ਐੱਸ. ਏ. ਐੱਸ. ਨਗਰ, 26 ਜੂਨ -‘ਸਿਰੋਪਾਓ’ ਸਿੱਖ ਕੌਮ ਵਿੱਚ ਅਹਿਮ ਸਥਾਨ ਰੱਖਦਾ ਹੈ ḩ ਪਹਿਲਾਂ ਕੇਸਰੀ ਰੰਗ ਦਾ ਸਿਰੋਪਾਓ ਉਸ ਵਿਅਕਤੀ ਨੂੰ ਭੇਟ ਕੀਤਾ ਜਾਂਦਾ ਸੀ, ਜਿਸਨੇ ਸਮਾਜ ਖਾਸ ਕਰਕੇ ਸਿੱਖ ਪੰਥ ਲਈ ਕੋਈ ਖਾਸ ਕੰਮ ਜਾਂ ਸੇਵਾ ਕੀਤੀ ਹੋਵੇ ḩ ਜਿਸ ਸਖਸ਼ੀਅਤ ਨੂੰ ਇਹ ਸਿਰੋਪਾਓ ਦਿੱਤਾ ਜਾਂਦਾ ਸੀ, ਉਹ ਇਸਨੂੰ ਬਹੁਤ ਹੀ ਆਦਰ ਨਾਲ ਵੱਡੀ ਉਪਲੱਬਧੀ ਮੰਨਦਾ ਹੋਇਆ ਸੰਭਾਲਕੇ ਰੱਖਦਾ ਸੀ, ਪਰ ਮੌਜੂਦਾ ਸਮੇਂ ‘ਚ ਇਸਦੇ ਅਰਥ ਹੀ ਬਦਲ ਗਏ ਹਨ ḩ ਪਿਛਲੇ ਦਿਨੀਂ ਸ੍ਰੀ ਅਕਾਲ ਤਖਤ ਸਾਹਿਬ ‘ਤੇ ਇੱਕ ਅਰਦਾਸੀਏ ਸਿੰਘ ਵੱਲੋਂ ਮੁੱਖ ਮੰਤਰੀ ਨੂੰ ਸਿਰੋਪਾਓ ਭੇਟ ਕਰਨ ਤੋਂ ਇਨਕਾਰ ਕਰਨ ਦਾ ਮਾਮਲਾ ਪੂਰੇ ਦੇਸ਼ ਵਿਚ ਚਰਚਾ ਦਾ ਵਿਸ਼ਾ ਰਿਹਾ ਸੀ, ਜਿਸ ਤੋਂ ਇਸਦੀ ਮਹੱਤਤ ਆਪ ਮੁਹਾਰੇ ਸਪੱਸ਼ਟ ਹੁੰਦੀ ਹੈ, ਪਰ ਪਿਛਲੇ ਕਰੀਬ ਦੋ ਦਹਾਕਿਆਂ ਤੋਂ ਖਾਸ ਕਰਕੇ ਇੱਕ ਦਹਾਕੇ ਤੋਂ ਤਾਂ ਸਿਰੋਪਾਓ ਦੀ ਦੁਰਵਰਤੋਂ ਸਿਖਰਾਂ ‘ਤੇ ਹੈ ḩ ਹੁਣ ਨਾ ਤਾਂ ਜ਼ਿਆਦਾਤਰ ਸਿਰੋਪਾਓ ਭੇਟ ਕਰਨ ਵਾਲਿਆਂ ਨੂੰ ਅਤੇ ਨਾ ਹੀ ਸਿਰੋਪਾਓ ਲੈਣ ਵਾਲਿਆਂ ਨੂੰ ਇਸਦੇ ਮਹੱਤਵ ਬਾਰੇ ਕੋਈ ਜਾਣਕਾਰੀ ਹੁੰਦੀ ਹੈ ḩ ਇਹੀ ਕਾਰਨ ਹੈ ਕਿ ਜ਼ਿਆਦਾਤਰ ਰਾਜਨੀਤਿਕ ਤੇ ਸਮਾਜਿਕ ਆਗੂ ਇਸ ਪਵਿੱਤਰ ਸਿਰੋਪਾਓ ਦੀ ਜਮਕੇ ਦੁਰਵਰਤੋਂ ਕਰ ਰਹੇ ਹਨ ḩ ਹੁਣ ਕੋਈ ਵੀ ਵਿਅਕਤੀ ਜਦੋਂ ਰਾਜਨੀਤਿਕ ਖੇਤਰ ‘ਚ ਇੱਕ ਪਾਰਟੀ ਛੱਡਕੇ ਦੂਜੀ ਪਾਰਟੀ ‘ਚ ਸ਼ਾਮਿਲ ਹੁੰਦਾ ਹੈ ਤਾਂ ਨਵੀਂ ਪਾਰਟੀ ਵਾਲੇ ਆਪਣੀ ਪਾਰਟੀ ਵਿੱਚ ਉਸ ਨੂੰ ਅਤੇ ਉਸਦੇ ਸਾਥੀਆਂ ਨੂੰ ਸਿਰੋਪਾਓ ਪਾ ਕੇ ਉਨ੍ਹਾਂ ਦਾ ਸਨਮਾਨ ਕਰਦੇ ਹਨ ḩ ਉਹ ਇਹ ਵੀ ਨਹੀਂ ਜਾਣਦੇ ਕਿ ਪਾਰਟੀ ‘ਚ ਸ਼ਾਮਿਲ ਹੋਣ ਵਾਲੇ ਵਿਅਕਤੀ ਸਿਰੋਪਾਓ ਦੇ ਯੋਗ ਵੀ ਹਨ ਜਾਂ ਨਹੀਂ ḩ ਜ਼ਿਆਦਾਤਰ ਸਮਾਗਮਾਂ ‘ਚ ਤਾਂ ਸਿਰੋਪਾਓ ਲੈਣ ਵਾਲੇ ਵਿਅਕਤੀ ਸ਼ਰਾਬ ਜਾਂ ਕਿਸੇ ਹੋਰ ਤਰ੍ਹਾਂ ਦੇ ਨਸ਼ੇ ਦਾ ਸੇਵਨ ਕੀਤੇ ਹੋਏ ਹੁੰਦੇ ਹਨ ḩ ਇਥੇ ਹੀ ਬਸ ਨਹੀਂ ਸਮਾਗਮ ਖਤਮ ਹੋਣ ਤੋਂ ਬਾਅਦ ਸਿਰੋਪਾਓ ਲੈਣ ਵਾਲਾ ਵਿਅਕਤੀ ਉਸੇ ਸਿਰੋਪਾਓ ਦੇ ਵਿਚ ਸ਼ਰਾਬ ਆਦਿ ਛੁਪਾਕੇ ਲਿਜਾਂਦਾ ਵੀ ਵੇਖਿਆ ਗਿਆ ਹੈ ḩ ਇਥੋਂ ਤੱਕ ਕਿ ਇਨ੍ਹਾਂ ਸਿਰੋਪਾਓ ਨਾਲ ਕਈ ਲੋਕੀਂ ਆਪਣੀਆਂ ਗੱਡੀਆਂ ਆਦਿ ਵੀ ਸਾਫ ਕਰਦੇ ਆਮ ਵੇਖੇ ਜਾਂਦੇ ਹਨ ḩ ਸਿੱਖਾਂ ਦੇ ਇਸ ਵਿਸ਼ੇਸ਼ ਸਨਮਾਨ ਚਿੰਨ੍ਹ ‘ਸਿਰੋਪਾਓ’ ਨੂੰ ਇਸਦਾ ਬਣਦਾ ਸਥਾਨ ਦਿਵਾਉਣ ਲਈ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ੂ ਜ਼ਰੂਰੀ ਹੁਕਮ ਜਾਰੀ ਕਰਨੇ ਚਾਹੀਦੇ ਹਨ ਤਾਂ ਜੋ ਸਿਰੋਪਾਓ ਦੀ ਨਿਰੰਤਰ ਹੋ ਰਹੀ ਦੁਰਵਰਤੋਂ ਰੁਕ ਸਕੇ ḩ ਇਸ ਸਬੰਧੀ ‘ਚ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੁਹਾਲੀ ਤੋਂ ਮੈਂਬਰ ਭਾਈ ਹਰਦੀਪ ਸਿੰਘ ਦਾ ਕਹਿਣਾ ਹੈ ਕਿ ਸਿੱਖ ਕੌਮ ‘ਚ ਸਿਰੋਪਾਓ ਸਿਰਫ਼ ਉਸ ਵਿਅਕਤੀ ਨੂੰ ਦਿੱਤਾ ਜਾਂਦਾ ਹੈ, ਜਿਸਨੇ ਸਮਾਜ ਵਿਸ਼ੇਸ਼ ਕਰਕੇ ਪੰਥ ਲਈ ਕੋਈ ਵਿਸ਼ੇਸ਼ ਕੰਮ ਜਾਂ ਸੇਵਾ ਕੀਤੀ ਹੋਵੇ, ਪਰ ਹੁਣ ਕੁਝ ਲੋਕਾਂ ਨੇ ਨਿੱਜੀ ਮੁਫਾਦਾਂ ਖਾਤਿਰ ਸਿਰੋਪਾਓ ਨੂੰ ਬਹੁਤ ਮਾਮੂਲੀ ਚੀਜ਼ ਬਣਾਕੇ ਰੱਖ ਦਿੱਤਾ ਹੈ, ਜਿਸਦੀ ਦੁਰਵਰਤੋਂ ਬੰਦ ਹੋਣੀ ਚਾਹੀਦੀ ਹੈ।-
ਕੇ. ਐੱਸ. ਰਾਣਾ