ਓਟਾਵਾ ਦੀ 15 ਸਾਲਾ ਲੜਕੀ ਲਾਪਤਾ, ਪੁਲਸ ਕਰ ਰਹੀ ਭਾਲ

ਓਟਾਵਾ— ਓਟਾਵਾ ਪੁਲਸ 15 ਸਾਲਾ ਇਕ ਗੁੰਮਸ਼ੁਦਾ ਲੜਕੀ ਦਾ ਪਤਾ ਲਾਉਣ ਲਈ ਲੋਕਾਂ ਦੀ ਮਦਦ ਮੰਗ ਰਹੀ ਹੈ। ਜੋਰਡਿਨ ਮੂਰ ਦੇ 27 ਜੁਲਾਈ ਨੂੰ ਲਾਪਤਾ ਹੋਣ ਦੀ ਖ਼ਬਰ ਮਿਲੀ ਸੀ। ਉਸ ਨੂੰ ਆਖਰੀ ਵਾਰ ਪੱਛਮੀ ‘ਚ ਦੇਖਿਆ ਗਿਆ ਸੀ। ਪੁਲਸ ਦਾ ਕਹਿਣਾ ਹੈ ਕਿ ਉਹ ਸੰਭਵ ਤੌਰ ‘ਤੇ ਸ਼ਹਿਰ ਦੇ ਖੇਤਰ ‘ਚ ਹੀ ਹੈ। ਇਕ ਖ਼ਬਰ ਜਾਰੀ ਕਰਦਿਆਂ ਪੁਲਸ ਨੇ ਕਿਹਾ ਕਿ ਮੂਰ ਦਾ ਪਰਿਵਾਰ ਉਸ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਹੈ। ਮੂਰ ਦਾ ਕੱਦ 5 ਫੁੱਟ 5 ਇੰਚ ਦੱਸਿਆ ਗਿਆ ਹੈ। ਉਸ ਦੇ ਖੱਬੇ ਹੱਥ ‘ਤੇ ਦਿਲ ਦਾ ਟੈਟੂ ਵੀ ਹੈ। ਪੁਲਸ ਨੇ ਬੇਨਤੀ ਕੀਤੀ ਹੈ ਕਿ ਜੇਕਰ ਕਿਸੇ ਨੂੰ ਵੀ ਉਸ ਦੀ ਸੂਚਨਾ ਹੈ ਤਾਂ ਉਹ ਓਟਾਵਾ ਪੁਲਸ ਨੂੰ 613-236-1222 ‘ਤੇ ਇਤਲਾਹ ਦੇ ਸਕਦਾ ਹੈ।