ਸੁਸ਼ਾਂਤ ਦੀ ਪਹਿਲੀ ਰੋਮਾਂਟਿਕ ਫਿਲਮ ਹੋਵੇਗੀ ‘ਰਾਬਤਾ’
ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਪੰਜਵੀਂ ਫਿਲਮ ਮਹਿੰਦਰ ਸਿੰਘ ਧੋਨੀ ਦੀ ਬਾਇਓਪਿਕ ਹੈ, ਜੋ ਸਤੰਬਰ ਵਿੱਚ ਰਿਲੀਜ਼ ਹੋਵੇਗੀ। ਉਸ ਦੇ ਬਾਅਦ ਛੇਵੀਂ ਫਿਲਮ ਹੋਵੇਗੀ ‘ਰਾਬਤਾ’, ਜੋ ਅਗਲੇ ਸਾਲ ਆ ਸਕਦੀ ਹੈ। ਸੁਸ਼ਾਂਤ ਕਹਿੰਦੇ ਹਨ, ”ਇਹ ਮੇਰੀ ਪਹਿਲੀ ਰੋਮਾਂਟਿਕ ਫਿਲਮ ਹੋਵੇਗੀ। ਮੈਂ ਇਸ ਤੋਂ ਪਹਿਲਾਂ ਕੋਈ ਰੋਮਾਂਟਿਕ ਫਿਲਮ ਨਹੀਂ ਕੀਤੀ।”
ਜਦ ਪੁੱਛਿਆ ਕਿ ਤੁਸੀਂ ‘ਸ਼ੁੱਧ ਦੇਸੀ ਰੋਮਾਂਸ’ ਨੂੰ ਭੁੱਲ ਗਏ ਤਾਂ ਮੁਸਕਰਾਉਂਦੇ ਹੋਏ ਕਿਹਾ, ”ਇਸ ਵਿੱਚ ਮੇਰਾ ਕਿਰਦਾਰ ਕਮੀਨਾ ਸੀ। ਫਿਲਮ ਵਿੱਚ ਮੇਰਾ ਜੋ ਇਹ ਕਿਰਦਾਰ ਸੀ, ਦੇਸ਼ ਵਿੱਚ ਕੋਈ ਇਸ ਦੇ ਵਰਗਾ ਨਹੀਂ ਬਣਨਾ ਚਾਹੇਗਾ। ਇਸ ਲਈ ਮੈਂ ਇਸ ਨੂੰ ਰੋਮਾਂਟਿਕ ਫਿਲਮ ਨਹੀਂ ਕਹਾਂਗਾ। ਇਸ ਦਾ ਮੂਲ ਵਿਚਾਰ ਇਹ ਸੀ ਕਿ ਸਾਡੇ ਹਾਰਮੋਨ ਸਾਡੇ ਤੋਂ ਕੀ ਕਰਵਾਉਂਦੇ ਹਨ ਅਤੇ ਅਸੀਂ ਅਸਲ ਵਿੱਚ ਕੀ ਕਰਨਾ ਚਾਹੁੰਦੇ ਹਾਂ?’
ਉਹ ਕਹਿੰਦੇ ਹਨ, ”ਮੇਰੀ ਪਹਿਲੀ ਫਿਲਮ ‘ਕਾਈ ਪੋ ਛੇ’ ਵਿੱਚ ਮੇਰੀ ਕੋਈ ਹੀਰੋਇਨ ਨਹੀਂ ਸੀ। ਮੇਰੀ ਤੀਸਰੀ ਫਿਲਮ ‘ਪੀਕੇ’ ਵਿੱਚ ਮੈਂ ਸਿਰਫ 10 ਮਿੰਟ ਲਈ ਸੀ। ਉਸ ਵਿੱਚ ਅਨੁਸ਼ਕਾ ਸ਼ਰਮਾ ਦੇ ਨਾਲ ਬੱਸ ਇੱਕ ਗੀਤ ਸੀ। ਚੌਥੀ ਫਿਲਮ ‘ਡਿਟੈਕਟਿਵ ਵਿਓਮਕੇਸ਼ ਬਖਸ਼ੀ’ ਵਿੱਚ ਵੀ ਕੋਈ ਲਵ ਐਂਗਲ ਨਹੀਂ ਸੀ।”
