ਨੋਰਾ ਫ਼ਤੇਹੀ ਵੀ ਡੀਪਫੇਕ ਵੀਡੀਓ ਦੀ ਹੋਈ ਸ਼ਿਕਾਰ, ਫੈਸ਼ਨ ਬ੍ਰਾਂਡ ਦਾ ਪ੍ਰਚਾਰ ਕਰਦਿਆਂ ਦਿਖਾਇਆ ਦਿੱਤੀ

ਮੁੰਬਈ (ਏਜੰਸੀ) : ਅਦਾਕਾਰਾ ਨੋਰਾ ਫ਼ਤੇਹੀ ਦੀ ਵੀ ਹਾਲ ਹੀ ’ਚ ਇੰਟਰਨੈੱਟ ’ਤੇ ਡੀਪਫੇਕ ਵੀਡੀਓ ਸਾਹਮਣੇ ਆਈ ਹੈ। ਅਦਾਕਾਰਾ ਨੇ ਇੰਸਟਾਗ੍ਰਾਮ ਸਟੋਰੀ ’ਤੇ ਇਸ ਡੀਪਫੇਕ ਵੀਡੀਓ ਬਾਰੇ ਚਿੰਤਾ ਪ੍ਰਗਟਾਈ। ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਕਿ ਵੀਡੀਓ ’ਚ ਦਿਖਾਈ ਦੇ ਰਹੀ ਔਰਤ ਉਹ ਨਹੀਂ ਹੈ। ਨੋਰਾ ਨੇ ਇਕ ਕੱਪੜੇ ਦੇ ਬ੍ਰਾਂਡ ਦੀ ਵੀਡੀਓ ਸਾਂਝੀ ਕੀਤੀ ਤੇ ਦੱਸਿਆ ਕਿ ਵੀਡੀਓ ’ਚ ਦਿਸ ਰਹੀ ਔਰਤ ਉਹ ਨਹੀਂ ਹੈ। ਵੀਡੀਓ ’ਚ ਉਨ੍ਹਾਂ ਦੀ ਹਮਸ਼ਕਲ ਨੂੰ ਇਕ ਫੈਸ਼ਨ ਬ੍ਰਾਂਡ ਦਾ ਪ੍ਰਚਾਰ ਕਰਦਿਆਂ ਦਿਖਾਇਆ ਗਿਆ ਹੈ। ਅਦਾਕਾਰਾ ਨੇ ਲਿਖਿਆ- ਹੈਰਾਨ ਹਾਂ, ਇਹ ਮੈਂ ਨਹੀਂ ਹਾਂ। ਬ੍ਰਾਂਡ ਨੇ ਹਾਲੇ ਤੱਕ ਉਨ੍ਹਾਂ ਦੇ ਦਾਅਵਿਆਂ ਦਾ ਜਵਾਬ ਨਹੀਂ ਦਿੱਤਾ।