ਪਾਇਲ ‘ਚ ਵਿਕਦੇ ਨਸ਼ਿਆਂ ਲਈ ਹੁਣ ਜ਼ਿੰਮੇਵਾਰ ਕੌਣ : ਗਿੱਲ ਬੇਰਕਲਾਂ

ਸੰਤੋਸ਼ ਕੁਮਾਰ ਸਿੰਗਲਾ, ਮਲੌਦ : ਬਲਾਕ ਕਾਂਗਰਸ ਮਲੌਦ ਦੇ ਪ੍ਰਧਾਨ ਤੇ ਬਲਾਕ ਸੰਮਤੀ ਮੈਂਬਰ ਗੁਰਮੇਲ ਸਿੰਘ ਗਿੱਲ ਬੇਰਕਲਾਂ ਨੇ ਪਾਇਲ ਹਲਕੇ ਦੇ ਵਿਧਾਇਕ ਮਨਵਿੰਦਰ ਸਿੰਘ ਗਿਆਸਪੁਰਾ ਨੂੰ ਸਵਾਲ ਕੀਤਾ ਕਿ ਉਹ ਪਹਿਲਾਂ ਅਕਸਰ ਕਾਂਗਰਸ ਪਾਰਟੀ ਤੇ ਅਕਾਲੀ ਦਲ ‘ਤੇ ਦੋਸ਼ ਲਾਉਦੇ ਸਨ ਕਿ ਉਨਾਂ੍ਹ ਦੀ ਸਰਕਾਰਾਂ ਸਮੇਂ ਹਲਕਾ ਵਿਧਾਇਕ ਤੇ ਆਗੂਆਂ ਦੀ ਸਰਪ੍ਰਸਤੀ ਹੇਠ ਹਲਕਾ ਪਾਇਲ ਦੇ ਪਿੰਡਾ ਤੇ ਸ਼ਹਿਰਾਂ ‘ਚ ਨਸ਼ਾ ਵਿਕ ਰਿਹਾ ਸੀ ਪਰ ਵਿਧਾਇਕ ਗਿਆਸਪੁਰਾ ਹੁਣ ਹਲਕੇ ਦੇ ਲੋਕਾਂ ਨੂੰ ਦੱਸਣ ਕਿ ਹੁਣ ਤਾਂ ਉਨਾਂ੍ਹ ਦੀ ਸਰਕਾਰ ਹੈ। ਰੋਜ਼ਾਨਾ ਨੌਜਵਾਨ ਚਿੱਟੇ ਦੇ ਨਸ਼ੇ ਕਾਰਨ ਮਰ ਰਹੇ ਹਨ ਤਾਂ ਹੁਣ ਜ਼ਿੰਮੇਵਾਰ ਕੌਣ ਹੈ। ਉਨਾਂ੍ਹ ਕਿਹਾ ਕਿ ਹਲਕੇ ‘ਚ ਚਿੱਟੇ ਦਾ ਮਾਰੂ ਨਸ਼ਾ ਸ਼ਰੇਆਮ ਵਿਕ ਰਿਹਾ ਹੈ, ਜਿਸ ਕਾਰਨ ਹੀ ਲੁੱਟ ਖੋਹ ਦੀਆਂ ਵਾਰਦਾਤਾਂ ਵੀ ਵੱਧ ਗਈਆਂ ਹਨ ਪਰ ਵਿਧਾਇਕ ਮੂਕ ਦਰਸ਼ਕ ਬਣੇ ਬੈਠੇ ਹਨ। ਪ੍ਰਧਾਨ ਗਿੱਲ ਬੇਰਕਲਾਂ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਨੇ ਪੂਰੇ ਪੰਜਾਬ ‘ਚ ਫਲੈਕਸੀ ਬੋਰਡ ਲਾਕੇ ਪੰਜਾਬ ਨੂੰ ਭਿ੍ਸ਼ਟਾਚਾਰ ਮੁਕਤ ਤੇ ਨਸ਼ਾ ਮੁਕਤ ਸੂਬਾ ਐਲਾਨਿਆ ਹੈ ਜਦਕਿ ਆਮ ਆਦਮੀ ਪਾਰਟੀ ਝੂਠ ਦੀ ਰਾਜਨੀਤੀ ਕਰ ਰਹੀ ਹੈ।