ਵਾਸ਼ਿੰਗਟਨ,: ਅਮਰੀਕਾ ਦੇ ਇਕ ਸਿਹਤ ਅਧਿਕਾਰ ਸਮੂਹ ਨੇ ਭਾਰਤੀ ਸੁਰੱਖਿਆ ਦਸਤਿਆਂ ‘ਤੇ ਕਸ਼ਮੀਰ ‘ਚ ਸੰਘਰਸ਼ ਦੌਰਾਨ ਪ੍ਰਦਰਸ਼ਨਕਾਰੀਆਂ ‘ਤੇ ਪੇਲੇਟ ਗਨ ਵਰਗੇ ਹਥਿਆਰਾਂ ਰਾਹੀਂ ਬੇਹਿਸਾਬ ਬਲ ਦੀ ਵਰਤੋਂ ਦਾ ਕਰਨ ਦਾ ਦੋਸ ਲਗਾਇਆ ਹੈ ਅਤੇ ਕਿਹਾ ਕਿ ਇਨ੍ਹਾਂ ਹਥਿਆਰਾਂ ਦੀ ਵਰਤੋਂ ਨਾਲ ਕਈ ਲੋਕ ਜ਼ਖ਼ਮੀ ਹੋਏ ਹਨ।ਫਿਜ਼ੀਸ਼ਯੰਸ ਫ਼ਾਰ ਹਿਊਮਨ ਰਾਈਟਸ (ਪੀਐਚਆਰ) ਨੇ ਅਪਣੀ ਰਿਪੋਰਟ ‘ਚ ਕਿਹਾ ਕਿ ਭਾਰਤੀ ਪੁਲੀਸ ਅਤੇ ਕੇਂਦਰੀ ਰਿਜ਼ਰਵ ਪੁਲੀਸ ਫ਼ੋਰਸ ਨੇ ਪ੍ਰਦਰਸ਼ਨਕਾਰੀਆਂ ਵਿਰੁਧ ਬੇਹਿਸਾਬ ਬਲ ਦੀ ਵਰਤੋਂ ਕਰਨ ਲਈ ਜਿਨ੍ਹਾਂ ਹਥਿਆਰਾਂ ਦੀ ਵਰਤੋਂ ਕੀਤੀ, ਉਨ੍ਹਾਂ ਬਾਰੇ ਇਹ ਕਹਿ ਕੇ ਗੁੰਮਰਾਹ ਕੀਤਾ ਗਿਆ ਹੈ ਕਿ ਉਹ ਘੱਟ ਘਾਤਕ ਹਨ। ਪੀਐਚਆਰ ਨੇ ਕੱਲ੍ਹ ਇਕ ਰਿਪੋਰਟ ‘ਚ ਕਿਹਾ ਕਿ ਇਨ੍ਹਾਂ ਹਥਿਆਰਾਂ ‘ਚ ਅੱਥਰੂ ਗੈਸ ਗ੍ਰਨੇਡ, ਮਿਰਚੀ ਗੈਸ ਦੇ ਗੋਲੇ, ਜਿੰਦਾ ਕਾਰਤੂਸ ਅਤੇ ਧਾਤੂ ਦੀਆਂ ਗੋਲੀਆਂ ਨਾਲ ਭਰੀ 12 ਗੇਜ ਦੀ ਸ਼ਾਟਗੰਨ ਸ਼ਾਮਲ ਹੈ।ਇਕ ਪ੍ਰੈਸ ਨੋਟ ‘ਚ ਕਿਹਾ ਗਿਆ ਕਿ ਭਾਰਤੀ ਅਧਿਕਾਰੀਆਂ ਦਾ ਦਾਅਵਾ ਹੈ ਕਿ ਇਨ੍ਹਾਂ ਹਥਿਆਰਾਂ ਨੂੰ ਇਸ ਲਈ ਵਰਤਿਆ ਗਿਆ ਤਾਂ ਕਿ ਲੋਕਾਂ ਦੇ ਜ਼ਖ਼ਮੀ ਹੋਣ ਦੀ ਸੰਭਾਵਨਾ ਘਟਾਈ ਜਾ ਸਕੇ, ਪਰ ਪੀਐੱਚਆਰ ਦੇ ਖ਼ੋਜਕਰਤਾਵਾਂ ਨੇ ਪਾਇਆ ਕਿ ਇਨ੍ਹਾਂ ਦੀ ਵਰਤੋਂ ਨਾਲ ਲੋਕਾਂ ਦੀ ਅਸਲ ‘ਚ ਮੌਤ ਹੋਈ ਹੈ ਅਤੇ ਉਹ ਜ਼ਖ਼ਮੀ ਹੋਏ ਹਨ।