‘ਸੁਪਰ ਸਿੰਘ’ 16 ਜੂਨ ਨੂੰ ਸਿਨੇਮਾਘਰਾਂ ‘ਚ ਦੇਵੇਗੀ ਦਸਤਕ
ਚੁਲਬੁਲੇ ਅੰਦਾਜ਼ਾਂ ਨਾਲ ਦਿਲਜੀਤ-ਸੋਨਮ ਲੁੱਟ ਰਹੇ ਹਨ ਲੋਕਾਂ ਦਾ ਦਿਲ
ਪੰਜਾਬੀ ਮਸ਼ਹੂਰ ਅਭਿਨੇਤਰੀ ਸੋਨਮ ਬਾਜਵਾ ਤੇ ਦਿਲਜੀਤ ਦੁਸਾਂਝ ਦੀ ਜੋੜੀ ਪਾਲੀਵੁੱਡ ‘ਚ ਕਾਫੀ ਤਾਰੀਫ ਖੱਟ ਰਹੀ ਹੈ। ਫਿਲਮ ‘ਪੰਜਾਬ 1984’, ‘ਵੀਰਵਾਰ’ ਗੀਤ ਤੇ ਫਿਲਮ ‘ਸਰਦਾਰ ਜੀ 2’ ‘ਚ ਦੋਵੇਂ ਇਕੱਠੇ ਨਜ਼ਰ ਆਏ। ਇਸ ਜੋੜੀ ਦੀ ਫੈਨਜ਼ ਦੇ ਨਾਲ-ਨਾਲ ਫਿਲਮ ਸਮੀਖਿਅਕਾਂ ਨੇ ਵੀ ਕਾਫੀ ਤਾਰੀਫ ਕੀਤੀ।ਹੁਣ ਮੁੜ ਦੋਵਾਂ ਦੀ ਫਿਲਮ ‘ਸੁਪਰ ਸਿੰਘ’ ‘ਚ ਨਜ਼ਰ ਮੁੱਖ ਭੂਮਿਕਾ ‘ਚ ਨਜ਼ਰ ਆ ਰਹੀ ਹੈ।
ਜ਼ਿਕਰਯੋਗ ਹੈ ਕਿ ਫਿਲਮ ‘ਚ ਦਿਲਜੀਤ ਦੁਸਾਂਝ ਸੁਪਰਹੀਰੋ ਦੀ ਭੂਮਿਕਾ ‘ਚ ਹਨ। ਸੋਨਮ ਇਸ ਫਿਲਮ ਨੂੰ ਲੈ ਕੇ ਬੇਹੱਦ ਉਤਸ਼ਾਹਿਤ ਹੈ ਕਿਉਂਕਿ ਇਸ ਸੋਨਮ ‘ਸੁਪਰ ਸਿੰਘ’ ‘ਚ ਬਹੁਤ ਜ਼ਿਆਦਾ ਬੋਲਣ ਵਾਲੀ ਤੇ ਦਿਲਜੀਤ ਨਾਲ ਹਰ ਗੱਲ ‘ਤੇ ਲੜਨ ਵਾਲੀ ਕੁੜੀ ਦਾ ਕਿਰਦਾਰ ਨਿਭਾਅ ਰਹੀ ਹੈ।ਫਿਲਮ ਦਾ ਨਿਰਦੇਸ਼ਨ ਅਨੁਰਾਗ ਸਿੰਘ ਕਰ ਰਹੇ ਹਨ, ਜੋ ਦਿਲਜੀਤ ਤੇ ਸੋਨਮ ਨੂੰ ਇਕੱਠਿਆਂ ਲੈ ਕੇ ਨੈਸ਼ਨਲ ਐਵਾਰਡ ਜੇਤੂ ‘ਪੰਜਾਬ 1984′ ਫਿਲਮ ਬਣਾ ਚੁਕੇ ਹਨ। ਸੋਨਮ ਦਾ ਇਹ ਵੀ ਕਹਿਣਾ ਹੈ ਕਿ ਅਨੁਰਾਗ ਨਾਲ ਕੰਮ ਕਰਨਾ ਹਮੇਸ਼ਾ ਇਕ ਸੁਪਨੇ ਵਾਂਗ ਹੁੰਦਾ ਹੈ।
ਇਸ ਫਿਲਮ ਦੀ ਸ਼ੂਟਿੰਗ ਅਗਲੇ ਮਹੀਨੇ ਸ਼ੁਰੂ ਹੋਵੇਗੀ। ਫਿਲਮ ਦੀ ਖਾਸ ਗੱਲ ਇਹ ਵੀ ਹੈ ਕਿ ਇਸ ਨੂੰ ਏਕਤਾ ਕਪੂਰ ਦੀ ਕੰਪਨੀ ਬਾਲਾਜੀ ਫਿਲਮਜ਼ ਪ੍ਰੋਡਿਊਸਰ ਕਰ ਰਹੀ ਹੈ।’ਸੁਪਰ ਸਿੰÎਘ’ 16 ਜੂਨ ਨੂੰ ਸਿਨੇਮਾਘਰਾਂ ‘ਚ ਹੋਵੇਗੀ ਰਲੀਜ਼।
