ਵੈਨਕੂਵਰ (ਖਬਰਨਾਮਾ) :- ਬੀ ਸੀ ਸਰਕਾਰ ਨੇ ਵੈਨਕੂਵਰ ਖੇਤਰ ਵਿੱਚ ਘਰਾਂ ਦੀਆਂ ਵੱਧ ਰਹੀਆਂ ਕੀਮਤਾਂ ਨੂੰ ਠੱਲ ਪਾਉਣ ਦੇ ਇਰਾਦੇ ਨਾਲ ਮੈਟਰੋ ਵੈਨਕੂਵਰ ਵਿੱਚ ਘਰ ਖਰੀਦਣ ਵਾਲੇ ਵਿਦੇਸ਼ੀ ਨਾਗਰਿਕਾਂ ‘ਤੇ 15% ਵਾਧੂ ਦਾ ਲੈਂਡ ਟਰਾਂਸਫਰ ਟੈਕਸ ਲਾਇਆ ਹੈ। ਇਹ ਟੈਕਸ ਅਗਸਤ 2 ਤੋਂ ਲਾਗੂ ਕੀਤਾ ਜਾ ਰਿਹਾ ਹੈ। ਅਗਸਤ 2 ਤੋਂ ਬਾਅਦ ਅਗਰ ਕੋਈ ਵਿਦੇਸ਼ੀ ਨਾਗਿਰਕ 2 ਮਿਲੀਅਨ ਦਾ ਘਰ ਲੈਂਦਾ ਹੈ ਤਾਂ ਉਸ ਨੂੰ 3 ਲੱਖ ਡਾਲਰ ਦਾ ਵਾਧੂ ਟੈਕਸ ਦੇਣਾ ਪਾਵੇਗਾ। ਹੁਣ ਬੀ ਸੀ ਸੂਬੇ ਵਿੱਚ ਸਾਰੇ ਘਰ ਖਰੀਦਣ ਵਾਲੇ ਲੋਕਾਂ ਨੂੰ ਪਹਿਲੇ 2 ਲੱਖ ‘ਤੇ 1% ਲੈਂਡ ਟਰਾਂਸਫਰ ਟੈਕਸ ਦੇਣਾ ਪੈਂਦਾ ਹੈ ਅਤੇ ਇਸ ਤੋਂ ਬਾਅਦ 2 ਮਿਲੀਅਨ ਤੱਕ 2% ਟੈਕਸ ਦਿੰਦੇ ਹਨ। ਗਰੇਟਰ ਵੈਨਕੂਵਰ ਦੇ ਰੀਅਲ ਅਸਟੇਟ ਬੋਰਡ ਨੇ ਪਿਛਲੇ ਮਹੀਨੇ ਆਪਣੀ ਰੀਪੋਰਟ ਵਿੱਚ ਕਿਹਾ ਸੀ ਕਿ ਵੈਨਕੂਵਰ ਖੇਤਰ ਵਿੱਚ ਡੀਟੈਚ ਘਰ ਦੀ ਅੋਸਤਨ ਕੀਮਤ 1æ5 ਮਿਲ਼ੀਅਨ ਡਾਲਰ ਤੱਕ ਪਹੁੰਚ ਗਈ ਹੈ।
ਬੀ ਸੀ ਸਰਕਾਰ ਬਹੁਤ ਵੱਡੀ ਮਾਤਰਾ ਵਿੱਚ ਘਰਾਂ ਦੀ ਖਰੀਦੋ ਫਰੋਕਤ ਤੋਂ ਇਹ ਟੈਕਸ ਇਕੱਤਰ ਕਰ ਰਹੀ ਹੈ ਅਤੇ ਪਿਛਲੇ ਸਾਲ ਸਰਕਾਰ ਨੇ 1æ5 ਬਿਲੀਅਨ ਡਾਲਰ ਦਾ ਟੈਕਸ ਇਕੱਤਰ ਕੀਤਾ ਸੀ ਜੋ ਕਿ ਇਕ ਸਾਲ ਪਹਿਲਾਂ ਨਾਲੋਂ 450 ਮਿਲੀਅਨ ਵੱਧ ਸੀ। ਸਰਕਾਰ ਵੱਲੋਂ ਕਿਹਾ ਗਿਆ ਹੈ ਕਿ ਸਰਕਾਰ ਵਿਦੇਸ਼ੀ ਨਾਗਰਿਕਾਂ ਤੇ ਲਾਏ ਇਸ ਵਾਧੂ ਟੈਕਸ ਨੂੰ ਸਰਕਾਰੀ ਸਪੋਰਟ ਵਾਲੇ ਹਾਊਸਿੰਗ ਪ੍ਰਾਜੈਕਟਾਂ ਤੇ ਖਰਚ ਕਰੇਗੀ।
ਸਰਕਾਰ ਦੇ ਵਿੱਤ ਮੰੰਤਰੀ ਮਾਈਕ ਡੀ ਜੋਂਗ ਦਾ ਕਹਿਣਾ ਹੈ ਕਿ ਇਹ ਟੈਕਸ ਲਾਉਣ ਦਾ ਮੱੁਖ ਮਕਸਦ ਪੈਸਾ ਇੱਕਠਾ ਕਰਨਾ ਨਹੀਂ ਹੈ ਸਗੋਂ ਮਿਡਲ ਕਲਾਸ ਦੇ ਲੋਕਾ ਲਈ ਘਰ ਦੀਆਂ ਕੀਮਤਾਂ ਨੂੰ ਪਹੁੰਚ ਵਿੱਚ ਰੱਖਣ ਲਈ ਲਾਇਆ ਗਿਆ ਹੈ। ਵਿੱਤ ਮੰਤਰੀ ਡੀਜਾਂਗ ਨੇ ਦੱਸਿਆ ਕਿ ਸਿਰਫ ਜੂਨ 10 ਤੋਂ ਜੁਲਾਈ 14 ਤੱਕ 86% ਘਰ ਵਿਦੇਸ਼ੀ ਨਾਗਿਰਕਾਂ ਵੱਲੋਂ ਖਰੀਦੇ ਗਏ ਸਨ ਅਤੇ ਘਰਾਂ ਦੀ ਖਰੀਦੋ ਫਰੋਕਤ ਲਈ ਵਿਦੇਸ਼ੀ ਨਾਗਰਿਕਾਂ ਵੱਲੋਂ ਇੱਕ ਬਿਲੀਅਨ ਡਾਲਰ ਤੋਂ ਵੱਧ ਖਰਚੇ ਗਏ ਸਨ। ਪਰ ਇਸ ਟੈਕਸ ਦਾ ਵਿਰੋਧ ਵੀ ਹੋ ਰਿਹਾ ਹੈ। ਰੀਅਲ ਅਸਟੇਟ ਦੇ ਕੁੱਝ ਮਾਹਰਾਂ ਦਾ ਕਹਿਣਾ ਹੈ ਕਿ ਇਸ ਨਾਲ ਗਲਤ ਸੁਨੇਹਾ ਬਾਹਰ ਜਾਵੇਗਾ ਅਤੇ ਵਿਦੇਸ਼ੀ ਲੋਕ ਮੈਟਰੋ ਵੈਨਕੂਵਰ ਨੁੰ ਛੱਡ ਕੇ ਵਿਕਟੋਰੀਆ ਅਤੇ ਹੋਰ ਸ਼ਹਿਰਾਂ ਵਿੱਚ ਘਰ ਖਰੀਦਣ ਲੱਗ ਪੈਣਗੇ ਅਤੇ ਇਸ ਨਾਲ ਉਨ੍ਹਾਂ ਥਾਵਾਂ ਤੇ ਵੀ ਕੀਮਤਾਂ ਵੱਧ ਜਾਣਗੀਆਂ। ਇਸ ਤੋਂ ਇਲਾਵਾ ਬੀ ਸੀ ਦੀ ਐਨ ਡੀ ਪੀ ਨੇ ਇਸ ਟੈਕਸ ਦਾ ਵਿਰੋਧ ਕਰਦਿਆਂ ਕਿਹਾ ਹੈ ਕਿ ਲੋਕਾਂ ਨੂੰ ਟੈਕਸ ਮੁੱਦੇ ਤੇ ਅਲੱਗ ਅਲੱਗ ਕਰਨਾ ਸਹੀ ਨਹੀਂ ਹੈ। ਇਹ ਟੈਕਸ ਲੱਗਣ ਤੋਂ ਬਾਅਦ ਬੀ ਸੀ ਦੇ ਰੀਅਲ ਅਸਟੇਟ ਏਜੰਟਾਂ ਨੇ ਵਿਦੇਸ਼ੀ ਨਾਗਰਿਕਾਂ ਨੂੰ ਈ ਮੇਲ ਜ਼ਰੀਏ ਇਹ ਸੁਨਹੇੇ ਦੇਣੇ ਸ਼ੁਰੂ ਕਰ ਦਿੱਤੇ ਸੀ ਕਿ ਉਹ ਕਿਵੇਂ ਇਸ 15% ਟੈਕਸ ਤੋਂ ਬਚ ਸਕਦੇ ਹਨ। ਈ-ਮੇਲ ਜ਼ਰੀਏ ਵਿਦੇਸ਼ੀ ਨਾਗਿਰਕਾਂ ਨੂੰ ਕਿਹਾ ਸੀ ਕਿ ਉਹ ਅਪਣੇ ਕਿਸੇ ਨਜ਼ਦੀਕੀ ਰਿਸ਼ਤੇਦਾਰਾਂ ਜਾ ਸੱਜਣਾਂ ਮਿੱਤਰਾਂ ਤੇ ਨਾ ਤੇ ਘਰ ਲਵੋ ਇਸ ਨਾਲ 15% ਟੈਕਸ ਦੀ ਬਚਤ ਕੀਤੀ ਜਾ ਸਕਦੀ ਹੈ ਪਰ ਹੁਣ ਤਾਜ਼ਾ ਖਬਰ ਵਿੱਚ ਕਿਹਾ ਗਿਆ ਹੈ ਕਿ ਰੀਅਲ ਅਸਟੇਟ ਏਜੰਟਾਂ ਨੇ ਅਜਿਹੇ ਸੁਨਹੇ ਦੇਣੇ ਬੰਦ ਕਰ ਦਿੱਤੇ ਹਨ ਕਿਉਂਕਿ ਬੀ ਸੀ ਰੀਅਲ ਅਸਟੇਟ ਕੌਂਸਲ ਨੇ ਅਜਿਹੇ ਏਜੰਟਾਂ ਦੀ ਤਫਤੀਸ਼ ਸ਼ੁਰੂ ਕਰ ਦਿੱਤੀ ਸੀ ਕਿਅਂਕਿ ਅਜਿਹਾ ਕਰਨਾ ਰੀਅਲ ਅਸਟੇਟ ਨਿਯਮਾਂ ਦੇ ਵਿਰੁੱਧ ਸੀ।
ਇਸ ਦੇ ਨਾਲ ਹੀ ਓਨਟੇਰੀਓ ਦੇ ਵਿੱਤ ਮੰੰਤਰੀ ਚਾਰਲਸ ਸੌਅਸਾ ਨੇ ਵੀ ਇਸ ਟੈਕਸ ਦੇ ਪ੍ਰਤੀਕਰਮ ਵਿੱਚ ਕਿਹਾ ਸੀ ਕਿ ਅਸੀਂ ਵੈਨਕੂਵਰ ਵਿੱਚ ਹੋਈ ਟੈਕਸ ਤਬਦੀਲੀ ਨੂੰ ਬਹੁਤ ਸੂਖਮਤਾ ਨਾਲ ਦੇਖ ਰਹੇ ਹਾਂ ਅਤੇ ਹੋ ਸਕਦਾ ਹੈ ਕਿ ਸਾਨੂੰ ਵੀ ਇੱਥੇ ਅਜਿਹਾ ਕਰਨਾ ਪਵੇ। ਵਿਦੇਸ਼ੀ ਇਨਵੈਸਟਰਾਂ ਕਾਰਨ ਘਰਾਂ ਦੀਆਂ ਕੀਮਤਾਂ ਲਗਾਤਾਰ ਵਧਦੀਆਂ ਜਾ ਰਹੀਆਂ ਹਨ ਅਤੇ ਦੇਸ਼ ਵਿੱਚ ਮਿਹਨਤ ਕਰਨ ਵਾਲੇ ਆਮ ਲੋਕਾਂ ਵਾਸਤੇ ਘਰ ਖਰੀਦਣਾ ਮੋਹਾਲ ਹੁੰਦਾ ਜਾ ਰਿਹਾ ਹੈ।
