ਕੇਂਦਰ ਸਰਕਾਰ ਦੇ ਨੋਟਬੰਦੀ ਦੇ ਫੈਸਲੇ ਤੋਂ ਕਈ ਲੋਕ ਖੁਸ਼ ਹਨ, ਪਰ ਜ਼ਿਆਦਾਤਰ ਲੋਕ ਪਰੇਸ਼ਾਨ ਹਨ। ਇਸ ਸਰਕਾਰੀ ਫੈਸਲੇ ਤੋਂ ਪਿੱਛੋਂ ਆਮ ਆਦਮੀ ਦੀ ਸਵੇਰ ਅਤੇ ਸ਼ਾਮ ਬੈਂਕ ਅਤੇ ਏ ਟੀ ਐਮਜ਼ ਦੀਆਂ ਲਾਈਨਾਂ ਵਿੱਚ ਬੀਤ ਰਹੀ ਹੈ, ਪਰ ਫਿਲਮੀ ਸਿਤਾਰੇ ਵੀ ਨੋਟਬੰਦੀ ਦੀ ਇਸ ਮਾਰ ਤੋਂ ਬਚੇ ਨਹੀਂ। ਨੋਟਬੰਦੀ ਦੀ ਮਾਰ ਵਿਦਿਆ ਬਾਲਨ ਨੂੰ ਵੀ ਇਸ ਵਾਰੀ ਭੁਗਤਣੀ ਪਈ ਹੈ।
ਵਿਦਿਆ ਨੇ ਦੱਸਿਆ ਕਿ ਹੁਣੇ ਜਿਹੇ ਖੁੱਲ੍ਹੇ ਪੈਸੇ ਨਾ ਮਿਲਣ ਦੀ ਵਜ੍ਹਾ ਨਾਲ ਉਹ ਪਨੀਰ ਨਹੀਂ ਖਾ ਸਕੀ। ਉਸ ਦਾ ਪਨੀਰ ਦੀ ਸਬਜ਼ੀ ਖਾਣ ਦਾ ਮਨ ਹੋਇਆ ਤਾਂ ਉਸ ਨੇ ਆਪਣੇ ਘਰ ਦੇ ਕੰਮ-ਕਾਜ ਵਿੱਚ ਹੱਥ ਵੰਡਾਉਣ ਵਾਲੀ ਮਹਿਲਾ ਨੂੰ 2000 ਦਾ ਨੋਟ ਦੇ ਕੇ ਪਨੀਰ ਲਿਆਉਣ ਨੂੰ ਕਿਹਾ। ਉਹ ਬਾਜ਼ਾਰ ਤੋਂ ਪਨੀਰ ਲੈਣ ਗਈ ਤਾਂ ਕੁਝ ਹੀ ਦੇਰ ਵਿੱਚ ਉਸ ਦਾ ਫੋਨ ਆ ਗਿਆ ਕਿ ‘ਦੀਦੀ, 80 ਰੁਪਏ ਦਾ ਪਨੀਰ ਹੈ ਤੇ ਦੁਕਾਨਦਾਰ ਕੋਲ 1920 ਰੁਪਏ ਖੁੱਲ੍ਹੇ ਨਹੀਂ ਹਨ।’ ਮਤਲਬ ਖੁੱਲ੍ਹੇ ਪੈਸਿਆਂ ਦੀ ਕਿੱਲਤ ਕਾਰਨ ਵਿਦਿਆ ਪਨੀਰ ਦਾ ਸਵਾਦ ਲੈਣ ਤੋਂ ਵਾਂਝੀ ਰਹਿ ਗਈ।