ਭਾਰਤੀ ਰੁਪਇਆ ਮੌਤ ਦੇ ਆਖਰੀ ਪਲਾਂ ‘ਤੇ ਗਿਰਾਵਟ ਰੋਕਣ ਲਈ ਕੀ ਹੈ ਪਲਾਨ

ਮੁੰਬਈ:_ਕੇਂਦਰ ਅਤੇ ਮਹਾਰਾਸ਼ਟਰ ਸਰਕਾਰ ‘ਚ ਭਾਜਪਾ ਦੀ ਸਹਿਯੋਗੀ ਸ਼ਿਵ ਸੈਨਾ ਨੇ ਇੱਕ ਵਾਰ ਫਿਰ ਮੋਦੀ ਸਰਕਾਰ ‘ਤੇ ਨਿਸ਼ਾਨਾ ਲਾਇਆ ਹੈ। ਡਾਲਰ ਦੇ ਮੁਕਾਬਲੇ ਰੁਪਏ ‘ਚ ਆਈ ਗਿਰਾਵਟ ਨੂੰ ਲੈ ਕੇ ਸ਼ਿਵ ਸੈਨਾ ਨੇ ਆਪਣੇ ਮੁੱਖ ਪੱਤਰ ‘ਸਾਮਨਾ’ ਦੇ ਸੰਪਾਦਕੀ ‘ਚ ਚਿੰਤਾ ਪ੍ਰਗਟ ਕੀਤੀ ਹੈ। ਨਾਲ ਹੀ ਇਸ ਲਈ ਕੇਂਦਰ ਦੀ ਮੌਜੂਦਾ ਸਰਕਾਰ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ‘ਸਾਮਨਾ’ ਦੇ ਸੰਪਾਦਕੀ ‘ਚ ਲਿਖਿਆ ਹੈ, ‘ਡਾਲਰ ਦੀ ਤੁਲਨਾ ‘ਚ ਸਾਡਾ ਰੁਪਇਆ ਬਹੁਤ ਹੀ ਚਿੰਤਾਜਨਕ ਸਥਿਤੀ ‘ਚ ਪਹੁੰਚ ਗਿਆ ਹੈ। ਦੇਸ਼ ਦੇ ਚਲਨ ਦਾ ਮੂਲ ਜਦ ਡਿੱਗਦਾ ਹੈ ਤਾਂ ਦੇਸ਼ ਦੀ ਇੱਜ਼ਤ ਵੀ ਉਸ ਗਤੀ ਨਾਲ ਡਿੱਗਦੀ ਹੈ। ਇਸ ਤਰ੍ਹਾਂ ਦਾ ਦਾਅਵਾ ਭਾਜਪਾ ਨੇਤਾ ਕਾਂਗਰਸ ਦੇ ਰਾਜ ‘ਚ ਕਰਦੇ ਸਨ। ਇਸ ‘ਚ ਅੱਜ ਰੁਪਇਆ ਡਿੱਗਦੇ-ਡਿੱਗਦੇ ਜਦ 100 ਵੱਲ ਨੂੰ ਜਾ ਰਿਹਾ ਹੈ ਤਾਂ ਦੇਸ਼ ਦੀ ਪ੍ਰਤੀਸ਼ਠਾ ਵਧ ਰਹੀ ਹੈ, ਕੀ ਇਸ ਤਰ੍ਹਾਂ ਸਮਝੀਏ?’
ਸ਼ਿਵ ਸੈਨਾ ਦੇ ਸੰਪਾਦਕੀ ‘ਚ ਕਿਹਾ ਗਿਆ ਹੈ ਕਿ ਰੁਪਇਆ ਮੌਤ ਦੇ ਆਖਰੀ ਪਲਾਂ ‘ਤੇ ਪਿਆ ਹੈ, ਫਿਰ ਵੀ ਹਿੰਦੁਸਤਾਨ ਦੀ ਅਰਥਵਿਵਸਥਾ ਦੁਨੀਆ ਦੇ ਛੇਵੇਂ ਨੰਬਰ ਜਿੰਨੀ ਮਜ਼ਬੂਤ ਹੈ। ਇਸ ਤਰ੍ਹਾਂ ਦਾਅਵਾ ਕਰਨਾ ਹਾਸੋਹੀਣੀ ਗੱਲ ਹੈ। ਨਾਲ ਹੀ ਸਵਾਲ ਚੁੱਕੇ ਹਨ ਕਿ ਰੁਪਏ ਦੀ ਗਿਰਾਵਟ ਨੂੰ ਰੋਕਣ ਲਈ ਸਰਕਾਰ ਨੇ ਕੀ ਕੀਤਾ ਹੈ? ਕਿਸ ਤਰ੍ਹਾਂ ਦੇ ਕਦਮ ਚੁੱਕੇ ਗਏ ਹਨ? ਇਸ ਮਾਮਲੇ ‘ਚ ਵੀ ਕੁਝ ਨਹੀਂ ਹੋਇਆ। ਉਹ ਵੀ ਸਿਰਫ਼ ਡਿੱਗਦੇ ਹੋਏ ਰੁਪਏ ਦੇ ਮੁੱਲ ਨੂੰ ਵਧਾਉਣ ਲਈ ਹੀ ਰੁਪਇਆ ਕਿਉਂ ਡਿੱਗਿਆ, ਅਰਥਵਿਵਸਥਾ ਕਿਉਂ ਡੁੱਬੀ? ਇਸ ਦੇ ਪਿੱਛੇ ਇਹੀ ਕਾਰਨ ਹੋਵੇਗਾ ਤਾਂ ਦੇਸ਼ ਵੀ ਡੁੱਬ ਰਿਹਾ ਹੈ, ਇਸ ਨੂੰ ਸਵੀਕਾਰ ਕਰਨਾ ਹੋਵੇਗਾ।