ਸਿੱਖਾਂ ਨੇ ਵਾਰਿਸ ਸ਼ਾਹ ਦੇ ਉਰਸ ‘ਚ ਵਿਖਾਏ ਗੱਤਕੇ ਦੇ ਜੌਹਰ

ਪਾਕਿਸਤਾਨ :-ਹੀਰ-ਰਾਂਝੇ ਦਾ ਕਿੱਸਾ ਲਿਖਣ ਵਾਲੇ ਸੱਯਦ ਬਾਬਾ ਵਾਰਿਸ ਸ਼ਾਹ ਦਾ ਸਾਲਾਨਾ ਉਰਸ ਪਾਕਿਸਤਾਨ ਦੇ ਜ਼ਿਲ੍ਹਾ ਸ਼ੇਖ਼ੂਪੁਰਾ ਦੇ ਪਿੰਡ ਜੰਡਿਆਲਾ ਸ਼ੇਰ ਖ਼ਾਂ ਵਿੱਚ ਮਨਾਇਆ ਗਿਆ। ਤਿੰਨ ਦਿਨਾਂ ਤਕ ਚਲੇ ਉਰਸ ਦੌਰਾਨ ਕਵੀ ਦਰਬਾਰ, ‘ਵਾਰਿਸ ਦੀ ਹੀਰ’ ਨਾਟਕ ਅਤੇ ਖੇਡ ਮੁਕਾਬਲੇ ਕਰਵਾਏ ਗਏ। ਮੇਲੇ ਦੇ ਆਖ਼ਰੀ ਦਿਨ ਸ੍ਰੀ ਨਨਕਾਣਾ ਸਾਹਿਬ ਦੀ ਸਿੱਖ ਗੱਤਕਾ ਪਾਰਟੀ ਵੱਲੋਂ ਗੱਤਕੇ ਦੇ ਜੌਹਰ ਦਿਖਾਏ ਗਏ ਅਤੇ ਭੰਗੜਾ ਪੇਸ਼ ਕੀਤਾ ਗਿਆ।