ਗੋਲਡਨ ਗਰਲ ਰਾਜਬੀਰ ਕੌਰ ਦੇ ਘਰੋਂ 82 ਬੋਤਲਾਂ ਸ਼ਰਾਬ ਬਰਾਮਦ

ਜਲੰਧਰ:- ਸ਼੍ਰੋਮਣੀ ਅਕਾਲੀ ਦਲ ਦੀ ਆਗੂ ਅਤੇ ਗੋਲਡਨ ਗਰਲ ਵਜੋਂ ਮਸ਼ਹੂਰ ਹਾਕੀ ਖਿਡਾਰਨ ਰਾਜਬੀਰ ਦੇ ਘਰੋਂ ਪੁਲੀਸ ਨੇ ਛਾਪੇ ਮਾਰ ਕੇ ਸ਼ਰਾਬ ਦੀਆਂ 82 ਬੋਤਲਾਂ ਬਰਾਮਦ ਕੀਤੀਆਂ ਹਨ। ਪੁਲੀਸ ਅਨੁਸਾਰ ਇਹ ਸ਼ਰਾਬ ਚੋਣਾਂ ਮੌਕੇ ਵੰਡਣ ਲਈ ਲਿਆਂਦੀ ਗਈ ਸੀ। ਏਸੀਪੀ ਦਵਿੰਦਰ ਚੌਧਰੀ ਨੇ ਦੱਸਿਆ ਕਿ ਰਿਟਰਨਿੰਗ ਅਫਸਰ ਦੇ ਸ਼ੱਕ ਪ੍ਰਗਟ ਕਰਨ ਤੋਂ ਬਾਅਦ ਜਲੰਧਰ ਛਾਉਣੀ ਹਲਕੇ ਵਿੱਚ ਪੈਂਦੇ ਪਿੰਡ ਖੁਸਰੋਪੁਰ ਵਿੱਚ ਰਾਜਬੀਰ ਕੌਰ ਦੇ ਘਰ ਛਾਪਾ ਮਾਰਿਆ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਸ਼ਰਾਬ ਬਰਾਮਦਗੀ ਤੋਂ ਬਾਅਦ ਰਾਜਬੀਰ ਕੌਰ ਦੇ ਪਤੀ ਸਾਬਕਾ ਐਸਪੀ ਗੁਰਮੇਲ ਸਿੰਘ ਖ਼ਿਲਾਫ਼ ਕੇਸ ਦਰਜ ਕਰਲਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਇਹ ਸ਼ਰਾਬ ਕਿਸ ਪਾਰਟੀ ਦੀ ਸੀ ਅਤੇ ਕਿਵੇਂ ਵੰਡੀ ਜਾਣੀ ਸੀ, ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ।