ਮੁੰਬਈ: ਨੋਟਬੰਦੀ ਤੋਂ ਬਾਅਦ ਹੁਣ ਰਿਜ਼ਰਵ ਬੈਂਕ ਜਲਦੀ ਹੀ 100 ਰੁਪਏ ਦੇ ਨਵੇਂ ਨੋਟ ਜਾਰੀ ਕਰਨ ਜਾ ਰਹੀ ਹੈ। ਇਸ ਦੇ ਦੋਵੇਂ ਪਾਸੇ ਕੁਝ ਬਦਲਾਅ ਕੀਤੇ ਗਏ ਹਨ। ਆਰ.ਬੀ.ਆਈ. ਵੱਲੋਂ ਜਾਰੀ ਬਿਆਨ ਮੁਤਾਬਕ ਕਿਹਾ ਗਿਆ ਹੈ ਕਿ ਨਵੇਂ ਨੋਟਾਂ ਦੇ ਆਉਣ ਦੇ ਨਾਲ-ਨਾਲ ਪੁਰਾਣੇ 100 ਦੇ ਨੋਟ ਵੀ ਚੱਲਦੇ ਰਹਿਣਗੇ।
ਆਰ.ਬੀ.ਆਈ. ਦੇ ਬਿਆਨ ‘ਚ ਕਿਹਾ ਗਿਆ ਹੈ, ਆਰ.ਬੀ.ਆਈ. ਮਹਾਤਮਾ ਗਾਂਧੀ-2005 ਸੀਰੀਜ ਤਹਿਤ ਛੇਤੀ ਹੀ 100 ਰੁਪਏ ਦੇ ਨਵੇਂ ਨੋਟ ਜਾਰੀ ਕਰੇਗਾ। ਇਸ ‘ਚ ਮੌਜੂਦਾ ਗਵਰਨਰ ਉਰਜਿਤ ਪਟੇਲ ਦੇ ਦਸਤਖਤ ਹੋਣਗੇ ਤੇ ਕਰੰਸੀ ਦਾ ਸਾਲ 2016 ਦਰਜ ਹੋਵੇਗਾ।
ਜਾਣਕਾਰੀ ਮੁਤਾਬਕ ਨਵੇਂ ਨੋਟਾਂ ਦਾ ਡਿਜਾਈਨ ਪੁਰਾਣੇ ਨੋਟਾਂ ਵਰਗਾ ਹੀ ਹੋਵੇਗਾ, ਹਾਲਾਂਕਿ ਨੰਬਰ ਪੈਨਲ, ਨੰਬਰ ਦੀ ਸੀਰੀਜ਼, ਬਲੀਡ ਲਾਈਨ, ਪਛਾਣ ਦੇ ਨਿਸ਼ਾਨ ਨੂੰ ਵੱਡਾ ਕੀਤਾ ਜਾਵੇਗਾ। ਹਾਲਾਂਕਿ ਬੈਂਕ ਨੇ ਇਹ ਜਾਣਕਾਰੀ ਨਹੀਂ ਦਿੱਤੀ ਹੈ ਕਿ ਇਹ ਨੋਟ ਕਿੰਨੀ ਗਿਣਤੀ ‘ਚ ਜਾਰੀ ਕੀਤੇ ਜਾਣਗੇ।