ਪੱਤਰ ਪੇ੍ਰਰਕ, ਪਾਇਲ : ਸਥਾਨਕ ਪੁਲਿਸ ਨੇ ਰਾਜੀਵ ਕੁਮਾਰ ਵਾਸੀ ਪਾਇਲ ਦੀ ਸ਼ਿਕਾਇਤ ‘ਤੇ ਕਾਰਵਾਈ ਕਰਦਿਆਂ ਲਾਪਰਵਾਹੀ ਨਾਲ ਕਾਰ ਚਲਾਉਣ ‘ਤੇ ਚਾਲਕ ਰਣਜੋਧ ਸਿੰਘ ਵਾਸੀ ਘੁੰਗਰਾਣਾ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ। ਸ਼ਿਕਾਇਤਕਰਤਾ ਅਨੁਸਾਰ ਉਹ ਮੋਟਰਸਾਈਕਲ ‘ਤੇ ਆ ਰਿਹਾ ਸੀ ਤਾਂ ਰਣਜੋਧ ਸਿੰਘ ਲਾਪਰਵਾਹੀ ਨਾਲ ਕਾਰ ਚਲਾ ਰਿਹਾ ਸੀ। ਉਸ ਨੇ ਕੱਚੀ ਸੜਕ ‘ਤੇ ਮੋਟਰ ਸਾਈਕਲ ਚੜ੍ਹਾ ਕੇ ਆਪਣਾ ਬਚਾਅ ਕੀਤਾ। ਕਾਰ ਦਾ ਪਿੱਛਾ ਕਰਨ ਤੋਂ ਬਾਅਦ ਚਾਲਕ ਰਣਜੋਧ ਸਿੰਘ ਨੇ ਆਪਣੀ ਕਾਰ ਬੋਪਾਰਾਏ ਇਲੈਕਟੋ੍ਨਿਕਸ ਨੇੜੇ ਸੜਕ ਦੇ ਵਿਚਕਾਰ ਖੜ੍ਹੀ ਕਰ ਦਿੱਤੀ ਤੇ ਆਪਣੇ ਦੋਸਤ ਨਾਲ ਗੱਲਾਂ ਕਰਨ ਲੱਗਾ, ਜਿਸ ਕਾਰਨ ਟ੍ਰੈਫਿਕ ਜਾਮ ਹੋ ਗਿਆ, ਜਿਸ ਕਾਰਨ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ।