ਨਵੀਂ ਦਿੱਲੀ, ਏਜੰਸੀ : ਤਿਉਹਾਰਾਂ ਦਾ ਸੀਜ਼ਨ ਸ਼ੁਰੂ ਹੋਣ ਵਾਲਾ ਹੈ। ਇਸ ਸੀਜ਼ਨ ‘ਚ ਕਈ ਆਨਲਾਈਨ ਪਲੇਟਫਾਰਮਸ ‘ਤੇ ਸੇਲ ਤੇ ਡਿਸਕਾਊਂਟ ਆਫਰ ਸ਼ੁਰੂ ਹੋ ਜਾਣਗੇ। ਬਹੁਤ ਸਾਰੇ ਲੋਕ ਅਜਿਹੇ ਆਫਰ ਦੀ ਉਡੀਕ ਕਰ ਰਹੇ ਹਨ। ਮਾਰਕੀਟ ਰਿਸਰਚ ਫਰਮ ਰੈੱਡਸੀਅਰ ਸਟ੍ਰੈਟਜੀ ਕੰਸਲਟੈਂਟਸ ਨੇ ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਆਨਲਾਈਨ ਵਿਕਰੀ ਨੂੰ ਲੈ ਕੇ ਇੱਕ ਰਿਪੋਰਟ ਜਾਰੀ ਕੀਤੀ ਹੈ।
ਰੈੱਡਸੀਅਰ ਸਟ੍ਰੈਟਜੀ ਕੰਸਲਟੈਂਟਸ ਦੀ ਰਿਪੋਰਟ ਮੁਤਾਬਕ ਤਿਉਹਾਰਾਂ ਦੇ ਸੀਜ਼ਨ ‘ਚ ਹਰ ਸਾਲ ਆਨਲਾਈਨ ਵਿਕਰੀ ‘ਚ 18 ਤੋਂ 20 ਫੀਸਦੀ ਦਾ ਵਾਧਾ ਦੇਖਿਆ ਜਾਂਦਾ ਹੈ। ਅਜਿਹੇ ‘ਚ ਇਸ ਸਾਲ ਆਨਲਾਈਨ ਵਿਕਰੀ 90,000 ਕਰੋੜ ਰੁਪਏ ਤਕ ਪਹੁੰਚਣ ਦੀ ਉਮੀਦ ਹੈ। ਫਰਮ ਦਾ ਮੰਨਣਾ ਹੈ ਕਿ ਤਿਉਹਾਰੀ ਸੀਜ਼ਨ ਕਾਰੋਬਾਰੀ ਨਜ਼ਰੀਏ ਤੋਂ ਬਹੁਤ ਵਧੀਆ ਹੈ। ਬਾਕੀ ਮਹੀਨਿਆਂ ਦੇ ਮੁਕਾਬਲੇ ਇਸ ਸੀਜ਼ਨ ਵਿੱਚ ਕਾਫੀ ਕਮਾਈ ਹੁੰਦੀ ਹੈ।
RedSeer ਨੇ ਕਿਹਾ ਕਿ ਸਾਡਾ ਅੰਦਾਜ਼ਾ ਹੈ ਕਿ ਪੂਰੇ ਤਿਉਹਾਰੀ ਸੀਜ਼ਨ 2023 ‘ਚ ਭਾਰਤ ਦੀ ਈ-ਟੇਲਿੰਗ ਲਈ GMV ਲਗਪਗ 90,000 ਕਰੋੜ ਰੁਪਏ ਹੋਵੇਗੀ। ਇਹ ਪਿਛਲੇ ਸਾਲ ਦੇ ਤਿਉਹਾਰੀ ਸੀਜ਼ਨ ਨਾਲੋਂ 18-20 ਫੀਸਦੀ ਜ਼ਿਆਦਾ ਹੋਵੇਗੀ। ਇਸ ਸੀਜ਼ਨ ‘ਚ ਲਗਪਗ 14 ਕਰੋੜ ਆਨਲਾਈਨ ਖਰੀਦਦਾਰਾਂ ਵੱਲੋਂ ਸੰਚਾਲਿਤ ਕੀਤਾ ਜਾਵੇਗਾ ਜੋ ਇਸ ਤਿਉਹਾਰੀ ਮਹੀਨੇ ਦੌਰਾਨ ਘੱਟੋ ਘੱਟ ਇਕ ਵਾਰ ਆਨਲਾਈਨ ਲੈਣ-ਦੇਣ ਕਰਨ ਦੀ ਉਮੀਦ ਕਰਦੇ ਹਨ।
ਇਸ ਤੋਂ ਇਲਾਵਾ ਫਰਮ ਦਾ ਕਹਿਣਾ ਹੈ ਕਿ ਇਸ ਸਾਲ ਤਿਉਹਾਰੀ ਸੀਜ਼ਨ ‘ਚ ਵਿਕਰੀ ਤੇ ਖਪਤ ਦੀ ਮੰਗ ਵਧੇਗੀ। ਅਜਿਹਾ ਇਸ ਲਈ ਕਿਉਂਕਿ ਦੇਸ਼ ਦੀ ਅਰਥਵਿਵਸਥਾ ਪਿਛਲੇ ਤਿੰਨ ਸਾਲਾਂ ਤੋਂ ਉਥਲ-ਪੁਥਲ ਤੋਂ ਉੱਭਰ ਰਹੀ ਹੈ।
ਈ-ਕਾਮਰਸ ਵਿਕਰੀ ‘ਚ ਵਾਧਾ
ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਈ-ਕਾਮਰਸ ਵਿਕਰੀ ਦੇ ਮੁੱਖ ਚਾਲਕ ਆਨਲਾਈਨ ਖਰੀਦਦਾਰਾਂ ਦੀ ਗਿਣਤੀ ‘ਚ ਵਾਧੇ ਤੇ ਤਿੰਨ ਸਾਲਾਂ ਦੀ “ਚੁਣੌਤੀਪੂਰਨ” ਮਿਆਦ ਤੋਂ ਬਾਅਦ ਅਰਥਚਾਰੇ ਦਾ ਪਟੜੀ ‘ਤੇ ਵਾਪਸੀ ਹੈ। । ਫਰਮ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਸਾਲ 2023 ਭਾਰਤੀ ਈ-ਕਾਮਰਸ ਤਿਉਹਾਰੀ ਸੀਜ਼ਨ ਦੀ ਵਿਕਰੀ ਦਾ 10ਵਾਂ ਸਾਲ ਹੈ। ਭਾਰਤੀ ਈ-ਕਾਮਰਸ GMV ਸਾਲਾਨਾ ਲੈਣ-ਦੇਣ ਉਪਭੋਗਤਾ ਅਧਾਰ ‘ਚ ਲਗਪਗ 15 ਗੁਣਾ ਵਾਧੇ ਦੇ ਨਾਲ ਲਗਪਗ 20 ਗੁਣਾ ਵਧ ਗਿਆ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2014 ‘ਚ ਈ-ਕਾਮਰਸ ਇੰਡਸਟਰੀ ਨੇ ਪੂਰੇ ਸਾਲ ‘ਚ 27,000 ਕਰੋੜ ਰੁਪਏ ਦੀ GMV (ਗਰੋਸ ਮਰਚੈਂਡਾਈਜ਼ ਵੈਲਿਊ) ਹਾਸਲ ਕੀਤੀ ਸੀ। ਇਸ ਦੇ ਨਾਲ ਹੀ ਸਾਲ 2023 ‘ਚ ਇਹ ਲਗਪਗ 5.25 ਲੱਖ ਕਰੋੜ ਰੁਪਏ ਹੋਣ ਦੀ ਉਮੀਦ ਹੈ।
