ਉੱਤਰ ਪ੍ਰਦੇਸ਼ : ਸ਼ੈਲਟਰ ਹੋਮ ‘ਚੋਂ ਛੁਡਾਈਆਂ ਗਈਆਂ 24 ਕੁੜੀਆਂ, 18 ਗਾਇਬ

ਅਗਸਤ- ਉੱਤਰ ਪ੍ਰਦੇਸ਼ ਦੇ ਦੇਵਰਿਆ ਜ਼ਿਲ੍ਹੇ ‘ਚ ਬਿਹਾਰ ਦੇ ਮੁਜ਼ੱਫਰਪੁਰ ਵਰਗਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੋਂ ਦੇ ਇੱਕ ਸ਼ੈਲਟਰ ਹੋਮ ‘ਚ ਦੇਹ ਵਪਾਰ ਦਾ ਖੁਲਾਸਾ ਹੋਣ ਤੋਂ ਬਾਅਦ ਪੁਲਿਸ ਨੇ ਉੱਥੇ ਛਾਪੇਮਾਰੀ ਕਰਕੇ 24 ਲੜਕੀਆਂ ਨੂੰ ਮੁਕਤ ਕਰਾਇਆ। ਐਤਵਾਰ ਸ਼ਾਮ ਨੂੰ ਇਸ ਸ਼ੈਲਟਰ ਹੋਮ ਤੋਂ ਭੱਜੀ ਲੜਕੀ ਨੇ ਜਦੋਂ ਪੁਲਿਸ ਨੂੰ ਇਸ ਸੰਬੰਧੀ ਜਾਣਕਾਰੀ ਦਿੱਤੀ ਤਾਂ ਹੜਕੰਪ ਮਚ ਗਿਆ। ਪੁਲਿਸ ਨੇ ਰਾਤ ਨੂੰ ਹੀ ਜਦੋਂ ਸ਼ੈਲਟਰ ਹੋਮ ‘ਤੇ ਛਾਪੇਮਾਰੀ ਕੀਤੀ ਤਾਂ ਉੱਥੇ ਰਹਿ ਰਹੀਆਂ 42 ਕੁੜੀਆਂ ‘ਚੋਂ 18 ਗਾਇਬ ਮਿਲੀਆਂ। ਪੁਲਿਸ ਨੇ 24 ਕੁੜੀਆਂ ਨੂੰ ਮੁਕਤ ਕਰਾਉਂਦਿਆਂ ਇਸ ਸ਼ੈਲਟਰ ਹੋਮ ਨੂੰ ਚਲਾਉਣ ਵਾਲੀ ਔਰਤ ਸਮੇਤ ਤਿੰਨ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।