ਅਮਰੀਕੀ ਖੁਫੀਆ ਏਜੰਸੀ ਆਪਣਾ ਹੀ ਹੈਕਿੰਗ ਟੂਲ ਨਹੀਂ ਬਚਾ ਪਾਈ, ਵੱਡੇ ਪੱਧਰੇ ‘ਤੇ ਡਾਟਾ ਚੋਰੀ

ਵਾਸ਼ਿੰਗਟਨ (ਰਾਇਟਰ) : ਹੈਕਿੰਗ ਦੇ ਅਤਿਆਧੁਨਿਕ ਤਰੀਕੇ ਅਤੇ ਸਾਈਬਰ ਹਥਿਆਰ ਵਿਕਸਤ ਕਰਨ ਵਾਲੀ ਅਮਰੀਕਾ ਦੀ ਖੁਫੀਆ ਏਜੰਸੀ ਸੀ.ਆਈ.ਏ. ਆਪਣੇ ਹੀ ਸੀਕ੍ਰੇਟ ਹੈਕਿੰਗ ਟੂਲ ਨੂੰ ਨਹੀਂ ਬਚਾ ਪਈ ਜਿਸ ਨਾਲ ਉਸ ਦੀ ਸਾਖ ਨੂੰ ਦਾਗ ਲੱਗ ਗਿਆ ਹੈ। ਇਹ ਨਹੀਂ ਵੱਡੇ ਪੱਧਰ ‘ਤੇ ਉਸ ਦਾ ਡਾਟਾ ਵੀ ਚੋਰੀ ਹੋ ਗਿਆ ਜਿਸ ਦਾ ਉਸ ਨੂੰ ਪਤਾ ਤੱਕ ਨਹੀਂ ਚੱਲਿਆ। ਇਸ ਨੂੰ ਖੁਫੀਆ ਏਜੰਸੀ ਦੀ ਇਤਿਹਾਸਕ ਡਾਟਾ ਚੋਰੀ ਕਰਨ ਦੀ ਘਟਨਾ ਕਰਾਰ ਦਿੱਤਾ ਗਿਆ ਹੈ। ਇਸ ਮਾਮਲੇ ਤੋਂ ਬਾਅਦ ਤਿਆਰ ਕੀਤੀ ਗਈ ਅੰਦਰੂਨੀ ਰਿਪੋਰਟ ‘ਚ ਇਹ ਜਾਣਕਾਰੀ ਦਿੱਤੀ ਗਈ ਹੈ।