‘ਹਿੰਦੂ ਮਹਾ ਸਭਾ ਦਾ ਵਿਵਾਦਗ੍ਰਸਤ ਕੈਲੰਡਰ’

ਮੁਸਲਮਾਨਾ ਦੇ ਮੱਕੇ ਨੂੰ ਕਿਹਾ ‘ਮਕੇਸ਼ਵਰ ਮਹਾਦੇਵ ਮੰਦਿਰ’
ਦਿੱਲੀ :-ਟਾਈਮਜ਼ ਆਫ ਇੰਡੀਆ ਵਿੱਚ ਇਕ ਰਿਪੋਰਟ ਪ੍ਰਕਾਸ਼ਿਤ ਕੀਤੀ ਗਈ ਹੈ।ਰਿਪੋਰਟ ਅਨੁਸਾਰ
ਹਿੰਦੂ ਮਹਾ ਸਭਾ ਨੇ ਵਿਵਾਦਗ੍ਰਸਤ ਕੈਲੰਡਰ ਵਿੱਚ ਮੁਸਲਮਾਨਾ ਦੇ ਮੱਕੇ ਨੂੰ ‘ਮਕੇਸ਼ਵਰ ਮਹਾਦੇਵ ਮੰਦਿਰ’ ਕਿਹਾ ਹੈ।
ਂ ਅਲੀਗੜ੍ਹ ਵਿਚ ਹਿੰਦੂ ਮਹਾਂਸਭਾ ਨੇ ਨਵੇਂ ਸਾਲ ਦਾ ਕੈਲੰਡਰ ਜਾਰੀ ਕੀਤਾ ਹੈ ਜਿਸ ਵਿਚ ਮੁਗਲ ਯੁੱਗ ਦੀਆਂ ਸੱਤ ਮਸਜਿਦਾਂ ਅਤੇ ਸਮਾਰਕਾਂ, ਜਿਨ੍ਹਾਂ ਵਿਚ ਤਾਜ ਮਹੱਲ ਅਤੇ ਮੁਸਲਮਾਨਾਂ ਦਾ ਪਵਿੱਤਰ ਸਥਾਨ ਮੱਕਾ ਸ਼ਾਮਲ ਹੈ, ਨੂੰ ਪੁਰਾਤਨ ਹਿੰਦੂ ਮੰਦਰ ਕਿਹਾ ਗਿਆ ਹੈ।ਰਿਪੋਰਟ ਅਨੁਸਾਰ
ਕੱਟੜ ਹਿੰਦੂਤਵੀ ਗੁਰੱਪ ‘ਤਾਜ ਮਹੱਲ’ ਨੂੰ ‘ਤੇਜ ਮਹੱਲਾਏ ਮੰਦਰ’ ਕਹਿੰਦੇ ਹਨ।
ਇਸੇ ਤਰ੍ਹਾਂ, ਮੱਧ ਪ੍ਰਦੇਸ਼ ਦੀ ਕਮਲ ਮੌਲਾ ਮਸਜਿਦ ਨੂੰ ‘ਭੋਸ਼ਰਧਾਰੀ’ ਕਿਹਾ ਗਿਆ ਹੈ ਅਤੇ ਕਾਸ਼ੀ ਦੀ ਗਿਆਨਿਆਏਪੀ ਮਸਜਿਦ ਨੂੰ ‘ਵਿਸ਼ਵਨਾਥ ਮੰਦਿਰ’ ਕਿਹਾ ਗਿਆ ਹੈ, ਕੁਤੁਬ ਮਿਨਾਰ ‘ਵਿਸ਼ਨੂੰ ਸਤੰਭ’, ਜੌਨਪੁਰ ਦੀ ਅਟਲਾ ਮਸਜਿਦ ਨੂੰ ‘ਅਤਲਾ ਦੇਵੀ ਮੰਦਿਰ’ ਅਤੇ ਅਯੋਧਿਆ ਵਿਚ ਢਾਹੀ ਹੋਈ ਬਾਬਰੀ ਮਸਜਿਦ ਨੂੰ ‘ਰਾਮ ਜਨਮ ਭੂਮੀ’ ਕਿਹਾ ਜਾਂਦਾ ਹੈ।
ਰਿਪੋਰਟ ਅਨੁਸਾਰ ਹਿੰਦੂ ਮਹਾਸਭਾ ਦੇ ਕੌਮੀ ਸਕੱਤਰ ਪੂਜਾ ਸ਼ਕੁਨ ਪਾਂਡੇ ਦਾ ਹਵਾਲਾ ਦੇ ਕੇ ਕਿਹਾ ਗਿਆ ਹੈ, ਕਿ ਅਸੀਂ ‘ਇਸ ਦੇਸ਼ ਨੂੰ ਹਿੰਦੂ ਰਾਸ਼ਟਰ ਬਣਾਉਣ’ ਦਾ ਫੈਸਲਾ ਕੀਤਾ ਹੈ।
ਪਾਂਡੇ ਨੇ ਕਿਹਾ ਕਿ ਉਹ ਆਸ ਕਰਦੇ ਹਨ ਕਿ ਸਰਕਾਰ ਉਨ੍ਹਾਂ ਦੀ ਮੰਗ ਮੰਨ ਲਵੇਗੀ ਅਤੇ ਭਾਰਤ ਨੂੰ ਇਕ ਹਿੰਦੂ ਰਾਸ਼ਟਰ ਐਲਾਨ ਕਰੇਗੀ। ਉਸਨੇ ਕਿਹਾ ਕਿ ਮੁਸਲਮਾਨਾਂ ਨੇ ਹਿੰਦੂ ਧਾਰਮਿਕ ਵਿਰਾਸਤੀ ਸਥਾਨਾਂ ਨੂੰ ਲੁੱਟ ਲਿਆ ਸੀ ਅਤੇ ਉਨ੍ਹਾਂ ਦੇ ਨਾਂ ਬਦਲ ਕੇ ਮਸਜਿਦਾਂ ਵਿੱਚ ਤਬਦੀਲ ਕਰ ਦਿੱਤਾ ਸੀ।
ਮੁਸਲਮਾਨਾ ਨੂੰ ਹੁਣ ਇਹ ਵਾਪਸ ਹਿੰਦੂਆਂ ਨੂੰ ਦੇਣੇ ਚਾਹੀਦੇ ਹਨ।ਨਵੇਂ ਕੈਲੰਡਰ ਵਿੱਚ ਦਰਸਾਇਆ ਗਿਆ ਹੈ, ਅਸੀਂ ਉਨ੍ਹਾਂ ਦੇ ਅਸਲੀ ਨਾਮ ਬਹਾਲ ਕਰਾਂਗੇ।ਇਸ ਰਿਪੋਰਟ ਵਿੱਚ ਪਾਂਡੇ ਨੇ ਕਿਹਾ ਕਿ ‘ਕੈਲੰਡਰ ਵਿਚ ਜ਼ਿਕਰ ਕੀਤੇ ਸਾਰੇ ਨਾਂ ਇਤਿਹਾਸਕਾਰ ਬੀ.ਪੀ. ਸਕਸੈਨਾ(ਸੇਵਾਮੁਕਤ ਪ੍ਰੋਫੈਸਰ) ਦੁਆਰਾ ਦੱਸੇ ਗਏ ਹਨ’।
ਸਕਸੈਨਾ ਨੇ ਦਾਅਵਾ ਕੀਤਾ ਕਿ ਤੱਥ ਇਸ ਗੱਲ ਤੋਂ ਬਿਲਕੁਲ ਸਪੱਸ਼ਟ ਸਾਬਤ ਹੋ ਸਕਦੇ ਹਨ ਕਿ ਮੁਸਲਮਾਨਾ ਦੀਆਂ ਇਹ ਸੱਤ ਧਾਰਮਿਕ ਵਿਰਾਸਤੀ ਥਾਵਾਂ ਹਿੰਦੂਆਂ ਨਾਲ ਸਬੰਧਤ ਹਨ।ਉਨ੍ਹਾਂ ਨੇ ਕਿਹਾ ਕਿ ਰਿਪੋਰਟ ਦੇ ਅਨੁਸਾਰ ਜੇ ਕੋਈ ਵਿਵਾਦ ਹੈ ਤਾਂ ਰਾਮ ਮੰਦਰ ਦੇ ਕੇਸ ਵਾਂਗ ਖੁਦਾਈ ਕੀਤੀ ਜਾਣੀ ਚਾਹੀਦੀ ਹੈ ਅਤੇ ਹਿੰਦੂ ਧਰਮ ਨਾਲ ਸਬੰਧਿਤ ਤੱਥ ਉੱਥੇ ਲਈ ਮੌਜੂਦ ਹੋਣਗੇ।