ਚੀਨ ਨੇ ਪਹਿਲੀ ਵਾਰ ਦੁਨੀਆਂ ਸਾਹਮਣੇ ਪੇਸ਼ ਕੀਤੀ Covid-19 ਵੈਕਸੀਨ Coronavac, ਕੰਪਨੀ ਨੇ 90% ਫੀਸਦੀ ਮੁਲਾਜ਼ਮਾਂ ਨੂੰ ਲਗਾਇਆ ਟੀਕਾ

ਚੀਨ ਨੇ ਪਹਿਲੀ ਵਾਰ ਵਿਸ਼ਵ ਦੇ ਸਾਹਮਣੇ ਕੋਰੋਨਾ ਵਾਇਰਸ ਵੈਕਸੀਨ (Covid-19 Vaccine) ਪੇਸ਼ ਕੀਤੀ ਹੈ। ਇਸ ਟੀਕੇ ਦਾ ਨਾਮ ‘ਕੋਰੋਨਾਵੇਕ’ (Coronavac) ਹੈ, ਜਿਸ ਨੂੰ ਚੀਨੀ ਕੰਪਨੀ ਸਿਨੋਵੇਕ ਬਾਇਓਟੈਕ ਨੇ ਤਿਆਰ ਕੀਤਾ ਹੈ।ਬੀਜਿੰਗ ਵਪਾਰ ਮੇਲੇ ਵਿਚ ਇਹ ਪਹਿਲੀ ਵਾਰ ਲੋਕਾਂ ਨੂੰ ਦਿਖਾਈ ਗਈ। ਫਿਲਹਾਲ ਇਸ ਨੂੰ ਇਕ ਟੀਕੇ ਵਾਂਗੂ ਦਿਖਾਇਆ ਗਿਆ ਹੈ, ਪਰ ਕੰਪਨੀ ਦਾ ਕਹਿਣਾ ਹੈ ਇਸ ਨੂੰ ਬਦਲਿਆ ਵੀ ਜਾ ਸਕਦਾ ਹੈ।
ਇਸ ਨੂੰ ਬਣਾਉਣ ਵਾਲੀ ਕੰਪਨੀ ਨੇ ਕਿਹਾ ਕਿ ਇਸ ਸਾਲ ਦੇ ਅੰਤ ਤੱਕ ਟਰਾਇਲਾਂ ਦਾ ਤੀਜਾ ਪੜਾਅ ਪੂਰਾ ਕਰਨ ਤੋਂ ਬਾਅਦ ਇਸ ਨੂੰ ਮਨਜ਼ੂਰੀ ਦੇ ਦਿੱਤੀ ਜਾਵੇਗੀ। ਇਕ ਕੰਪਨੀ ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਟੀਕਾ ਤਿਆਰ ਕਰਨ ਲਈ ਇਕ ਫੈਕਟਰੀ ਤਿਆਰ ਕੀਤੀ ਗਈ ਹੈ।ਇਸ ਦੀ ਸਹਾਇਤਾ ਨਾਲ ਇਕ ਸਾਲ ਵਿਚ 30 ਕਰੋੜ ਖੁਰਾਕਾਂ ਤਿਆਰ ਕੀਤੀਆਂ ਜਾਣਗੀਆਂ। ਸਿਨੋਵੇਕ ਬਾਇਓਟੈਕ ਤੋਂ ਇਲਾਵਾ ਹੋਰ ਚੀਨੀ ਫਾਰਮਾ ਕੰਪਨੀ ਸਿਨੋਫਰਮ ਨੇ ਵੀ ਆਪਣੀ ਵੈਕਸੀਨ ਪੇਸ਼ ਕੀਤੀ ਹੈ। ਸਿਨੋਫਰਮਾ ਦੇ ਚੇਅਰਮੈਨ ਅਨੁਸਾਰ ਟੀਕੇ ਦੀਆਂ ਦੋ ਖੁਰਾਕਾਂ ਦੀ ਕੀਮਤ 10,000 ਰੁਪਏ ਤੋਂ ਵੀ ਘੱਟ ਹੋਵੇਗੀ