ਜਾਸ, ਮਨਾਲੀ : ਮੌਸਮ ਦੇ ਬਦਲੇ ਤੇਵਰ ਨੂੰ ਦੇਖਦਿਆਂ ਮਨਾਲੀ-ਲੇਹ ਮਾਰਗ ਸੋਮਵਾਰ ਤੋਂ ਅਧਿਕਾਰਤ ਤੌਰ ’ਤੇ ਬੰਦ ਹੋ ਗਿਆ ਹੈ। ਇਸ ਮਾਰਗ ਦੇ ਬੰਦ ਹੁੰਦਿਆਂ ਹੀ ਬਰਾਲਾਚਾ, ਸ਼ਿੰਕੁਲਾ ਤੇ ਕੰਜਮ ਦੱਰਿਆਂ ’ਚ ਸੰਨਾਟਾ ਛਾ ਗਿਆ ਹੈ। ਗਰਮੀ ’ਚ ਇਨ੍ਹਾਂ ਦੱਰਿਆਂ ’ਚ ਸੈਲਾਨੀਆਂ ਦੀ ਭੀੜ ਰਹਿੰਦੀ ਹੈ ਪਰ ਹੁਣ ਅਗਲੇ ਸਾਲ ਮਈ ’ਚ ਇਹ ਰੌਣਕ ਪਰਤੇਗੀ। ਮਨਾਲੀ-ਲੇਹ ਮਾਰਗ ’ਤੇ ਪਾਣੀ ਜੰਮਣਾ ਸ਼ੁਰੂ ਹੋ ਗਿਆ ਹੈ। ਬਰਾਲਾਚਾ, ਸ਼ਿੰਕੁਲਾ ਤੇ ਕੰਜਮ ਦੱਰਿਆ ’ਤੇ ਰੁਕ-ਰੁਕ ਕੇ ਬਰਫ਼ਬਾਰੀ ਹੋ ਰਹੀ ਹੈ। ਕਦੇ ਵੀ ਭਾਰੀ ਬਰਫ਼ਬਾਰੀ ਹੋ ਸਕਦੀ ਹੈ ਇਸ ਲਈ ਵਾਹਨ ਚਲਾਉਣ ਵੇਲੇ ਖ਼ਤਰਾ ਕਾਫ਼ੀ ਵੱਧ ਗਿਆ ਹੈ।