ਜ਼ਾਕਿਰ ਦਾ ਸਿਰ ਵੱਢ ਕੇ ਲਿਆਓ ਅਤੇ 50 ਲੱਖ ਦਾ ਇਨਾਮ ਪਾਓ : ਸਾਧਵੀ

ਨਵੀਂ ਦਿੱਲੀ (ਏਜੰਸੀਆਂ) ਹਮੇਸ਼ਾ ਆਪਣੇ ਬਿਆਨਾਂ ਨੂੰ ਲੈ ਕੇ ਵਿਵਾਦਾਂ ‘ਚ ਰਹਿਣ ਵਾਲੀ ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੀ ਨੇਤਾ ਸਾਧਵੀ ਪ੍ਰਾਚੀ ਨੇ ਇਸਲਾਮਿਕ ਧਰਮ ਗੁਰੂ ਜ਼ਾਕਿਰ ਨਾਇਕ ਨੂੰ ਲੈ ਕੇ ਇਕ ਅਜਿਹਾ ਵਿਵਾਦਤ ਬਿਆਨ ਦਿੱਤਾ, ਜਿਸ ‘ਤੇ ਵੱਡਾ ਵਿਵਾਦ ਹੋ ਸਕਦਾ ਹੈ। ਸਾਧਵੀ ਪ੍ਰਾਚੀ ਨੇ ਜ਼ਾਕਿਰ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਐਲਾਨ ਕੀਤਾ ਹੈ ਕਿ ਜੋ ਕੋਈ ਵੀ ਸਊਦੀ ਅਰਬ ਜਾ ਕੇ ਜ਼ਾਕਿਰ ਨਾਇਕ ਦਾ ਸਿਰ ਵੱਢ ਕੇ ਲਿਆਵੇਗਾ, ਉਸ ਨੂੰ 50 ਲੱਖ ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ। ਸਾਧਵੀ ਪ੍ਰਾਚੀ ਨੇ ਕਿਹਾ ਕਿ ਜ਼ਾਕਿਰ ਨਾਇਕ ਭਾਰਤ ਦਾ ਸਭ ਤੋਂ ਵੱਡਾ ਦੁਸ਼ਮਣ ਹੈ। ਉਹ ਧਰਮ ਗੁਰੂ ਬਣ ਕੇ ਅੱਤਵਾਦ ਦਾ ਜੰਗੀ ਬੇੜਾ ਤਿਆਰ ਕਰ ਰਿਹਾ ਹੈ। ਇਨਾਂ ਮੁਸਲਮਾਨ ਧਰਮ ਗੁਰੂਆਂ ਦੀ ਜਾਂਚ ਹੋਣੀ ਚਾਹੀਦੀ ਹੈ। ਅੱਜ ਉਹ ਕਟਘਰੇ ‘ਚ ਖੜੇ ਹਨ। ਅੱਜ ਫਤਵਾ ਜਾਰੀ ਕਿਉਂ ਨਹੀਂ ਕਰ ਰਹੇ? ਅਤੇ ਮੈਂ ਬੇਨਤੀ ਕਰਨਾ ਚਾਹੁੰਦੀ ਹੈ ਕਿ ਸਊਦੀ ਅਰਬ ਕੋਈ ਵੀ ਵਿਅਕਤੀ ਜਾ ਕੇ ਜ਼ਾਕਿਰ ਦਾ ਸਿਰ ਵੱਢ ਕੇ ਲਿਆਏ। ਭਾਰਤ ਦੇ ਸਭ ਤੋਂ ਵੱਡੇ ਦਰਖਤ ‘ਤੇ ਲਟਕਾਵੇ ਤਾਂ ਮੈਂ ਉਸ ਨੂੰ 50 ਲੱਖ ਰੁਪਏ ਦਾ ਇਨਾਮ ਦੇਵਾਂਗੀ। ਤੁਹਾਨੂੰ ਦੱਸ ਦਈਏ ਹਿੰਦੂ ਪ੍ਰੀਸ਼ਦ ਦੀ ਨੇਤਾ ਸਾਧਵੀ, ਹਮੇਸ਼ਾ ਆਪਣੀ ਜ਼ਹਿਰੀਲੀ ਗੱਲਾਂ ਕਾਰਨ ਵਿਵਾਦਾਂ ‘ਚ ਰਹਿੰਦੀ ਹੈ। ਹਾਲਾਂਕਿ ਇਹ ਪਹਿਲਾਂ ਮੌਕਾ ਨਹੀਂ ਹੈ ਜਦੋਂ ਸਾਧਵੀ ਪ੍ਰਾਚੀ ਨੇ ਵਿਵਾਦਤ ਬਿਆਨ ਦਿੱਤਾ ਹੋਵੇ। ਜ਼ਿਕਰਯੋਗ ਹੈ ਕਿ ਜ਼ਾਕਿਰ ਉਦੋਂ ਚਰਚਾ ‘ਚ ਆਇਆ ਜਦੋਂ ਢਾਕਾ ‘ਚ ਹੋਏ ਅੱਤਵਾਦੀ ਹਮਲੇ ਦੇ 7 ਹਮਲਾਵਰਾਂ ‘ਚੋਂ ਦੋ ਹਮਲਾਵਰ ਇਸਲਾਮਿਕ ਪ੍ਰਚਾਰਕ ਨਾਇਕ ਦੇ ਭਾਸ਼ਣਾਂ ‘ਤੋਂ ਪ੍ਰੇਰਿਤ ਹੋਏ ਸਨ। ਇਸ ਘਟਨਾ ਤੋਂ ਬਾਅਦ ਜ਼ਾਕਿਰ ਨਾਇਕ ਖੁਫੀਆ ਏਜੰਸੀਆਂ ਦੇ ਨਿਸ਼ਾਨੇ ‘ਤੇ ਹੈ। ਭਾਰਤ ‘ਚ ਵੀ ਉਸ ਦੇ ਭਾਸ਼ਣਾਂ ਦੀ ਜਾਂਚ ਕਰਵਾਈ ਜਾ ਰਹੀ ਹੈ।