀ ਅਨੁਸਾਰ ਆਮਦਨ ਕਰ ਵਿਭਾਗ ਨੇ ਵੱਡੇ ਮਨੀ ਐਕਸਚੇਂਜ ਰੈਕਟ ਦਾ ਪਰਦਾਫਾਸ਼ ਕੀਤਾ ਹੈ। ਆਈਟੀ ਅਧਿਕਾਰੀ ਸ਼ੇਖਰ ਰੈੱਡੀ, ਸ੍ਰੀਨਿਵਾਸ ਰੈੱਡੀ ਅਤੇ ਪ੍ਰੇਮ ਨਾਂ ਦੇ ਵਪਾਰੀਆਂ ਤੋਂ ਪੁੱਛਗਿੱਛ ਕਰ ਰਹੇ ਹਨ। ਆਈਟੀ ਅਧਿਕਾਰੀਆਂ ਨੇ ਅੰਨਾ ਨਗਰ ਅਤੇ ਟੀ ਨਗਰ ਵਿੱਚ ਅੱਠ ਥਾਵਾਂ ‘ਤੇ ਛਾਪੇ ਮਾਰੇ। ਜ਼ ਕੀਤੀ ਗਈ 90 ਕਰੋੜ ਦੀ ਨਕਦੀ ਵਿੱਚ 70 ਕਰੋੜ ਰੁਪਏ ਨਵੀਂ ਕਰੰਸੀ ਦੇ ਹਨ।