ਰੱਖਿਆ ਵਿਭਾਗ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਡੀਓਡੀ ਇਸ ਵੀਡੀਓ ਨੂੰ ਲੋਕਾਂ ਦਾ ਇਹ ਵਹਿਮ ਸਾਫ ਕਰਨ ਲਈ ਜਾਰੀ ਕਰ ਰਿਹਾ ਹੈ ਕਿ ਜੋ ਫੁਟੇਜ਼ ਸਰਕੂਲੇਟ ਹੋ ਰਿਹਾ ਹੈ ਉਹ ਸੱਚ ਹੈ ਜਾਂ ਨਹੀਂ ਅਤੇ ਕੀ ਜਿਹੇ ਹੋਰ ਵੀਡੀਓਜ਼ ਹਨ ਜਾਂ ਨਹੀਂ। ਵੀਡੀਓ ਵਿੱਚ ਵੇਖੀ ਗਈ ਹਵਾਈ ਵਸਤੂ ਅਣਪਛਾਤੇ ਦੀ ਸ਼੍ਰੇਣੀ ਵਿੱਚ ਹੀ ਹੈ। ਬਿਆਨ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਇਕ ਡੂੰਘੀ ਪੜਤਾਲ ਤੋਂ ਬਾਅਦ, ਵਿਭਾਗ ਨੇ ਫ਼ੈਸਲਾ ਲਿਆ ਹੈ ਕਿ ਇਨ੍ਹਾਂ ਵਿਡੀਓਜ਼ ਨੂੰ ਅਧਿਕਾਰਤ ਜਾਰੀ ਕਰਨ ਨਾਲ ਕੋਈ ਸੰਵੇਦਨਸ਼ੀਲ ਜਾਣਕਾਰੀ ਜਾਂ ਸਿਸਟਮ ਬਾਹਰ ਨਹੀਂ ਆਵੇਗਾ ਅਤੇ ਅਣਜਾਣ ਹਵਾਈ ਵਸਤੂ ਦੇ ਸੈਨਿਕ ਹਵਾਈ ਇਲਾਕੇ ਵਿੱਚ ਦਾਖ਼ਲ ਹੋਣ ਦੀ ਜਾਂਚ ਵੀ ਪ੍ਰਭਾਵਤ ਨਹੀਂ ਹੋਵੇਗੀ।
ਇਨ੍ਹਾਂ ਤਿੰਨਾਂ ਵਿਡੀਓਜ਼ ਦੀ ਸੱਚਾਈ ਦੀ ਪੁਸ਼ਟੀ ਪੈਂਟਾਗਨ ਨੇ 2019 ਵਿੱਚ ਕੀਤੀ ਗਈ ਸੀ। 2004 ਵਿੱਚ ਸਿਖਲਾਈ ਦੌਰਾਨ ਪਾਇਲਟਾਂ ਨੇ ਇਸ 40 ਫੁੱਟ ਲੰਮੀ ਅਣਪਛਾਤੇ ਚੀਜ਼ ਨੂੰ ਵੇਖਿਆ ਜੋ ਪਾਣੀ ਤੋਂ 50 ਫੁੱਟ ਉੱਪਰ ਘੁੰਮ ਰਿਹਾ ਸੀ। ਇਸ ਤਰ੍ਹਾਂ 2015 ਵਿੱਚ ਵੀ ਦਿਖਿਆ। ਇਨ੍ਹਾਂ ਵਿੱਚੋਂ ਦੋ ਵੀਡੀਓ ਨੂੰ ਨਿਊਯਾਰਕ ਟਾਈਮਜ਼ ਨੇ 2017 ਵਿੱਚ ਪ੍ਰਕਾਸ਼ਤ ਕੀਤਾ ਸੀ। ਵੀਡੀਓ ਵਿੱਚ ਦਿਖ ਰਿਹਾ ਹੈ ਕਿ ਇੱਕ ਲੰਬਾਕਾਰ ਇੱਕ ਚੀਜ਼ ਅਸਮਾਨ ਵੱਲ ਵੱਧ ਰਹੀ ਹੈ। ਇੱਕ ਪਾਇਲਟ ਨੂੰ ਇਹ ਕਹਿੰਦੇ ਸੁਣਿਆ ਜਾਂਦਾ ਹੈ, ਉਸ ਨੂੰ ਦੇਖੋ, ਇਹ ਘੁੰਮ ਰਿਹਾ ਹੈ। ਇਕ ਹੋਰ ਵੀਡੀਓ ਸਾਲ 2018 ਵਿੱਚ ਇਕ ਨਿੱਜੀ ਵਿਗਿਆਨ ਸੰਸਥਾ ‘ਟੂ ਦਿ ਸਟਾਰ ਅਕੈਡਮੀ’ ਵੱਲੋਂ ਜਾਰੀ ਕੀਤੀ ਗਈ ਸੀ। ਸੰਗਠਨ ਦਾ ਕਹਿਣਾ ਹੈ ਕਿ ਉਹ ਅਣਜਾਣ ਹਵਾਈ ਚੀਜ਼ਾਂ ਦਾ ਅਧਿਐਨ ਕਰਦੇ ਹਨ।
