ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਦੀ ਫੈਨ ਫਾਲੋਇੰਗ ਦੇਸ਼ ‘ਚ ਹੀ ਨਹੀਂ ਸਗੋਂ ਵਿਦੇਸ਼ਾਂ ਵਿਚ ਵੀ ਦੇਖਣ ਨੂੰ ਮਿਲਦੀ ਹੈ। ਵਿਰਾਟ ਕੋਹਲੀ ਹਮੇਸ਼ਾ ਮੈਦਾਨ ਦੇ ਅੰਦਰ ਤੇ ਬਾਹਰ ਸੁਰਖੀਆਂ ਬਟੋਰਦੇ ਨਜ਼ਰ ਆਉਂਦੇ ਹਨ। ਪਿਤਾ ਦੇ ਦੇਹਾਂਤ ਤੋਂ ਬਾਅਦ ਕੋਹਲੀ ਦੀ ਦੇਖਭਾਲ ਉਸ ਦੀ ਭੈਣ ਨੇ ਕੀਤੀ ਤੇ ਉਸ ਨੂੰ ਪੂਰਾ ਸਮਰਥਨ ਦਿੱਤਾ। ਦੋਹਾਂ ਦਾ ਰਿਸ਼ਤਾ ਬਹੁਤ ਡੂੰਘਾ ਹੈ।
ਵਿਰਾਟ ਤੇ ਉਨ੍ਹਾਂ ਦੀ ਭੈਣ ਭਾਵਨਾ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਹਾਲ ਹੀ ‘ਚ ਕਿੰਗ ਕੋਹਲੀ ਤੇ ਉਨ੍ਹਾਂ ਦੀ ਭੈਣ ਨਾਲ ਜੁੜੀ ਇਕ ਬਚਪਨ ਦੀ ਘਟਨਾ ਵੀ ਵਾਇਰਲ ਹੋ ਰਹੀ ਹੈ, ਜਿਸ ‘ਚ ਕੋਹਲੀ ਨੇ ਖੁਦ ਦੱਸਿਆ ਹੈ ਕਿ ਕਿਵੇਂ ਉਨ੍ਹਾਂ ਦੀ ਭੈਣ ਨੇ ਛੋਟੀ ਜਿਹੀ ਗੱਲ ‘ਤੇ ਉਸ ਨੂੰ ਬਹੁਤ ਕੁੱਟਿਆ ਸੀ।
ਇਸ ਆਦਤ ਕਾਰਨ ਵਿਰਾਟ ਨੂੰ ਪਈ ਸੀ ਕੁੱਟ
ਅਸਲ ‘ਚ ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਨੇ ਇਕ ਇੰਟਰਵਿਊ ‘ਚ ਦੱਸਿਆ ਕਿ ਬਚਪਨ ‘ਚ ਉਨ੍ਹਾਂ ਦੀ ਵੱਡੀ ਭੈਣ ਨੂੰ ‘ਤੂੰ’ ਕਹਿਣ ਦੀ ਆਦਤ ਕਾਫੀ ਵਧ ਗਈ ਸੀ, ਜਿਸ ਕਾਰਨ ਉਸ ਨੂੰ ਭੈਣ ਨੇ ਬਹੁਤ ਕੁੱਟਿਆ ਸੀ। ਕੋਹਲੀ ਨੇ ਕਿਹਾ ਕਿ ਮੇਰੀ ਭੈਣ ਨੇ ਮੈਨੂੰ ਬਹੁਤ ਮਾਰਿਆ, ਬਹੁਤ ਮਾਰਿਆ। ਪਤਾ ਨਹੀਂ ਇਕ ਦਿਨ ਇੰਨਾ ਗੁੱਸਾ ਕਿਉਂ ਆਇਆ, ਫਿਰ ਦੀਦੀ ਨੇ ਮੈਨੂੰ ਇਸ ਤਰ੍ਹਾਂ ਮਾਰਿਆ ਕਿ ਮੇਰੇ ਮੂੰਹੋਂ ‘ਤੂੰ’ ਸ਼ਬਦ ਨਿਕਲਣਾ ਬੰਦ ਹੋ ਗਿਆ। ਫਿਰ ਪੁੱਛਣ ਲੱਗਿਆ ਕਿ ਤੁਸੀਂ ਕਿਵੇਂ ਹੋ, ਤੁਸੀਂ ਕੀ ਕਰ ਰਹੇ ਹੋ?
ਇਸ ਦੇ ਨਾਲ ਹੀ ਵਿਰਾਟ ਕੋਹਲੀ ਨੇ ਇਕ ਹੋਰ ਅਣਸੁਣਿਆ ਕਿੱਸਾ ਸਾਂਝਾ ਕਰਦਿਆਂ ਕਿਹਾ ਕਿ ਜਦੋਂ ਮੈਂ ਵਿਆਹਾਂ ‘ਚ ਜਾਂਦਾ ਸੀ ਤਾਂ ਲੋਕ ਨੋਟ ਉਡਾ ਕੇ ਨੱਚਦੇ ਦੇਖਦਾ ਸੀ। ਬੜਾ ਮਜ਼ਾ ਆ ਰਿਹਾ ਹੈ ਲੋਕਾਂ ਨੂੰ। ਘਰ ਕੋਈ ਆਇਆ ਹੋਇਆ ਸੀ। ਮੈਨੂੰ ਕੋਈ ਸਮਾਨ ਲਿਆਉਣ ਲਈ 50 ਰੁਪਏ ਦਿੱਤੇ, ਪਤਾ ਨਹੀਂ ਦਿਮਾਗ਼ ਕੀ ਕੀੜਾ ਚੜ੍ਹਿਆ, ਮੈਂ 50 ਰੁਪਏ ਦੇ ਛੋਟੇ-ਛੋਟੇ ਟੁਕੜੇ ਕੀਤੇ ਤੇ ਉਡਾ ਕੇ ਨੱਚਣਾ ਸ਼ੁਰੂ ਕਰ ਦਿੱਤਾ। ਮੈਂ ਸਮਾਨ ਨਹੀਂ ਲੈ ਕੇ ਆਇਆ।
ਜ਼ਿਕਰਯੋਗ ਹੈ ਕਿ ਕਿੰਗ ਕੋਹਲੀ ਦੀ ਇਹ ਵੀਡੀਓ ਕਾਫੀ ਪੁਰਾਣੀ ਹੈ, ਜੋ ਸੋਸ਼ਲ ਮੀਡੀਆ ‘ਤੇ ਫਿਰ ਤੋਂ ਵਾਇਰਲ ਹੋ ਰਹੀ ਹੈ।
