Ad-Time-For-Vacation.png

ਅਗਵਾ ਹੋਇਆ ਸ਼੍ਰੋਮਣੀ ਅਕਾਲੀ ਦਲ!

ਪਿਆਰੇ ਸੱਜਣੋ! ਅੱਜ ਤੋਂ 97 ਕੁ ਵਰੇ ਪਹਿਲਾਂ 14 ਦਸੰਬਰ 1920 ਨੂੰ ਸ਼੍ਰੋਮਣੀ ਅਕਾਲੀ ਦਲ ਦਾ ਜਨਮ ਹੋਇਆ ਸੀ । ੲਿਸ ਤੋਂ ਦੋ ਕੁ ਮਹੀਨੇ ਪਹਿਲਾਂ ਹੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਹੋਂਦ ਚ ਆਈ ਸੀ।
ਇਸ ਤੋਂ ਪੰਜਾਹ ਕੁ ਵਰੇ ਪਹਿਲਾਂ ਸਿੰਘ ਸਭਾ ਲਹਿਰ ਨੇ ਅਖਬਾਰਾਂ, ਰਸਾਲਿਆਂ, ਟਰੈਕਟਾਂ ਤੇ ਪੁਸਤਕਾਂ ਰਾਂਹੀ ਸਿੱਖ ਕੌਮ ਚ ਚੇਤਨਾ ਤੇ ਉਤਸਾਹ ਦੀ ਜਬਰਦਸਤ ਤਰੰਗ ਪੈਦਾ ਕਰ ਦਿੱਤੀ ਸੀ, ਜਿਸ ਨੇ ਬੌਧਿਕ ਖੇਤਰ ਚ ਵੀ ਵੱਡੇ ਵਿਦਵਾਨ ਪੈਦਾ ਕੀਤੇ ਸਨ। ਇਸ ਲਹਿਰ ਨੇ ਹੀ ਸਿੱਖਾਂ ਚ ਆਪਣੀ ਵੱਖਰੀ ਪਛਾਣ ਤੇ ਨਿਆਰੀ ਹਸਤੀ ਦਾ ਅਹਿਸਾਸ ਪੈਦਾ ਕੀਤਾ ਸੀ। ਇਸ ਦੇ ਨਾਲ ਹੀ ਇਸ ਲਹਿਰ ਨੇ ਕੌਮ ਦਾ ਧਿਆਨ ਦਰਬਾਰ ਸਾਹਬ ਸਮੇਤ ਉਹਨਾਂ ਗੁਰੂ ਘਰਾਂ ਵੱਲ ਦੁਆਇਆ ਸੀ ਜਿਨਾਂ ਤੇ ਬ੍ਰਾਹਮਣਵਾਦੀ ਮਹੰਤਾਂ ਨੇ ਕਬਜਾ ਕਰ ਰੱਖਿਆ ਸੀ ਤੇ ਗੁਰੂ ਘਰਾਂ ਨੂੰ ਵਿਭਚਾਰ ਦੇ ਅੱਡੇ ਬਣਾ ਦਿਤਾ ਸੀ।
ਅਕਾਲੀ ਦਲ ਤੇ ਗੁਰਦੁਆਰਾ ਕਮੇਟੀ ਨੇ ਲੰਬੇ ਸੰਘਰਸ਼ ਤੇ ਅਨੇਕਾਂ ਕਸਟ ਝੱਲਦਿਆਂ, ਆਪਾ ਵਾਰੂ ਕੁਰਬਾਨੀਆਂ ਕਰਦਿਆਂ ਜਿਥੇ ਆਪਣੇ ਗੁਰੂ ਘਰਾਂ ਨੂੰ ਮੁਕਤ ਕਰਵਾੲਿਆ ੳੁਥੇ ਸਿੱਖਾਂ ਦੀ ਸਿੱਕੇਬੰਦ ਪਛਾਣ ਵੀ ਕਾਇਮ ਕੀਤੀ।
1982 ਤੱਕ ਅਕਾਲੀ ਦਲ ਨੇ ਦਰਜਨਾਂ ਮੋਰਚੇ ਲਾਏ ਜਿਨਾਂ ਵਿਚ ਲੱਖਾਂ ਸਿੱਖਾਂ ਨੇ ਭਾਗ ਲਿਆ। ਸੈਂਕੜੇ ਸ਼ਹੀਦ ਹੋਏ, ਹਜ਼ਾਰਾਂ ਅਪਾਹਜ ਹੋਏ। ਹਜ਼ਾਰਾਂ ਦੀਆਂ ਜ਼ਮੀਨਾਂ ਕੁਰਕ ਹੋਈਆਂ, ਹਜ਼ਾਰਾਂ ਰਿਆਸਤਾਂ ਚੋ ਜਲਾ ਵਤਨ ਹੋਏ, ਘਰ ਘਾਟ ਕੁਰਕ ਹੋਏ। ਪਰ ਧੰਨ ਨੇ ਇਹ ਲੋਕ ਜਿਨਾਂ ਨੇ ਜਬਰ ਤੇ ਅਜ਼ਰ ਨੂੰ ਖਿੜੇ.ਮੱਥੇ ਜਰਿਆ।
ਪਰ ਪਿਛਲੇ ਦਸ ਪੰਦਰਾਂ ਸਾਲਾਂ ਤੋਂ ਇਸ ਸਿਰਮੌਰ ਸੰਸਥਾਂ ਤੇ ਬਾਦਲ ਪਰਵਾਰ ਦਾ ਕਬਜਾ ਹੋ ਗਿਆ ਹੈ। ਜਿਸ ਵਿਚ ਹੁਣ ਕੁਰਬਾਨੀ ਵਾਲੇ ਸਿੱਖਾਂ ਦੀ ਥਾਂ ਲੈਂਡ ਮਾਫੀਆ, ਸੈਂਡ ਮਾਫੀਆ, ਸ਼ਰਾਬ ਮਾਫੀਆ, ਕਬਾਬ ਮਾਫੀਆ, ਸਵਾਬ ਮਾਫੀਆ, ਹਰ ਬੇਜ਼ਮੀਰਾ, ਹਰ ਕਿਸਮ ਦਾ ਗੁੰਡਾ ਅਨਸਰ ਸ਼ਾਮਲ ਹੋ ਚੁੱਕਿਆ ਹੈ। ਕਿਸੇ ਸਮੇਂ ਨੀਲੀ ਪੱਗ ਸਨਮਾਨ ਤੇ ਕੁਰਬਾਨੀ ਦਾ ਚਿੰਨ ਸਮਝੀ ਜਾਂਦੀ ਸੀ ਪਰ ਅੱਜ ਇਹਨਾਂ ਨੇ ਬੇਜ਼ਮੀਰੇ ਠੱਗਾਂ ਦੀ ਨਿਸ਼ਾਨੀ ਬਣਾ ਦਿੱਤੀ ਹੈ।
ਸੱਜਣੋ। ਮੜੀਆਂ ਚ ਪਏ ੳੁਹਨਾਂ ਸਿੱਖਾਂ ਦੀਆਂ ਰੂਹਾਂ ਇਹ ਦੇਖ ਕੇ ਜਰੂਰ ਰੋਦੀਆਂ ਹੋਣਗੀਆਂ ਕਿ ਅਸੀਂ ਇਹਨਾਂ ਲੋਕਾਂ ਲਈ ਕੁਰਬਾਨੀਆਂ ਕੀਤੀਆਂ ਸੀ?
ਸਭ ਅੱਗੇ ਮੇਰੀ ਅਰਜ ਬੇਨਤੀ ਹੈ ਹੁਣ ਇਹਨਾਂ ਲੋਕਾਂ ਅੱਗੇ ਅਕਾਲੀ ਦਲ ਨਾ ਲਾਇਆ ਜਾਇਆ ਕਰੇ ਸਿਰਫ ਬਾਦਲ ਐਂਡ ਕੰਪਨੀ ਹੀ ਲਿਖਿਆ ਜਾਇਆ ਕਰੇ।-ਰਾਜਵਿੰਦਰ ਸਿੰਘ ਰਾਹੀ

 

Share:

Facebook
Twitter
Pinterest
LinkedIn
matrimonail-ads
On Key

Related Posts

ਜਨਮਾ ਪੁਰਬਾਂ ਦੇ ਝਗੜੇ ਕਿਉਂ?

ਬੈਂਕ ਅਕਾਉਂਟ ਖੁਲਾਉਂਣ ਗਿਆ। ਬੀਬੀ ਦਾ ਮੇਰੇ ਨਾਂ ਤੋਂ ਬਾਅਦ ਅਗਲਾ ਸਵਾਲ ਸੀ ਜਨਮ ਤਰੀਕ? ਮੈਂ ਕਿਹਾ ਪਿਛਲੇ ਸਾਲ 22 ਜੂਨ ਸੀ ਉਸ ਤੋਂ ਪਿਛਲੇ

ਮਾਣ ਨਾਲ ਕਹੋ ਅਸੀਂ ਹਿੰਦੂ ਹਾਂ, ਸਾਨੂੰ ਕੋਈ ਫ਼ਿਕਰ ਨਹੀਂ (ਰਾਜੇਸ਼ ਪ੍ਰਿਅਦਰਸ਼ੀ:ਡਿਜੀਟਲ ਐਡੀਟਰ, ਬੀਬੀਸੀ ਹਿੰਦੀ)

ਸਰਕਾਰ ਲਗਾਤਾਰ ਕਹਿ ਰਹੀ ਹੈ ਕਿ ਜਨਤਾ ਦੇਸ ‘ਤੇ ਮਾਣ ਕਰੇ, ਉਮੀਦ ਹੈ ਕਿ ਇਸੇ ਫਾਰਮੂਲੇ ਤੋਂ ਲੋਕ ਦੇਸ ਚਲਾਉਣ ਵਾਲਿਆਂ ‘ਤੇ ਵੀ ਮਾਣ ਕਰਨ

ਅੰਗਰੇਜ਼ਾਂ ਨਾਲ ਮਿਲ ਕੇ ਲੜੀ ਗਈ ਬ੍ਰਾਹਮਣਵਾਦੀ ਸਿਸਟਮ ਵਿਰੋਧੀ ਜੰਗ ਦਾ ਦਲਿਤਾਂ ਦਾ ਸਾਲਾਨਾ ਜ਼ਸਨ ਰਾਜੇਸ਼ ਜੋਸ਼ੀ, ਬੀਬੀਸੀ

ਜਿਸ ਈਸਟ ਇੰਡੀਆ ਕੰਪਨੀ ਦੇ ਰਾਜ ਨੂੰ ਖ਼ਤਮ ਕਰਨ ਲਈ 1857 ਵਿੱਚ ਲਗਭਗ ਪੂਰੇ ਹਿੰਦੁਸਤਾਨ ਵਿੱਚ ਗ਼ਦਰ ਮੱਚ ਗਿਆ ਹੋਵੇ, ਪਰ ਆਜ਼ਾਦ ਭਾਰਤ ਵਿੱਚ ਉਸੇ

Online-Marketing-Strategies-ad405-350
Ektuhi Gurbani App
Select your stuff
Categories
events_1
Online-Marketing-Strategies-ad405-350
Get The Latest Updates

Subscribe To Our Weekly Newsletter

No spam, notifications only about new products, updates.