2026 ਉਲੰਪਿਕ ਖੇਡਾਂ ਲਈ ਕੈਲਗਰੀ ਸ਼ਹਿਰ ਬਣਿਆ ਪਹਿਲੀ ਪਸੰਦ

ਕੈਲਗਰੀ-2026 ਦੀਆਂ ਉਲੰਪਿਕ ਖੇਡਾਂ ਲਈ ਉੱਤਰੀ ਅਮਰੀਕੀ ਸ਼ਹਿਰ ਕੈਲਗਰੀ ਪਹਿਲੀ ਪਸੰਦ ਬਣ ਗਿਆ ਹੈ। ਅਮਰੀਕੀ ਉਲੰਪਿਕ ਕਮੇਟੀ ਨੇ ਇਹ ਸਪੱਸ਼ਟ ਕਰ ਦਿੱਤਾ ਹੈ ਕਿ ਡੈਨਵਰ ਤੇ ਸਾਲਟ ਲੇਕ ਸਿਟੀ ਇਸ ਦੌੜ ‘ਚੋਂ ਬਾਹਰ ਹੋ ਗਏ ਹਨ। ਅਮਰੀਕੀ ਉਲੰਪਿਕ ਕਮੇਟੀ ਦੇ ਚੇਅਰਮੈਨ ਲੈਰੀ ਪ੍ਰੋਬਸਟ ਨੇ 2026 ‘ਚ ਉਲੰਪਿਕ ਖੇਡਾਂ ਸਾਲਟ ਲੇਕ ਸਿਟੀ, ਡੈਨਵਰ ਜਾਂ ਰੀਨੋ ‘ਚ ਕਰਵਾਉਣ ਦੀ ਸੰਭਾਵਨਾ ਰੱਦ ਕਰ ਦਿੱਤੀ ਹੈ।ਉਨ੍ਹਾਂ ਕਿਹਾ ਕਿ 2 ਸਾਲ ਪਹਿਲਾਂ ਸਮਰ ਗੇਮਜ ਲਾਸ ਏਾਜਲਸ (ਅਮਰੀਕਾ) ‘ਚ ਹੋਈਆਂ ਸਨ ਤੇ ਅਮਰੀਕਾ 2030 ‘ਚ ਵਿੰਟਰ ਗੇਮਜ ਲਈ ਯਤਨ ਕਰ ਸਕਦਾ ਹੈ। ਇੱਥੇ ਵਰਣਨਯੋਗ ਹੈ ਕਿ ਕੈਲਗਰੀ ਤੋਂ ਇਲਾਵਾ ਸਿਓਨ, ਸਵਿਟਜ਼ਰਲੈਂਡ, ਸਪੋਰੋ, ਜਾਪਾਨ, ਸਟਾਕਹੋਮ ਤੇ ਸਵੀਡਨ ‘ਚ ਵੀ ਉਲੰਪਿਕ ਖੇਡਾਂ ਕਰਵਾਏ ਜਾਣ ਦੀ ਚਰਚਾ ਹੁੰਦੀ ਰਹੀ ਹੈ। ਆਈ.ਓ.ਸੀ. ਦੇ ਉਪ ਪ੍ਰਧਾਨ ਜੁਆਨ ਐਨਟੋਨੀਓ ਸਮਾਰਾਂਚ ਨੇ ਪਿਛਲੇ ਹਫ਼ਤੇ ਕੈਲਗਰੀ ਦੀ ਪ੍ਰਸੰਸਾ ਕਰਦਿਆਂ ਕਿਹਾ ਸੀ ਕਿ ਇਸ ਸ਼ਹਿਰ ‘ਚ ਬਹੁਤ ਸਮਰਥਾ ਹੈ। ਉਨ੍ਹਾਂ ਕਿਹਾ ਸੀ ਕਿ ਸ਼ਹਿਰ ਦੇ ਮੇਅਰ ਨਹੀਦ ਨੈਨਸੀ ਤੇ ਹੋਰਨਾਂ ਨਾਲ ਇਸ ਸਬੰਧੀ ਦੱਖਣੀ ਕੋਰੀਆ ‘ਚ ਮੀਟਿੰਗ ਹੋਵੇਗੀ।