ਸਿੰਗਾਪੁਰ ਦੇ ਸਿਨੇਮਾ ਘਰਾਂ ਵਿਚ ‘ਕਬਾਲੀ’ ਦੇ ਪ੍ਰਦਰਸ਼ਨ ‘ਤੇ ਕੀਤੀ ਗਈ ਆਰਤੀ

ਸਿੰਗਾਪੁਰ,: ਰਜਨੀਕਾਂਤ ਦੇ ਪ੍ਰਸ਼ੰਸਕਾਂ ਨੇ ਬੀਤੇ ਦਿਨ ਉਨ੍ਹਾਂ ਦੀ ਤਮਿਲ ਫ਼ਿਲਮ ‘ਕਬਾਲੀ’ ਪ੍ਰਦਰਸ਼ਤ ਹੋਣ ‘ਤੇ ਆਰਤੀ ਕੀਤੀ ਗਈ। ਨਾਲ ਹੀ ਇਸ ਫ਼ਿਲਮ ਦੇ ਕਈ ਸ਼ੋਅ ਵੀ ਚਲਾਏ ਗਏ। ਰੇਕਸ ਸਿਨੇਮਾ ਦੇ ਬਾਹਰ ਲੰਮੀ ਲਾਈਨਾਂ ਵੇਖੀਆਂ ਗਈਆਂ ਜਿਥੇ ਪ੍ਰਸ਼ੰਸਕਾਂ ਨੇ ਰਜਨੀਕਾਂਤ ਦੇ ਕਰੀਬ ਚਾਰ ਮੀਟਰ ਉਚੇ ਕਟਆਊਟ ਲਈ ਫੁੱਲਾਂ ਦੀ ਇਕ ਮਾਲਾ ਦਾ ਪ੍ਰਬੰਧ ਕੀਤਾ ਸੀ। ਗੈਂਗਸਟਰ ਆਧਾਰਤ ਇਸ ਫ਼ਿਲਮ ਨਾਲ ਉਨ੍ਹਾਂ ਨੇ ਕਰੀਬ ਦੋ ਸਾਲ ਤੋਂ ਬਾਅਦ ਵੱਡੇ ਪਰਦੇ ‘ਤੇ ਵਾਪਸੀ ਕੀਤੀ ਹੈ ਜਿਸ ਦੀ ਸ਼ੂਟਿੰਗ ਮੁੱਖ ਰੂਪ ਨਾਲ ਮਲੇਸ਼ੀਆ ਵਿਚ ਕੀਤੀ ਗਈ ਸੀ। ਪ੍ਰਸ਼ੰਸਕਾਂ ਨੇ ਵੱਡੇ ਪਰਦੇ ‘ਤੇ ਰਜਨੀਕਾਂਤ ਦੀ ਵਾਪਸੀ ਦਾ ਜਸ਼ਨ ਵੀ ਮਨਾਇਆ ਅਤੇ ਆਰਤੀ ਕਰ ਕੇ ਖ਼ੁਸ਼ੀ ਦਾ ਇਜ਼ਹਾਰ ਕੀਤਾ ਅਤੇ ਤਾਲੀਆਂ ਵਜਾਈਆਂ। ਭਾਰੀ ਭੀੜ ਨੂੰ ਵੇਖਦੇ ਹੋਏ ਰੇਕਸ ਸਿਨੇਮਾ ਨੇ ਸੁਰੱਖਿਆ ਦੇ ਪੁਖ਼ਤਾ ਇੰਤਜ਼ਾਮ ਕੀਤੇ ਸਨ।