ਆਦੀਵਾਸੀਆਂ ਨੂੰ ਪ੍ਰਵਾਸੀ ਕਹਿਣ ਤੇ ਕੈਨੇਡਾ ਦੇ ਗਵਰਨਰ ਜਨਰਲ ਨੇ ਮੁਆਫ਼ੀ ਮੰਗੀ

ਟੋਰਾਂਟੋ, (ਸਤਪਾਲ ਸਿੰਘ ਜੌਹਲ)-ਕੈਨੇਡਾ ਸਰਕਾਰ ਦੇਸ਼ ਦੀ ਆਦੀਵਾਸੀ ਵਸੋਂ ਨਾਲ ਨੇੜਲੇ ਸਬੰਧ ਬਣਾਉਣ ਲਈ ਯਤਨਸ਼ੀਲ ਹੈ ਪਰ ਇਸੇ ਦੌਰਾਨ ਬੀਤੇ ਸਨਿਚਰਵਾਰ ਗਵਰਨਰ ਜਨਰਲ ਡੇਵਿਡ ਜੌਹਨਸਟਨ ਆਦੀਵਾਸੀਆਂ ਨੂੰ ਪ੍ਰਵਾਸੀ (ਇਮੀਗ੍ਰਾਂਟ) ਆਖ ਕੇ ਵਿਵਾਦਾਂ ਵਿੱਚ ਘਿਰ ਗਏ ਸਨ। ਜੌਹਨਸਟਨ ਨੇ ਇੱਕ ਰੇਡੀਓ ਇੰਟਰਵਿਊ ਦੌਰਾਨ ਹੋਈ ਇਸ ਕੁਤਾਹੀ ਲਈ ਮੁਆਫ਼ੀ ਮੰਗ ਲਈ ਹੈ ਅਤੇ ਦਰੁੱਸਤੀ ਕਰਦਿਆਂ ਕਿਹਾ ਕਿ ਆਦੀਵਾਸੀ ਇਸ ਦੇਸ਼ (ਕੈਨੇਡਾ) ਦੇ ਅਸਲ ਵਸਨੀਕ ਲੋਕ ਹਨ। ਉਨ੍ਹਾਂ ਆਖਿਆ ਕਿ ਕੈਨੇਡਾ ਵਿੱਚ ਸਾਰਿਆਂ ਦਾ ਬਰਾਬਰ ਸਤਿਕਾਰ ਹੈ ਅਤੇ ਹਰੇਕ ਨੂੰ ਬਰਾਬਰ ਦੇ ਮੌਕੇ ਪ੍ਰਦਾਨ ਕੀਤੇ ਜਾਂਦੇ ਹੈ। ਉਨ੍ਹਾਂ ਆਖਿਆ ਕਿ ਪ੍ਰਵਾਸੀਆਂ ਨੇ ਦੇਸ਼ ਨੂੰ ਅੱਗੇ ਵਧਣ ਵਿੱਚ ਵੱਡਾ ਯੋਗਦਾਨ ਪਾਇਆ ਹੈ ।