ਕਿਸੇ ਵੀ ਬਟਨ ਨੂੰ ਦੱਬਣ ‘ਤੇ ਪਰਚੀ ਭਾਜਪਾ ਦੀ ਹੀ ਨਿਕਲੀ: ‘ਆਪ’ ਅਤੇ ਕਾਂਗਰਸ ਪਹੁੰਚੀਆਂ ਚੋਣ ਕਮੀਸ਼ਨ ਕੋਲ

ਦਿੱਲੀ ‘ਚ ਸ਼ਨੀਵਾਰ ਨੂੰ ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਦੇ ਨੁਮਾਇੰਦਿਆਂ ਨੇ ਚੋਣ ਕਮੀਸ਼ਨ ਕੋਲ ਪਹੁੰਚ ਕੀਤੀ ਹੈ। ਅਸਲ ‘ਚ ਪੰਜ ਸੂਬਿਆਂ ਦੇ ਚੋਣ ਨਤੀਜੇ ਆਉਣ ਤੋਂ ਬਾਅਦ ਜਿਵੇਂ ਸਭ ਤੋਂ ਪਹਿਲਾਂ ਮਾਇਆਵਤੀ ਨੇ ਵੋਟਿੰਗ ਮਸ਼ੀਨ ‘ਚ ਗੜਬੜੀ ਦਾ ਮੁੱਦਾ ਚੁੱਕਿਆ ਸੀ। ਹੁਣ ਹੋਰ ਸਿਆਸੀ ਪਾਰਟੀਆਂ ਵੀ ਇਸ ਮੁੱਦੇ ਨੂੰ ਚੁੱਕ ਰਹੀਆਂ ਹਨ। ਅਸਲ ‘ਚ ਮੱਧ ਪ੍ਰਦੇਸ਼ ‘ਚ ਡੈਮੋ ਵੇਲੇ ੜੜਫਅਠ ਵਾਲੀ ਵੋਟਿੰਗ ਮਸ਼ੀਨ ‘ਚ ਦੋ ਬਟਨ ਦੱਬੇ ਗਏ ਅਤੇ ਨਿਕਲੀ ਇਕ ਹੀ ਪਾਰਟੀ ਦੇ ਚੋਣ ਨਿਸ਼ਾਨ ਵਾਲੀ ਪਰਚੀ। ਇਸੇ ਸ਼ਿਕਾਇਤ ਦੇ ਨਾਲ ‘ਆਪ’ ਅਤੇ ਕਾਂਗਰਸ ਨੇ ਚੋਣ ਕਮੀਸ਼ਨ ਕੋਲ ਪਹੁੰਚ ਕੀਤੀ ਹੈ।