ਕੈਨੇਡਾ ਬੱਸ ਹਾਦਸੇ ‘ਚ ਮਾਰੇ ਗਏ ਖਿਡਾਰੀ ਦੀ ਭੈਣ ਨੇ ਕਿਹਾ- ‘ਤੋਹਫੇ ਨੂੰ ਕਦੇ ਨਹੀਂ ਖੋਲ੍ਹਾਂਗੀ’

ਸਸਕੈਚਵਾਨ— ਕੈਨੇਡਾ ਦੇ ਸੂਬੇ ਸਸਕੈਚਵਾਨ ‘ਚ ਬੀਤੇ ਸ਼ੁੱਕਰਵਾਰ ਨੂੰ ਹਾਕੀ ਟੀਮ ਦੀ ਬੱਸ ਹਾਦਸੇ ਦੀ ਸ਼ਿਕਾਰ ਹੋ ਗਈ। ਇਸ ਬੱਸ ਹਾਦਸੇ ‘ਚ 15 ਦੀ ਮੌਤ ਹੋ ਗਈ ਅਤੇ 14 ਹੋਰ ਜ਼ਖਮੀ ਹੋ ਗਏ। ਬੱਸ ‘ਚ ਸਵਾਰ ਜੂਨੀਅਰ ਹਾਕੀ ਟੀਮ ਦੇ ਖਿਡਾਰੀ ਕਪਤਾਨ ਅਤੇ ਕੋਚ ਸਵਾਰ ਸਨ। ਬੱਸ ਦੀ ਟੱਕਰ ਸੈਮੀ ਟਰੱਕ ਨਾਲ ਹੋ ਗਈ, ਜਿਸ ਕਾਰਨ ਕੋਚ, ਕਪਤਾਨ ਸਮੇਤ 15 ਲੋਕਾਂ ਦੀ ਮੌਤ ਹੋ ਗਈ। ਮਾਰੇ ਗਏ ਖਿਡਾਰੀਆਂ ‘ਚੋਂ ਐਡਮ ਹੈਰੋਲਡ ਨਾਂ ਦਾ 16 ਸਾਲਾ ਖਿਡਾਰੀ ਸੀ, ਜਿਸ ਨੂੰ ਸਸਕੈਚਵਾਨ ਜੂਨੀਅਰ ਹਾਕੀ ਟੀਮ ‘ਚ ਸ਼ਾਮਲ ਹੋਇਆ ਅਜੇ 3 ਹਫਤੇ ਹੀ ਬੀਤੇ ਸਨ। ਐਡਮ ਦੇ ਮਾਪੇ ਬਹੁਤ ਦੁਖੀ ਹਨ, ਕਿਉਂਕਿ ਉਸ ਦਾ ਆਉਣ ਵਾਲੀ 12 ਅਪ੍ਰੈਲ ਨੂੰ 17ਵਾਂ ਜਨਮ ਦਿਨ ਸੀ। ਉਹ ਸਭ ਤੋਂ ਨੌਜਵਾਨ ਖਿਡਾਰੀ ਸੀ।